مساء الورده عليكم احبتي جبتلكم قصه بعنوان
اكره جنس ادم
قصص عراقية حقيقية
القصة كاملة
Jaymin_Jaymin
هذه القصه بمجرد قرائتكم للعنوان قد تستغربوا بعض الشيء
وقد تدور في اذهانكم عده تساؤلات وافكار
ماذا،لماذا،وماهو الكره هل هو عمدا،،ام جاء بسبب،ام دون سبب،ام خيبه حب
تابعو القصه
الابطال هم::
بطله القصه:
سلوى:23سنه،،،خريجه هندسه،،تعمل موظفه
هشام35سنه موظف ومدير قسم بنفس الدائره الي تشتغل بيها سلوى
وباقي الشخصيات تتعرفون عليهم بالقصه
تحياتي الكاتبه
jaymin
المقدمه /تعريف لسان حال سلوى
سلوى/المهندسه سلوى 23موظفه من العراق ،من كنت صغيره كنت اتمنى بس اكبر اريد اوصل لعمر اهلي اريد اكون شخصيه وكلمتي مسموعه ،،كنت اشوفهم يلبسون ويطلعون براحتهم ويتناقشون كنت بس احشر نفسي بينهم اريد ابين صوتي وحالي حالكم،مرت الايام وصرت كبيره بالمتوسطه وهمه من اول يوم كالولي الرجل،وحش،يخوف،شيء مقابل شيء،الشباب يضحكون على البنات،كبرت على هذا المبدا،صرت اعداديه اشوف واسمع اسوالف الحب بدت تزهر بحياه كل بنت اما انا ف صرت افكر بس بكلمه وحده وهيه الفشل ،الفشل ،الفشل هالكلمه تخنقني احلامي كوابيس برجل بحياتي ماحلمت بشيء زين ،،،،كله حلم يخنقتي،،من صرت بالسادس الاعدادي وانا علمي فدخلت عده مدرسين خصوصيين وكان هناك اكو بنات من كل المناطق كل وحده بداخلها حب،جرح،حزن،فرح اما اني مفاهمه شي من هذا الحياه
كنت ارجع احجي لماما وماما تخاف عليه كل فكرها انعدي منهم كانت تكول ل ابويه وابويه يحاسبني كنت اختنق واتالم واكوللهم العباره المعتاده(يمه يابه (انيي بنتكم، ترباتكم من احجيلكم مومعناتهاواطلع عن الطريق لابلعكس لان ماكدر اضم عليكم)ومحد يفهم كنت اتعب واموت من قهري ومحد يحس.
كنت ابجي كل يوم واتمنى اضحك،كنت كوللهم اريد اعيش ،،كانو يفهمون هالكلمه غلط حسبالهم اطلع عن طريقهم مرت ايام واجت ايام وانتهت مرحله السادس الاعدادي وقدمت على كليه لان معدلي عالي ويسمح بالهندسه،،،كنت اتمنى ابدي حياه جديده بس مجنت اتصور راح ادخل سجن اكبر من سجني وعواقبه جعلتني اتخذ من طريق لوحده والعزله ملاذا لي ،،،،،،،،قريب مايبدي الدوام الكليه
يعني باجر الدوام
كعد بابا يمي وكال:
الاب:اسمعي بنيتي انتي صرتي كليه بس مومعناتها تاخذين راحتج ،،عيونج بالكاع الصديقه الموراحه عوفيها،،شاب يريد يتعرف لاتديريله بال،بس على كد السلام،،صور ماكو متاخذين وي صديقاتج،طلعه بلا اذنا ماكو،اكل من النادي ماكو،،،اذا اجاج الولد انت زميل الااتنطين مجال
اليريدج يدك الباب،،،فهمتي
سلوى:اي بابا فتهمت ميخالف شتريد يجرالك
بعدها اجت امي:لج سلو شفتي بيت فلانه بنتهم تتمضحك وي سايق الخط ،،،واحنه سجلناج بخط ديربالج منا منا
الاخ:لج اكو واحد صديقي ،يكول البنت تطلع مستوره من بيت اهلها وبالسياره تبدل،،،مكياج ماكو ،،لج احنه خاليلج مراقبين ديربالج تتصرفين منا منا
سلوى ها هم عصفور يراقبني مثل المدرسه،،تتدللون ميخالف
بعدها جهزت ملابس الكليه ونمت ودموعي على المخده ،،،،،،،زين هاي بدايه الحياه الجنت انتظرها فوكاها مراقبين ربي والله ماسوي شيء انت تعرفني الهي وبعدها
نامت سلوى ووووووووو
سلوى كعدت الصبح غسلت وتانقت جانت بكلبها فرحه متنوصف مراحت وحدها اتعرفت على بنات بالخط همه رحمه وابتسام حبابات جانو مرحله4 كالتلهم عفيه لاترجعون وتعوفوني الان اخاف وحدي ومااندل
نزلت ودخلت للقاعه وانتضرت كل الطلاب والطالبات اجوي وتعااارفت فقط على البنات ،وفجاءه اجه طالب من مرحله الرابعه مثل انه هو استاذ، وراها اول مره دخلت للنادي جانت ويه مجموعتها تستحي من فاتت حلفت بعد ماتدخله،جان جو حلو جان عندها تليفون صرصور بعيد عن الكامير والفيس وذني السوالف،بس اول مرجعت للبيت بعد ما انتهه الدوام
طلعت من الكليه شافت البنات تاخروا عليها مااجو بالمكان المحدد حتى يرحون للخط كامت تبجي بعدها ب10دقايق لكتهم وفرحت رجعت للبيت بسلام وواول شيء سوته كالت ل امها اريد تليفون جديد ويلوك بيه كطالبه جامعيه اني كبرت وهذا التليفون مومن عمري صرت كليه مو مدرسه
الاب سمع وكال:ها سلوى بعدج ممداومه وتردين تليفون لعد بعد شهر شتسويين ماكو
