إسالو قلبي

الجزء الاول

#إسألو_قلبي
بقلم فردوس عبد اللطيف
الجزء الاول.   حقيقية
هلوو راح احجيلكم قصة حبي اني والكبد مالتي ....احم احم
اني اسمي نور من الموصل من..... مواصفاتي بيضة كلش وجسمي رشيق وطولي كلش حلووو وعيوني وساع نرجسيات يعني بالمختصر كيووت وعمري 17سنة اضن مدحت نفسي هواية.
احمد:(حبي) بعد وكت يا انجلينا جولي
اووي فديت نفسي
اعرفكم ع عائلتي بابا اسمة اثير يشتغل بالنفط وامي فاطمة نبع الحنان مدرسة عندي اخوات 2ريم ومروج واخ واحد المدللاسمة سعد يدرس بالجامعة اما اخواتي مزوجات ريم عدها اطفال ولد واحد اسمة قيدار ومروج عدها طفلين حمزة وحسين احنة اصلنا من بغداد بس ساكنين الموصل وعدنا بيتين واحد بالموصل وواحد ابغداد المهم...
ماما:وج نووور كعدي الساعة 7يادوب تلحكين عالمدرسة
نور :امممممهسة جاية
طراااخ
نور:شححححح عاااا ولك سعد والله الة اكسرك يابوي من الصبح بكوب مي شنو هاذة الحنان العدكم🤒🤕
وووكعدت غسلت وبدلت لبست الزي المدرسي ونزلت تريكت وورة اشوية طييييط اجة الاشتراك بااااي
عندي صديقاتي بالاشتراك وصديقتي الي هية حبي وحياتي وعمري جنان جنواي
نور:صبااحو
جنان:هلا هلا بالضلع صباح الورد شنو هاي الجمال انطيني گرصة من الخدود
نور: وج اااااخ وغبرة
ورة نصف ساعة وصلنا المدرسة كالعادة دروس وتحشيش عالمدرسين والمدرسات
ااا نسيت لااحجيلكم مستواي بالمدرسة كللللش ممتاز🤗
صارت الساعة 12الضهر رجعنا
وصلت يم فرعنا ونزلت د امشي
ولاگاني ابن جيراني الي هوا احمد كنا بعد ماحابين بعض
شفتة باوع علية اني دنكت ومشيت بس مااعرف شنو من شعور حسيت بي رجفة بجسمي حرارة قلبي صار ينبض مية نبضة بالثانية استعجلت صرت بسدة ومشيت بسرعة ووصلت بيتنا بس تريدون الصراحة تمنيت مااوصل بيتنة من الشعور الحسيتة
المهم فتت سلمت ع اهلي
سعد:هلا بنونتي شونج شخبار البنات الصاكات الي معاج
نور:هلا بسعودي بخير ومنو كلك صاكات اصلاً اني احلى وحدة بالمدرسة
سعد:امممم شنو هاذة التواضع🤔عاابت
نور:هلووو ماماتي شونج شخبارج شنو الغدا ترى كلش جواعنة وين بابا اخواتي مااجو اليوم
ماما:غبررة شبييج اكلتيني بالاسألة صحفية خوما صحفية
نور:لايوم مو صحفية بس هيج فضول غير اعرف الاخبار اول بأول🤗
سعد:وج كااااافي روحي غيري ملابس حتى نتغدة كل هالاسألة وجوعانة
نور :ماشي بس ضل سؤال نسيتة
ماما وسعد:شنو
نور:وين تاج الراس بابا
سعد:بغرفتة
نور:اممممم اوك رايحة اغير ملابسي امووواح
ماما وسعد:ولا تكعد راحة ام السان
الجزء2
سعد وماما:ولاتكعد راحة ام السان
نور:رحت غيرت ملابسي ونزلت اتغدينا ورتبنة البيت اني وماما
نور:ماما اني رايحة ارتاح بغرفتي سي يو
ماما براحتج ماماتي
نور:فتحت الموبايل لان كنت غالقتة طول الاسبوع صف سادس واعرف راح انشغل عن الدراسة داتصفح بالفيس فخابرتني جنواي
جنان:هلو نورة تعاي عليا حتى انروح للسوك
نور:اممممم تعبانة
جنان:سكتي يلا انتضرج لتتأخرين اممم افكر
جنان:شتفكرين د اكلج مريني يلا
نور :وغبرة ليش اتصيحين فوك راسي اوك جاية
جنان :امووواح
على فكرة جنان يمنة يعني بيناتنا 3ابيوت واصلهة
