Sa pagbukas ng aking mga mata
Sinag nang araw, una ko nang nakita
"Napaka-ganda," iyan ang aking hinuha
Salamat, Ama sa isa na namang umaga
Ilang sandali, sa aking pagbangon
Pintig ng puso'y tila umahon
"Napakalakas," iyan ang aking turan
Salamat, Ama sa buhay na inilaan
Maraming salamat, Ama
Patuloy mo kaming pinagpapala
Sa kabila ng kawalan ng pag-asa
Ikaw ay nariyan, laging handa
Totoo ngang pag-ibig mo'y tunay
Wala ring ibang makapapantay
Pasasalamat ko'y habang buhay
Sa iyo lamang, Ama iaalay
