قلوب على جرف الهاوية
للكاتبة nuha-d-h
احبائي جداً اعتذر عن التأخير بتنزيل البارت
فرح
بعدما داهم علي هو والجهات الامنية مكان ووكر بعدة اشتباكات اطلاقات نارية گدرو بعدها يحاصرون نبيل والعصابة وتم القبض عليهم بعد ما اتعرض نبيل الى اصابة خطيرة اودت بحياته وبعدها صارت الاحداث كدام عيني عبالك فلم بطيء شفت شلون سيارات الاسعاف اقتحمت المكان ووصلت لعدنا واخذو حسام وسماح واني وعلي ركبنا وياهم شفت حسام عالسدية بداخل سيارة الاسعاف شلون كل ساعة يفتح عيونة ويباوع علية ويرجع يغمى عليه لان ظل ينزف دم وابد ما اتوقف والله كانت لحظات جدا عصيبة
المرة الاخيرة فتح عيونة وشفتة يحجي بصوت هامس قربت منة حتى اسمعة شيحجي
حسام وكوة يحجي وكأنه يريد يطمن صاحبة العيون الباكية والقلقة عليه
حسام-ها يجعفر اشو جني اشوفك تبجي مثل البنات معقولة طلعت تحبني واني ما ادري
فرح وهي تمسح بدموعها وتبتسم بالم عليه
-انت شتحجي لك انت ابوية لك انتة ابني الي حبة شلع گلبي
لك انت اول حب بحياتي واول لهفة شوگ دخلت بگلبي واول فرحة امل صرت مثل الشمعة الي ضوت ظلمة حياتي
حسام وهو يهمس باذنها على كيف
-اااااخ يافرحة حسام شلعتي گلبي وربيتيلي الف علة
المفروض اسميج علة حسام
شفتة رجع غمض عيونة مثل راح غفة عينة واني اتخبلت سمعت احد المسعفين الي موجودين بالسيارة انطة اشارة للسايق
-رجاءاً اسرع شوية ترة المصاب بدة ضغطة ينزل بسرعة استعجل لا نفقد المصاب
وصلنا للمستشفى ودخلناه للمستشقى وبسرعة استلموه من عدنا ودخلوه على غرفة العمليات
والله ما اكدر اوصفلكم الجو شلون انگلب بالمستشفى
بالناس والمعارف والاهل الكل اجة علمود يطمن على حالت حسام
لكن فرح في هذه الاثناء كانت تنتظر قدوم شخص عزيز عليها كانت جدا محتاجة وجود هذا الشخص
وفجاءة شافت قدومه باكياً من نهاية ممر المستشفى وبلحظة التقاء العيون مع بعضها كانت احدها اكلة الدهر عليها والاخرى اضعفها هول الزمان
فرح كانت تنظر لجدها الانسان الي كان السند الحنون الي ابد متنازل عنها وعن خواتها وبقى يتحمل عنادها واستهتارها واتحمل منها جميع انواع الصد والجحود
گامت فرح من مكانها وراحت تمشي بخطوات مترددة
بتجاه ذلك الجد الحزين لكن اصبحت هذه الخطوات تسرع شيئاً فشيئاً الى ان اصبحت تعدو راكضة بتجاه حضن الحبيب صاحب اللحية المخضبة بالشيب والدموع
وصلت الى حيث كان واقفاً ووقفت امامه بتردد وكأنها تنتظر منه السماح لها في الدخول الى احضانه
فما كان من الجد الحنون الا ان يفتح لها ذراعيه اليها وهو يبكيها موجوعاً من الالم لما فقده من احبته
نضرت الى ذراعيه المرحبة بها فلم يكن من فرح الا السقوط في احضان الجد شاكيتاً له اوجاعها على كل ما مر عليها من ضياع والم
فرح
شهكت واخذت الانفاس داخل ذلك الحضن الي استقبلني بكل لهفة
واستنشقت ريحة حضنه الي اختلطت مع انفاسي وتوغلت لداخل صدري