نور:رحت استأذت من اهلي اكيد ايوافقون وصعدت الغرفتي حتى اغير ملابسي فتت سبحت لبست بنطلون اسود وبدي زهري وسترة طويلة لونها اسود وترانشوز رياضي زهري ولبست حجاب(ملغع) زهري وطلعت اتمشة
دا امشي وصلت تقريباً بيت اهل احمد وهوا صدفة اجة اني كلش استحيت ودنكت هوا احس بي يمشي ويباوع حسيت بشعور ايخبل مشيت وعديتة 🙃
خل اعرفكم على نفسي اني اسمي احمد طالب تربية انكليزي ثالث سنة مواصفاتي طويل بشرتي حنطاوي وعيوني خضر وجسمي رياضي اني الولد الاكبر بالعائلة مواليد95 وعندي 3اخوان بس ماعندي اخوات الوالد والوالدة الحمدالله عايشين وماكو بحنيتهم ابد
كافي تحمد بنفسك اووي
هم اجيتي دخلينا اشوي نحجي
اتفضل يا متكلم
افسحي المجال بالله
المهم اكمللكم اني من بغداد وعاشين احنة واهلي بالموصل صارلنة تقريباً5سنوات وبيتنة بحي كلش راقي
اني طبعي كتوم وقليل الكلام وشخصية كلش قوية وماتهزني بنت ولاعندي علاقات وبحياتي ماحبيت الة ان مرة دا افوت البيتنة صادفتني بنت بس مو بنت ملاك جمال وادب ورقة بكل معنى الكلمة
احم احم(نور)
احمد:
باوعت عليها اجن اعيوني بعيونها مااعرف شصار بية تخربطت تبسمرت بمكاني من نضرتها هية عجبتني دنكت واستحت وهاي اهمشي عندي صرت يومية انتضرها وماتطلع لانها بشتراك لمن تروح للمدرسة الة ان اجت اللحضة اجيت من صديقي وصادفتهة تتمشة ماصدكت تمنيت اروحن عليها اباوع بعيونهة واحجيلها اني احبج بس مااكدر من اشوف عيونها كلشي يتوقف حتى النفس ينحبس يمي هية ضلت تمشي بطريقها وتجاهلتني
نور:شفت احمد وعبرتا تجاهلتة خفت على نفسي لااباوع بعيونة لان من اشوفة مااتحمل جمالهم ولمعتهم وصلت جنان هلووو جنان شون قلبي
جنان:هلا عمري اشونج بخير يلا نمشي بس تااكلج اخوي خيوصلنا
نور:لا احنة نروح التكسي مالية الشارع
جنان : لاحبابة امشي امشي لاتستحين
نور :اوك
هشام اخو جنان :هلوو نور شونج
نور :تمام انت شونك
هشام:بخيييير من شفتج
نور :عاابت بصوت ناصي
وصلنا هشام وكل الطريق مشغل الاغاني صدعني راسي وصلنا ونزلنا اني وجنان
جنان اذا فكرتي بس مجرد تفكير تخلين اخوج ايوصلنا المكان اكسرج تكسير
جنان اووه امشي امشي
وضلينا نفتر ونشتري اغراض الة ان تعبنا ورجعنا بتكسي خليت ابو التكسي ايوصلني عند اهل جنان ورحت منها مشي الطريق ميطول5دقايق هيج واوصل
رجعت للبيت وبالليل نايمة وكمت حسيت نفسي جوعانة لكيت بابا كاعد عند التلفزيون هوا وامي
ماما:ها نونة كعدتي اكلي شي متعشيتي حبيبتي
نور:لاماما مااشتهي بس تفاجئت الهسة كاعدين
بابا:والله يابنيتي دنباوع على هاي الاخبار الي متسر الخاطر
نور:ليش بابا شكو؟
بابا:ديكولون الوضع مامستقر بالمدينة الله يستر
نور وماما:امين
رحت اكلت وضليت كاعدة لل2بالليل مااجاني النوم وعلى غفلة اشتعلت بالطلق برة بالشوارع اني صرت اصيح ونزلت على اهلي ايكبرون ويدعون الله يستر
اني مااعرف ليش اجة على بالي احمد وحسيت بخوف علي وضلينا كاعدين للصبح والدنيا مشتعلة بالاطلاقات والتكبيرات احنة تفاجئنة شنو هاي التكبيرات كانت طافية الكهرباء ضلينا نسمع دولتنة منصورة يالله انصر الحق انصرنا على الروافض احنة مانعرف شنو هاذة الاصوات اجت الكهرب شغلنا التلفزيون واذا بصقوط مدينة الموصل بأيدي الدواعش اني مااعرف شنو القصة صرت ابجي واكول شكو
