ကြယ်ခိုးသူ
'Morning ကလေးလေး.....'
အခန်းထဲသို့ သူဝင်လာပြီး ကုတင်ထက်ရှိဖြူ ဖြူ နုနုကောင်လေး၏ပါးထက်သို့ အနမ်းတစ်ပွင့်ခြွေလိုက်သော်လည်းထုံးစံအတိုင်းတုန့်ပြန်မှုကတော့မရှိ။ အရောင်မဲ့နေသောမျက်လုံးများနှင့်အသက်မရှိသူတစ်ယောက်ကဲ့သို့မျက်နှာကြတ်အားပေါက်ထွက်မတတ်စူးစူးဝါးဝါးစိုက်ကြည့်နေသောထိုကောင်လေးမှာ ပုံဖော်ခွင့်မရသောဒေါသတို့ကိုအံတင်းခံနေရုံမှလွဲ၍တခြားမရှိ။
သူကတော့ သူ ' ကလေးလေး ' ဟု တင်စားခေါ်ဝေါ်သည့် ထိုကောင်လေး၏ဘေးတွင်ထိုင်သည်။ ထိုကောင်လေး၏လက်ဖဝါးနုနုတို့ကိုမထိရက်သလို မထိတထိလေးကိုင်သည်။
ထိုကောင်လေး၏ မျက်လုံးအစုံမှနာကျင်နေမှုတို့ကိုဂရုမထားမိနိုင်လောက်အောင် ထိုကောင်လေး၏ ပြစ်မျိုးမှဲ့မထင် မျက်နှာလေးကိုတစိမ့်စိမ့်ကြည့်နေရသည်မှာမဝနိုင်။ ထို့နောက် သူ့အားစကားတစ်ခွန်းမှပြန်မပြောသောထိုကောင်လေးအား သူပြောချင်သည့်စကားများတစ်သီတစ်တန်းကြီးပြောသည်။
မနက်စာအကြောင်း၊ ညကသူဖတ်ခဲ့သောစာအုပ်အကြောင်း၊ မနက်ဖြန် မြို့လယ်ခေါင်တွင်ကျင်းပမည့် show ပွဲအကြောင်း စသည် စသည်တို့ကိုမရပ်မနားတမ်းပြောသည်။ ထို့နောက် သူဆုပ်ကိုင်ထားသောထိုကောင်လေး၏လက်ဖဝါးလေးကို သူ့နှုတ်ခမ်းပါးများနှင့်ဖိကပ်ရှိုက်နမ်းလိုက်သည်။ ဘယ်နှစက္ကန့် ဘယ်နှမိနစ်ကြာသွားသလဲဆိုတာ သူမသိ။
သူ့အနမ်းများသည်အချိန်ကန့်သတ်ချက်မဲ့သည်။
ထို့နောက် အရင်နေ့ရက်များလိုပင် အဖန်တရာထေအောင်ကြေမွနေသော နေ့ရက်တစ်ရက်ကိုဆက်လက်ပုံဖော်ရန် ၊ ပိုကောင်းလာမလား ပိုဆိုးသွားမလား
အရင်နေ့ကအတိုင်းလေးသာဆက်ရှိနေမလားဆိုတာ သူကိုယ်တိုင်မသိသေးသော နေ့ရက်ကိုဖြတ်သန်းရန် သူအခန်းအပြင်ဘက်ပြန်ထွက်သွားသည်။
YOU ARE READING
ကြယ်ခိုးသူ နှင့်အခြားဝတ္ထုတိုများ (BL,GL)
Teen Fictionကလေးလေး ကိုအပြင်မှာပထမဆုံးတွေ့ဖူးတဲ့နေ့။ အဲ့ဒီ့နေ့က တိတ်တိတ်လေး ဆုံးဖြတ်လိုက်တယ်။ တစ်နေ့ကျကလေးကိုခိုးမယ်လို့။