انا : صافي مشينا فيها هادي هي لخرا ليا (بديت كانبكي) هئ هئ هئ ...انا ماكانحمل حتا سميتك ...صدقت غانتزوج بيك الله انعل ساعا لي جيت فيها لهنا هئ هئ هئ
ناض اياد لعندي و مع هو طويل عليا ههه شد وحهي بين يده اطلعوا لجيهت وجهوا
اياد: عفاف تا شي حاجة ماكاتستاهل دموعك كولشي غايتحل انا كانواعدك ..جرني لعندوا و عنقني ..اول مرة اعنقني شي واحد خسيت براحة و طمأنينة فحضنوا ماعرفتش علاش حسيتوا حتوا گاع داك الغضب و الحزن لي كان فقلبي ...حتا انا بدوري بادلتوا العناق
بدا جاد كايصفق : واش ساليتوا هاد الفيلم الهندي ديالكوم (جرني من يدي حتا تزعزعت ) شتك ستحليتي نتي تعنيقة اا ولا اصلا هو عاجبك
انا: ونتا مالك اش دخلك اوجه نحس من نهار شفتك حياتي تقبات سفاها علا علاها
جاد: يتكما نسيتي اش وقع قبايلات راه والدينا قرروا ازوجونا يعني غاتولي مرتي يعني غاتولي نتي ديالي
انا:واش فوعيك ولا مالك شتك تيقتي راسك كاتهدر بحال إلا صافي درنا العقد و خلااااص ... افيق اولدي راه مازال ماوقع والو ...خصنا نفكوا هاد المشكل دابا
جاد : نتي كاتعرفي باباك مزيان ...و حتا انا كانعرف بابا مزيان والله لا عطاونا الفرصة حتا فين نهدروا ...صافي هوما حطوا زواج فبالهوم ...و مغايتراجعوش ...
انا : ادا الحل شناهوا
مروان : تقبلوا هاد الزواج ...غار تكملوا عام او عامين و طلقوا ...گولو بأنكوم ماتفاهمتوش
انا: واااااايلي
جاد : كايبان ليا هادا هو الحل
خرجت و انا منهارة تبعني جاد : انا غانوصلك
انا : لا بلاش غانمشي راسي
جاد : مايمكنش نخليك تمشي ونتي فهاد الحالة
انا: هههه زعما خايف عليا
ضرني فكتفي و قال : واه مانخافش علا مرتي و غمزني
انا: والله احتا انا غنموت بالفقسة و نتا عاجبك الحال
جاد: هههه گاع ديك الاهانات لي كنتي كاديري ليا قدام دراري (بداو عرقوا كايخرجوا و عينيه كايحماروا و كتبان عليه الجدية ) كانقسم ليك فمي بالله ياحتا نخرجهوم منك غانعاود ليك ترابي من لول غار بلاتي حتا نديروا العقد غانتاقم منك شر إنتقام و ديك الطرشة لي عطيتيني غادي نقاد ليك عليها ضلوعك
انا صراحة شداتني الخلعة من كلاموا و بزاف حيت هو ملاكم غادي يتريني فيا مزياااان
انا: دموعي غلبوني بداوكايطيحوا شلال ...واش نتا حقيير حتا لهاد الدرجة وااااو طلعتي...وسخ من ما كنت كانضن .... طلعت لطوموبلتي وزدت خليت مورايا غار العجاج
وصلت للدار دخلت من الباب لوراني ...گلت لدادا سليمة تقول ليهوم راني جيت مي مابغيت حد يجي لعندي للبيت حيت بغيت نرتاح ...دخلت حيدت حوايجي و تخشيت تحت الماء سخون كنت كانحس بلي البرد داخل ليا حتا لعضم بقيت هكاك شي 40min دوشت وخرجت لبست بيجامتي و نعست حسيت بواحد العيا عمرني ماحسيت بيه حسيت ...بأعصابي عياو نعست من 3 دلعشية حتا ل 6 جات دادا سليمة كاتفيقني : نوضي اكبيدتي نوضي راه قربوا ناس يجيو
انا: دادا (عنيا غرغروا بدموع )،
دادا: حاااسة بيك ابنتي حاااسة بيك بلا ماتدوي
انا: دادا من نهار حليت عيني فهاد الدنيا نتي لي لقيتك حدايا عافااك ادادا متخلينيش
دادا: الله ابنتي لله ماتزيديش تقطعي قلبي عليك راه ربي لي طال من جهتي...مي ماحدني فالدنيا نا معاااك
انا: عنقتها ربي يخليك ليا ا نوارت حياتي
دادا: كتمسح عينيها .... يالاه نوضي جمعي الوقفا راني جبت ليك قفيطين لي غاتلبسي ياله حلقي ليا علا الحالة
انا: وخا ادادا شكرا
خرجات و خلاتني نضت علا سعدي و عدي لبست و قاديت حالتي و گلست ....عيطت علا لبنات گلت لهوم يجيو ... جاو لعندي لبسات و مقادات تقول هوما ليغيتخطبوا ....
يتبععععع
أنت تقرأ
انا و نتا (مستقيمان.. متوازيان لا يتلاقيان... )
Romanceهادي القصة تانية ديالي من كتابتي انا القصة عندها جوج ديال الابطال لي هوما انا :عفاف و هو : جاد ؛ عفاف هي انا كولشي صفات و شكل شخصية لي غاتقراوه علا عفاف راه ديالي المهم القصة من خيالي مي قحمت نفسي فيها حيتاش انا كانعيش كولا شخصية كانكتب عليها . ...
