ငယ်...
ကောင်းကင်ထက်၌တလိပ်လိပ်တက်နေသောရွှေဝါရောင်တိမ်များကြားမှတိုးထွက်လာသောနေမင်းသည်တဖြည်းဖြည်းနှင့်အေးစိမ့်လှပသောမနက်ခင်းတစ်ခုကိုဆောင်ကျဉ်းပေးလာသည်။ အမျိုးစုံသောငှက်ကလေးများ၏တေးသီသံနှင့်
တောင်ပံကလေးများတဖျတ်ဖျတ်ခတ်ပြီးဝေယံထက်၌ပြေးလွှားပျံသန်းနေကြသည်မှာဤမနက်ခင်းအားပိုမိုလှပစေရန်အရောင်တင်ပေးနေသလိုပင်။
ထိုရွှေအိုရောင်တိမ်သားတိမ်စိုင်များကိုဖြတ်၍ ပြတင်းတံခါးမှတစ်ဆင့်အခန်းထဲသို့တိုးဝင်လာသောနေရောင်ခြည်သည်လတ်ဆတ်လင်းလက်လှသည်။ အလင်းနှစ်သန်းပေါင်းများစွာမှလာသောနေရောင်ခြည်တို့မှာ နောက်ဆုံးတော့ဤအခန်းလေးထဲ၌ခရီးဆုံးသယောင်ဖြင့်အခန်းတစ်ခန်းလုံးအားလင်းစေလိုက်သည်။အိပ်ရာထက်မှ စိုင်းခွန် တစ်ယောက်ပွင့်ဟလာသောမျက်ခွံများနှင့်အတူပြန့်ကျဲနေသည့်အတွေးစိုင်တို့ကခေါင်းထဲသို့တဖြည်းဖြည်းတိုးဝင်လာသည်။ မျက်နှာကြတ်နှင့်နံရံတစ်လျောက်ပြေးလွှားနေသောနေရောင်ခြည်အလင်းတန်းများကိုခပ်တွေတွေလေးကြည့်နေမိသည်။ ဆို့နင့်မွန်းကြပ်လာသောရင်အစုံကြောင့်မျက်ဝန်းထောင်မှမျက်ရည်စတို့ကနားထင်ပေါ်သို့ဖြတ်ပြေးစီးထင်သွားရသည်။ သို့သော်နာကျင်နေသောရင်ဘတ်ကိုလက်ကလေးနှင့်ဖိ၍အိပ်ရာထက်တွင်ထထိုင်လိုက်ပြီးမျက်ရည်စတို့ကိုသုတ်လိုက်သည်။ဘေးရှိမီးအိမ်တင်စားပွဲကလေးတွင်တင်ထားသောမျက်မှန်ဘူးထဲမှမျက်မှန်ကလေးကိုထုတ်၍တပ်လိုက်သည်။
သူဒီနေ့သွားစရာတစ်ခုရှိသည်။ မဖြစ်မနေသွားရမည်ဖြစ်၍အိပ်ရာအနီးတွင်ထားရှိသောတုတ်ကောက်ကလေးကိုယူလိုက်သည်။ ထိုတုတ်ကောက်ကလေးသည်သူအားပြုရမည့်လက်တစ်စုံလိုပင်သူ့အတွက်အသုံးဝင်လှသည့်အဖော်ကလေးဖြစ်သည်။
YOU ARE READING
ကြယ်ခိုးသူ နှင့်အခြားဝတ္ထုတိုများ (BL,GL)
Teen Fictionကလေးလေး ကိုအပြင်မှာပထမဆုံးတွေ့ဖူးတဲ့နေ့။ အဲ့ဒီ့နေ့က တိတ်တိတ်လေး ဆုံးဖြတ်လိုက်တယ်။ တစ်နေ့ကျကလေးကိုခိုးမယ်လို့။