وهناااا وكأنني استنشقت ريحة الغالي ابوية اي اي هاي ريحة العزيز بابا افيششششششش يجدي ياصاحب الحضن الدافي الحنون
اخ مني اشكد اذيتك وصبرت علية واتحملتني بس كلي شلون اجازيك
رفعت راسهة تباوع لعيون جدها وهو ينظر عليها بكل حنان
الجد-لج يفرحة انتي ماسامعة المثل الي يگول
((ما اغلى من الولد الا ولد الولد ))
لج يفرحة انتي غالية وبنت الغالي
لج. انتي عزيزة علية واشوف بيج ابوج العزيز بصباه اشوف بعنفوانج وعنادج ومكابرتج وحتى راسج اليابس اشوف بيج ابني الي راح ومالحگت اشبع منة
رجع حط راسهة على صدره
وهي ظلت تبجي على الصدر الحنون
فرح تشتكي الم گلبها لجدها -جدي حسام بحالة خطرة والله اذا صار عليه شي اموت اموت ما اتحمل بعد الم فقدان الاحبة
الجد وهو يمسح على راسها-لتخافين عليه بنيتي
ترة ابن عمج ذيب امعط مينخاف عليه
بعد ما انتهت لحظات الوئام التي كانت تحيط بين الحفيدة وجدها سمعو من خلفهم اصوات الشباب علي وعامر وعلاء يسؤلون الدكتور الي طلع من غرفة العمليات
عن وضع اخوهم
الدكتور-الحمد لله كدرنا نتلاحك للمصاب ونطلع الرصاصة من كتفه وكدرنا نجتاز مرحلة الخطر لان المصاب من وصل الى هنا كان فاقد الكثير من الدم
وهسة حالتة حالياً مستقرة تكدرون تدخلون عليه من يصحة
فرح كان الكل حابس الانفاس لكن بعد سماع الاخبار المفرحة عن صحة حسام اصبح الكل يتنفس الصعداء براحة وكانت العيون تدمع فرحا بنجاة حسام وخروجه من غرفة العمليات سالماً
اوف والله كانت فترة واوقات جدا صعبة
رحت كعدت بصف جدي كان جالس قرب علي وكانو منتظرين ان يصحو حسام حتى يدخلون عليه ويطمنون عليه
سمعت جدي يسأل علي
-اي صدك علي احجيلي بالله شلون گدرت تعرف مكان حسام والبنات وين
علي-والله جدي بفضل الله ودهاء حسام گدرت اوكع على وكر عصابة نبيل حسام قبل لا يروح على مكان تسليم الفلوس
قبلها خطة خطوة ذكية تضمن عدم المجازفة بحياة فرح وبنفس الوكت تضمن وصلنا الهم لانقاذهم
الجد-هاي شلون
حسام -اني اكلك شلون حسام من راح يسلم الفلوس سلم ورقة للعامل الي يشتغل عندة وكلة اذا اتأخرت وما رجعت عالمحل خلال خمس ساعات ضروري تسلم هاي الورقة بيد علي اخوي بالذات فاهم ضروري
والله فعلاً عدت الخمس ساعات وحسام مرجع على المحل وشفت العامل اجاني للمركز وطلب يشوفني بنفسة ويسلمني الورقة
وهنا كانت الصدمة ان نبيل متصل على حسام وطالب منة الفدية وحسام راح لمكان التسليم لوحدة بس حسام كان يعرف بنبيل ما راح يهدة ويتركة يروح بسهول فهو اتخذ الاجراءات من يمة وخلة نقال بالسيارة مالتة وكان منزل برنامج البحث عن المواقع وشغل الGPS(هذا برنامج يساعد على معرفة المواقع )
المهم واحنا عن طريق الجي بي اس گدرنا نتبع مكان النقال و نوصل للمكان لكن عثرنا بس على سيارة حسام وما يمهة شي بس قطع ارضي متناثرة بالمكان لكن بهاي الاثناء سمعنا رمي الرصاص وكان جداً قريب على موقع السيارة ورحنا الى مكان ومصدر الاطلاق وكنا متوقعين ان هذا الرمي الة علاقة بحسام والله وصلنا للمكان بالوقت المناسب وكان الوضع جدا حساس
