وحد الليلة كان الشتاا تصب و الجو بارد بزاف و الظلمة كانت آلاء كملت خدمتهاا و راجعة لدارهم كانت حاطة راسها و تمشي بلخف في ديك الظلمة حتاا فاتت على مجموعة تاع ولاد سكرانين حشاكم قرت انها تبدل الطريق باش تتفاداهم وفعلا بدلت الطريق مي كانت الجهة لي راحتلهاا تخوف كثر مالاولى نقطع ڨاع الحس و بدات تسمع غي فصوت النو كي راهي تصب و صوت رجليهاا و هي تمشي... بعد خمس دقايق حست كلي واحد راه يتبع فيهاا دارت مي ماقدرتش تشوفه مالظلمة مي بانلهاا بلي راجل و ضخم هي بدات تخف في مشيتهاا و زادت لقاته هو تاني يخف آياا بدات تجري حتاا حست بواحد شدها من يدهاا و جبدهاا لعنده هي ضربتهاا ريحة البارفان لي كان دايره كانت بزاف قاوية و بقاا شادلها فمهاا و يجرجر فيها مع لرض هي بدات تسيي توغ مي واحد ما يقدر يسمعهاا شافت فيه والو ما قدرتش تتعرف عليه حتاا شافت في يده علامة تبان كلي ضربة تاع سكين و راهم مخيطينه و كان يجرجر فيها بلا رحمة و ما نطق حتاا كلمة .....
فطنت آلاء فالسبيطار على كابوس و كانت تشوف في كلشي ضباب حتاا بدات تسمع صوت يقول ياا دكتوور راهي فاقت المريضة جاهاا الطبيب ضربهاا بين عينيها فطنت و بدات توغ و تقول وين راني
حكمتهاا نوبة تاع تواغ حتاا دارولهاا مهدئ و رقدت... فطنت فليل لقات ماماهت عند راسهاا شادتلها يدهاا حست جات تنوض مي ما قدرتش و حست روحاا ماهيش تشوف مليح بدات تغمض عينيها وزير عليهم و تعاود تحلهم مي نفس الشي زيرت علاا يد ماماها حتاا فطنت - ماماها : اووه آلاء فطنتي بنتي كاش ما راه يوجع فيك راكي مليحة - آلاء : ما قدرتش تهدر هزتلها راسهاا و غمضت عينيها زعما وي راني مليحة
راحت ماماها جابت الطبيب شافهاا و دارولها دوا رقدت آلاء و الصباح ناضت على منام نامت بلي قتلوهاا و بدات توغ و تقول طلقني طلقني لقات الاطباء دايرين عليها و ماماها و باباها تاني... هدؤوهاا و سقساها الطبيب كي راهي تحس روحهاا - آلاء : وين راني... علاش راني هناا... واش صراا قولولييييييي
- ماماها : ما صراا والو يا بنتي 😢😢😢😢😢 و تبكي - الطبيب طلب منهم يخرجو و يخلوها ترتااح دارولها مهدئ و خرجو راح حكا مع ماماها و قالها لازم يخبروها باش آبخي ما تزيدش تتصدم اكثر
قاتلو صحاا العشية كي ولوو عندهاا -آلاء : مازال ما نخرج؟؟ - الطبيب : لا مزال لازم تبقاي اكثر حتاا تبراي مليح - آلاء: علاش واش صرالي؟
و هناا دخلو الشرطة - الشرطة : السلام عليكم جينا ندو افادة الضحية اداا تسمح حالتهاا - الطبيب : ايه صحاا - الشرطي : تقدري تحكيلناا بالظبط واش صرالك يوم... /.../....
الشرطي، : لا قبل عشر اياام من اليوم - آلاء : 😓😰😢😢😢 و علاش واش صراالي - الشرطي : تعرضتي لعملية اختطاف و اغتصاب مع الضرب و التعنيف و دخلتي في غيبوبة لمدة عشر ايام و مدابيك تعاونيناا باش نلقو القبض علا المجرم - آلاء : جاتها هستيرياا بدات تضحك و تبكي و تقول لاا لااا
الطبيب خرج الشرطة و بدات يكالمي في آلاء.. بعد مدة كي هدات جاتها ماماها و باباها - آلاء : ماما سمحيلي طيحت من قيمتكم سمحيلي و بدات تبكي و ماماها معنقتهاا و تقولها لا بنتي هداا قضاء و قدر و ماشي بيدك صرالك هكاا و باباها تاني - هدات آلاء شوياا و عاودو ولولها الشرطة و حكاتلهم كيما حكيتلكم حتاا لوين فقدت الوعي
فاتت سمانة و خرجت آلاء مالسبيطار و داوهاا للدار و كان لازم عليها تريح مليح... كي وصلوو دخلت لبيتها و بدات تبكي حتا رقدت كي ناضت دخلت ماماها تشوفهاا - آلاء : ماما.... وين راه مجيد؟؟ ما جاش ايه و علاش يجي شكون لي راه يقبل بياا - ماماها : لا يا بنتي مجيد كان عنده خدمة هاداا مكان - آلاء : ما تخميش ماما علابالي و شكون غادي يدي بنت مغتصبة و اصلاا كانت بايناا نتوما بغيتو تزوجوني بسيف - مجيد هو خطيب آلاء... راجل غني متزوج في عمره 39 سنة مرته ما تجيبش ولاد بغا يتزوج من آلاء و باباها قبل و سيفوه عليه لانوو عندو دراهم و يقدر يعيشهاا مليح آلاء قبلت بيه علا خاطر والديهاا مي كي سمع بلي اغتاصبوهاا راح و سمح فيهاا
رقدت آلاء هداا النهار فطنت فليل حست روحهاا جيعانة راحت كلات و رجعت رقدت الصباح كي ناضت جاها المحامي و قالهاا انو لقاو بعض الادلة فالمكان لي خطفهاا منو و ايضاا فالمكان لي لقاوها فيه لقاو آجونداا ( مذكرة) فيها ارقام هواتف و اسم و لقب تاع رجل و اشيااء بزاف مكتوبة حوسو علا صاحبهاا وجابوه و انوو غدواا تعرض قضيتهم في المحكمة و لازم تحضرهاا هي...
