هلووو شلونكم
اليوم كعدت بال9 و تمطيط نفس كل مره اكعد بيها يعني مستحيل اكعد بكرامتي لازم دفرات🌚💔 المهم
رحنه لبيت بيبي كعدنه عدهم و تغدينه وراها ماما اخذتنا للروان رحنه اصاله العاب مغلقه للأطفال علمود الزعاطيط 😂
و هذا المحاسب لا اله الا الله صوته نااااصي يتنعوص و من يحجي لازم اكوله هااا!؟ ينرفزز
صعدنه للقاعه و لعبت نيني بالالعاب يربي شكد كيووته تجنن 😻😻😻 *نيني اختي عمرها 10 اشهر *
طلبنه فنكر طبعا اني دائما بالطلعات المراسله و الحماله و المحاسبه و كلشي رحت لهذا كتله نريد 4 فنكر (على عددنه عدا نيني لانها سموول😹)
كال اوك دقايق و يصير جاهز اطاني جرس كال اذا دك نزلي اخذي اني بكلب- خير غير همه يجيبوا؟😑-
و اشتريت عصاير و مي
عاد وره شويه نزلت كتله ها خلص كال بعده مادك بصوووت ناصييي بكلبي -وجع علي صوتك 😑👊👊-
صعدت و رجعت نزلت وره فتره كتله ها بششر؟ صااح بهااء ! كملت؟ اني بكلبي-بهاء الفاهي نننن 😝😝 -
كتله خير لو أني مسويه جان خلصت و اكلته كال لازم أم بيت كتله اي ليش لا ؟😏😏 كال جا متسويلنه طبخ فد يون و تجيبيه كتله لا مالي خلكك اتعاجز تره اطبخ بس إليه 😒
و كعدت جوه و اهلي فوك منتضره الفنكر الفكر هذا عاد انطانياه كتله صلوات (بس تمنيت اشوف هذا بهاء الفاهي الي سواه )
المهم كال اعتذر تأخرنه بصوت عالي هالمره طك ميانه الأخ 😂 شال الصوت المصطنع الي ينرفز كتله اوك عادي
صعدت اكلنه و ماما و اني ضلينه مصنف و نضحك عليهم 😂😂😂😂 حسيت بطني تفجرت
صح فهي بس اكله طيب 😂😂😂💔👊
و الله تخبلت كل شويه ماما دزتني على شغله من يم هذاك و صرت نازله خري مري و لازمتني الضحكه
طلعنه رحنه للمولات و اشتريت بلوز كلش حلو لزكت بيه 😍😍 و قميص كابوي طويل
رجعنه لبيت بيبي و بابا اجه علينه و هسه كاعده اكتب من قلب الحدث بالسياره 😄 بأستخدام موبايل ماما
رح نوصل و انشره فورا
باااي💕👋
أنت تقرأ
ام الزوز الخبله🍥🍥
Humor..عراقيه ..عمري 13 ..2004/10/11 ..أحب فرقه كوريه اسمها bts "طبعا هي غنيه عن التعريف"💕💕 ..اوتاكو للنخاع 💕💕 ..ارمي للنخاع 💕💕 ..شخصيتي خبله مرحه وو ... راح تعرفوني أكثر بعدين😀"فديتني" ..محبه للجميع لا أكره احدآ 😇🌹🌹