بعدها حاصرناهم بعد ما داهمناهم كان الوضع حرج لكن ربك لطف بينا وكدرنا نجتاز هاي المهمة بنجاح
الجد وبصوت حزين-وعمك
علي دنگ راسه -عمي اتوفى بسبب اصابتة الخطرة لان هو ظل يرمي بتجاه سماح وفرح والكل دخل بالانذار وصار تبادل الرمي بين الطرفين واودت بحياة نبيل
الجد-الموت ولا العار جنت شايل هم وين اودي وجهي من عمايل عمكم السودة بس ربك ما راد يخزيني وينزل راسي من تالي عمري الحمدلله على كل حال
فرح
بعد مرور ثلاث ايام
حسام يهمس بأذنة لج ذكريني اذا الله كتبلنا نطلع من المستشفى
اعضج كل يوم الصبح من رگبتج
فرح ببتسامة -ليش تعضني
حسام ويجر حسرة-شنو الليش لج اريد اطلع القضى والمضى بيج ولج خليتيني اربعة وعشرين على اهبة الاستعداد وياج
فرح -يالله وانت هم شد الهمة حتى تتشافة بسرعة حتى نتزوج
حسام -ااااخ الله والله جنك يحعفر مستعجل اكثر مني عالزواج
فرح- استغفر الله ياربي انتة شنو شبيك متعرف تحجي بالرومانسيات هسة اكو واحد يغازل خطيبتة ويكللهة جعفر ادري هو هذا هم يسمونة غزل
حسام -هههههههه اخ يابة والله عندي شلل بالمشاعر
والله احتمال عندي اعاقة عاطفية
بس عذريني اني ما اعرف اعبر عن مشاعري الا بطريقة وحدة
فرح -اي بالله شنو هالطريقة
حسام ويهمس -تعاي اقتربي يمي خل اشاورج
فرح بكل برائة راحت لعندة يم السرير وقربت راسهة منة حتى تسمعة
وحسام وما ادراك ما حسام
بسرعة استغل الفرصة وجرهة وگعدها بحضنة
واكل شفايفها المتفاجئة واقتحمها على حين غرة
وغابو ثنينهم بعالمهم وحسيت عليه شلون فرد الشفايف وصار يتفنن بكل شفة على حدى
فرح حسيت بحرارة بدمي تجري وصارت حركاته وياي اكثر جرئة وخفت لا واحد يدخل علينا وابتعدت بس غير الصدك غصب عني ابتعدت
حسام وهو دايخ وكوة يهمس -اخ يابة من احتركت عشيرتك حسام
دخلت سماح وعلي وسمعو حسام يغلط عالعشيرة
علي -خير شكو شبيكم والله كمت اخاف منكم انتو الثنين كلما اشوفكم كاعدين سوة بنفس المكان گلبي يگرصني احس راح تصير كارثة بالعالم ما اعرف ليش احس بيكم عبوة متنقلة اينما تحلون يحل الدمار
حسام -اشكرك اخوية العزيز
بس بعد تعرف اخوك ابو مصعب الزراقاوي ومرتة جاي يتعاركون علمود يشرحلها الطريقة الوحيدة الي اعرف اعبر بيها عن مشاعري والحمد لله فهمتهة الطريقة وعلمتها
التفت لفرح وغمزلها
- اي بس صدك فرح يحتاج لج دروس تقوية من ناحية تعبير عن المشاعر
فرح صارت خدودها طماطة -ضربت حسام على جتفة
حسام -اخ اخ اخ يابة الجرح بعدة ماطاب يفرحة
وهي كمزت وخافت عليه
-يمة اسم الله عليك اسفة والله ماادري نسيت
حسام -يالله هاك استلم وتزعل من اكول جعفر
ترة يابة على كيفك ويانة ارحم بحال حسامك
حسام وبامر
يالله تعاي بوسي مكان الالم بكلت يشفى
فرح -والله تستاهل الضربة الي اكلته لان هاي من ورة سوالفك
يتبع
