عشقت مغتصبي .
.
.
قصة تحكي على بنت اغتصبها شاب اغتصابا عمديا تم التخطيط له و عرضها لكامل انواع التعنيف
مي آبخي يعرض عليها الزواج مقابل انها تسمح له قدام القاضي و ما يدخلش للسجن و صح هادا لي رح يصراا
تكون بيناتهم رابطة كره كبيرة بزاف مي آبخي تختفي...
ابطال حكاية عشقت مغتصبي أسامة و آلاء و كاين شخصيات اخرى تتعرفو عليهم في الحكاية . . . أسامة شاب عمره 26 سنة طويل و اسمر و الكور مخدوم و مزير.... ابن اكبر مافياا في البلاد أسامة قاري و مكمل و يخدم مع باباه تجارة المخدرات و اسلحة داخل و خارج البلاد.... اب أسامة "سي مالك " انسان متعصب بزاف و قلبه بدون رحمة ما يشفق على حتا واحد آباغ مرته و وولاده أسامة و ريحاب و شكيب موفرلهم كل حاجة يطلبوها.... مكاش لي يلعب معاه حتاا الشرطة كلهم يتهربو من استلام القضية تاعه نولو لأسامة.. يبغي بوه بزاف و يعتبره هو مثله الاعلى يمشي خطوة خطوة معاه كان ينفذله كل اوامره حتاا ولا بوه يتكل عليه و يخليه في بلاصته.... تربى اسامة على طريقة بوه ولا قلبه قاسح حتا و لوكان مايقدرش يدير صوالح لي يديرهم بوه و لكن كان ينفذ و يقول هذا هو الراجل ما لازمش يشفق لكن كان عنده ضمير و يندم مي يعاود بوه يفطنه.... شكيب... هو اخ أسامة كبير عليه ب سنتين عمره 28 سنة يبغي يرسم كل وقته دايهله الرسم ...يكره خدمة بوه لكن ما يرفضله حتاا طلب باسكو يبغيه شكيب كان متزوج و مرته ماتت في حادث مرور و من بعدها ما بغاش يعاود الزواج سهام... تاني اخت أسامة في عمرها 18 سنة تقراا فالجامعة هي مدللة بوها و خوتهاا يبغوها بزاف الحاجة لي تقول عليها يجيبوهالها ...عايشين غايا عائلة سعيدة و امهاا انسانة حنينة بزاف و امرأة صالحة تخاف ربي و لكن ما عيات مع راجلها باش يحبس شي لي راه يدير فيه مي والو ما يردش عليها . .
نروحو لبطلة حكايتناا آلاء... بنت في عمرها 21 سنة تخدم فالسبيطار ( الشبه الطبي) باراميديكال.... تخدم جوغ و ڨارد يعني ادا اليوم خدمت فالنهار بعد يومين تخدم فالليل آلاء بنت بيضة بزاف ماهي قصيرة ما هي طويلة شعرها كحل و طويل و عينيها كحلين كانو يعيطولها الجابونية باسكو تشبهلهم 😌 هي من عائلة فقيرة بزاف باباها مريض ما يقدرش يخدم و ماماها تاني قاعدة مڨابلة راجلهاا هي البنت الوحيدة لوالديها تخدم عليهم... كانت بنت تقيلة بزاف و رزينة تخمم قبل ما دير اي حاجة ما تخالطش الناس و تعرف قدرهاا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