راح المحامي باتت آلاء تخمم هداك النهار كيش دير غدواا باتت تبكي و تخمم
جا الصباح ناضت آلاء قاتلها ماماها ادا ماراكيش واجداا ما تروحيش
قاتلها آلاء انوو لازم تعرف العبد لي خسرلها حياتهاا
راحو للمحكمة كي دخلو شافت في وجهة و عينيها غي دموع و بغات تقولهم لا ماشي هو مستحيل واحد هكا يديرلي هاد الشي شافت جون يبان كالم و شبااب بزاف يبان ملاك هي كانت تقارع فكاش واحد كلوشار وجهو مخسر و فمو طايح لكن كان العكس تماما قربت ليه حتاا شمت ريحة البارفان نفسهاا شافت في يدو لقات هاديك العلامة قاتلهم انوو هداا هو و هي حايرة و علاش دارلهاا هكاا
خرجوو راحو لصالة المحكمة قعدو حتاا جابوه مدخلينه و يبان عيان و بعدها شافت موراه راجل و مراا يشبهوله و تاني جون و شيرة معاهم قالت بلاك عايلته قعدو كل شوية يشوفو فيها كي شافتها ماماه بدات تبكي و تتحسر عليها و خته تاني اناا خوه بقا حاط راسه طول الجلسة
بدات القاضي يهدر
ماهو السبب لي خلاك دير هكاا - أسامة : .....
- القاضي : نرجو من المحامي التوضيح - اسامة : اناا لي درتلها هكا و نقبل باي عقوبة تفرضوها علياا
هناا طرطقت آلاء بالبكاا و بدات تقوله خسرتلي حياتي و الله ما نسمحلك نتاا سبابس و علاش درتلي هكاا
ضرب القاضي بالمطرقة لتهدية الوضع حتاا داخت آلاء و داوهاا للسبيطار و تأجلت الجلسة الي بعد يومين
راحت للسبيطار و هنا خبرهم الطبيب بلي راهي حامل بدات آلاء تبكي و تقول واش درت يا ربي ضربني و غتاصبني و زيد حامل منو و علاش يا ربي خرجت داوها لددار و راحت لبيتها و بدات تبكي حتا دخلت عليها ام اسامة بدات تبكي معاها حتاا قاتلها آلاء انها تخرج ما شي حاملة تشوف فيها بدات ام اسامة تبكي و تطلب فالسماح حتاا دخلت ختو تاني و بدات يطلبو منها فالسماح و قالولها يديرولهاا اي حاجة المهم تسمح لولدهم - آلاء : ولدكم دمرلي حياتي محال نسمح راكم طالبين المستحيل عنقتها ام اسامة و بدات تقولها صحاا و ادا احتجتي اي حاجة قوليناا - آلاء حن قلبها و قاتها ما نعرف كيفاش مراا كيفك جايبة وحش كيماا هداك
هناا دخل شكيب و ما هدر غير كلمة وحداا قالها انا نتزوجك و سمحيله - الاء و ڨاع لي تما بقاو مشوكيين من هدرتو عايلتو مستحيل شكيب لي ڨلع فكرة الزواج من راسو يتزوجهاا و آلاء بقات تخمم كيفاش عندو وجه يقول هكاا....
🙌🙌🙌🙌🙌🙌🙌🙌🙌🙌🙌🙌🙌🙌😽😽😽😽😽😽😽😽😽😽😽😽😽😽
اتركو تعليق و شاركو اصدقائكم القراءة فضلا و ليس امرا... للدعم فقط
أنت تقرأ
عشقت مغتصبي
Paranormalعشقت مغتصبي . . . قصة تحكي على بنت اغتصبها شاب اغتصابا عمديا تم التخطيط له و عرضها لكامل انواع التعنيف مي آبخي يعرض عليها الزواج مقابل انها تسمح له قدام القاضي و ما يدخلش للسجن و صح هادا لي رح يصراا تكون بيناتهم رابطة كره كبيرة بزاف مي آبخي تختفي...