بابا: بنتي هاي الدواعش ارهابيين ضد الدولة العراقية يعني بس الله يعرف شراح ايصير
اني وماما نبجي ونقرا قرآن واخوي سعد ايهدي بينا هوا وبابا
بابا:لاتخافون بس يستقر الوضع نرجع ع بغداد اذا سمحو الاحد الطلعة بس انتو هسة روحو ضمو الذهب والجناسي والمستمسكات لاسامح الله يصير شي
ماما وسعد واني:يلا رايحين
نور:اني صعدت الم غراضي المهمة وباوعت من الشباك للشارع شفت شفت احمد ايباوع من الباب اني اجتي حالة اصيحلة فوت لتتأذة خفت علي وصرت افكر اشون ابتعد عنة دمعن عيوني
واستمر الوضع بالموصل شهر واحنة ماطلعنا صارو الدواعش يصدرون الاوامر فسمعنا الي يريد يطلع بكفيل ويعطي مبلغ من المال بس هواية كنة كاعدين احنة واهلي وطفت الكهرب سعد:اني رايح اخابر اخواتي اشوف اخبارهم
ماما:وليدي تعال يمي كلنا نريد نحجي معاهم المهم خابرهن احمد وتطمنة ماما صاحتني كالت تعاي نسوي العشا رحت ساعدت ماما وتعشينة وصعدت الغرفتي وباوعت للشارع شفت احمد واكف يم سيارتة ويباوع على بيتنة حسيت شافني وصفن عليا اني باوعت علي ودنكت وسديت الشباك وبتسمت ورحت ع التخت ونمت من كثر مافكرت
كعدت الصبح غسلت ولبست اتراك وردي ولفيت شعري ونزلت صباااح الخيييير
الكل صباح النووور كعدنا نتريك وسعد يسولف ويحشش واحنة خربانين من الضحك كملنة الريوك كلت الماما
ماماتي ضلي هسة اني ارتب البيت لان المدرسة ومصيرنا مجهول
رتبت البيت كان يوم جمعة واحنة يمنا الجامع بدة الخطبة والدواعش ايسولفون ويتحلفون وبآخر الخطبة لازم نلتحق للمدارس والجامعات تفتح اني هين فرحت ومافرحت كلت اكيد هاي السنة مامعترف بيها اجوي بابا وسعد وتغدينا سألت بابا اذا اداوم حتى لو مامحسوبة اني استفاد انشاءالله برجعة الحكومة والموصل اطلع معدل عالي اهلي وافقو بس هماتين خايفين عليا رحت للداوم واحنة بالمدرسة اجت البكمات اني هين تخربطت كالت اجو حتى ياخذونة سبايا دخلو عالمدرسة ويحجون مع المديرة ويأشرون عالطالبات شفت المديرة تتعارك معاهم كلنا صرنا نبجي شفنا المديرة اجت بتجاهنا ومدنكة ومعصبة وكالت ياطالبات.................
تعارك معاهم كلنا صرنا نبجي شفنا المديرة اجت بتجاهنا ومدنكة ومعصبة وكالت ياطالبات
صدرو اوامر تلبسون كلشي اسود نقاب تغطون على عيونكم
اني هين اشوي ارتاحيت هاي ولاغيرها
صارت الساعة 12رجعت عالبيت ابو الاشتراك مااجة وصلت يم فرعنا وصادفني احمد لمن تاافوت باوع علية وبتسم اني دنكت والشارع فارغ الدنيا ضهر وناداني بصوت ناصي اني ماجاوبتة حسيت بي وراي ومسك ايدي
احمد:كنت دا اطلع بشغلة وصادفت ملاكي مااعرف شصار بية واجتي الجرئة وناديتها بعد ماعندي صبر لازم اعترفلها بحبي الها ومجاوبت رحت وراهة ومسكت ايدها اووؤلي اشتعلو اهلها شنو من ايد حرير من نعمها هية باوعت علية بتعجب
نور:نترت علي انت منو حتى تمسك ايدي هاا
احمد:اني احمد وراح اكلج كلمة اخاف عليج مااريد اطول اني احبج وفكري بالموضوع واريد جواب ومشيت ومانتضرتها حتى تجاوب
نور :كلي احبج اني هين ذبت بكلامة بس قويت نفسي وضليت ساكتة مااريد اضعف من اول لحضة وكلي فكري مشيت سريع وفتت للبيت فرحانة طاااايرة واغني وسمعت هوسة بالبيت ودخلت ووو
للحكايه بقيه بقلم فردوس عبد اللطيف.  F
‏