Conversation
( GL Short story )
ရေး မျက်လုံးနှစ်လုံးပွင့်လာချိန်မှာ နေရောင်ခြည် ပြင်ြး့ပင်းတွေဟာ သူမရဲ့တစ်ကိုယ်လုံးကိုထိုးနေပြီ။ ဒီမနက်ရဲ့ကောင်းကင်ပြာဟာ အရင်နေ့တွေ့ကထက်အရောင်ဖျော့နေသလိုပဲ။ ညကအေးစက်မာကျောနေတဲ့တိုက်ခေါင်မိုးတစ်ခုပေါ်မှာ ကြယ်တွေကိုကြည့်ရင်း ရေး အိပ်ပျော်သွားခဲ့တာ။ ညက ကြယ်တွေစုံခဲ့ပေမယ့် ရေးအတွက်တော့ မလှပနိုင်ခဲ့ဘူး။ ဒီမနက်ခင်းလည်းထိုနည်းလည်းကောင်းပဲ။
မနေ့ကတစ်နေ့လုံး အရက်တွေကလွဲရင်ဘာကိုမှ ဟုတ်တိပက်တိမစားပဲအိပ်ပျော်သွားတာမို့ ရေးရဲ့
ရင်ခေါင်းတွေထဲပူနေပြီးဗိုက်ထဲကဟာနေတယ်။
ဒါပေမယ့် တစ်ခုခုစားလိုက်ဖို့အစီအစဉ်လဲရေးမှာမရှိဘူး။
ရေး ရဲ့ပုံမှန်ဘဝနေထိုင်မှုတွေဟာပျောက်ဆုံးနေတာကြာပြီလေ။ နေရောင်ခြည်ရယ်၊ လေးကြမ်းကြမ်းတစ်ချို့ရယ်ကလွဲရင်ဘယ်သူမှမရှိတဲ့တိုက်ခေါင်မိုးပေါ်မှာ ရေး ခြေပစ်လက်ပစ်ထိုင်နေမိတယ်။ အိပ်ထားလို့အနည်းငယ် ဖရိုဖရဲဖြစ်နေတဲ့ သူမရဲ့အနက်ရောင်ဆံပင်ပျော့ပျော့တွေကို လက်နဲ့တစ်ချက်သပ်လိုက်တယ်။ ရေးရဲ့မျက်ဝန်းနက်တွေက နာကျင်ကြေကွဲခြင်းတွေကိုပိုက်ထွေးလို့ ဟိုးအဝေးကိုမျက်စိတစ်ဆုံးငေးနေတယ်။ သူမ အတွေးတွေထဲမှာ နေရာယူထားတာကတော့ ကော်ဖီရောင်ဆံပင်တွေနဲ့ကောင်မလေးတစ်ယောက်အကြောင်းပဲ။ သူမရဲ့ လက်ချောင်းသွယ်တွေကြားမှာပျော်မွေ့ခဲ့ဖူးတဲ့ကော်ဖီရောင်ဆံပင်ခွေခွေလေးတွေ။ခဏကြာတော့ ရေး ထလာပြီးတိုက်ခေါင်မိုးအစွန်းကိုလျောက်သွားတယ်။ သူမခြေဖဝါးအောက်ကရေညှိစိမ်းစိမ်းတွေဟာဒီနေ့မှပိုပြီးလှနေသလိုပဲ။ ရေး အောက်ကိုငုံ့ ကြည့်လိုက်တော့ လမ်းပေါ်ကရွေ့နေတဲ့ လူတွေကားတွေကိုသေးသေးလေးတွေပဲမြင်ရတယ်။ သူမကလွဲရင်တခြားအရာအားလုံးဟာသူ့ဟာနဲ့သူတော့အဆင်ပြေနေတယ်လို့ ထင်မိတာကြောင့်ခပ်ထေ့ထေ့လေးပြုံးမိတယ်။ ရေး ရဲ့အပြုံးတွေဟာ အရင်ကလိုတောက်ပမှုတွေမရှိတော့တာအမှန်ပဲ။ ကောင်းကောင်းမပြုံးနိုင်တဲ့ရက်တွေများလာတဲ့နောက်တော့ ရေး အတွက် အသက်ရှင်ရတာရော အသက်ရှုရတာပါပိုပိုပြီးခက်ခဲလာတယ်။ ဖြစ်နိုင်ရင်ခြေလှမ်းတွေကိုရှေ့တစ်လှမ်းတိုးလိုက်ချင်ပေမယ့် ကော်ဖီရောင်ဆံပင်တွေရဲ့ပိုင်ရှင်လေးကိုနောက်တစ်ခေါက်တော့တွေ့ချင်မိသေးတယ်။
YOU ARE READING
ကြယ်ခိုးသူ နှင့်အခြားဝတ္ထုတိုများ (BL,GL)
Novela Juvenilကလေးလေး ကိုအပြင်မှာပထမဆုံးတွေ့ဖူးတဲ့နေ့။ အဲ့ဒီ့နေ့က တိတ်တိတ်လေး ဆုံးဖြတ်လိုက်တယ်။ တစ်နေ့ကျကလေးကိုခိုးမယ်လို့။