إسالو قلبي

الجزء التاسع

#اسالو_قلبي
بقلم فردوس عبد اللطيف
الجزء التاسع. حقيقية
صار الطلق والنيرات بالحي مالتنة ايلة ثاني يوم سمعنا صوت المدرعات واغاني الجيش
واحنة بهاي الحالة لازم انعلك الراية البيضة بمكان يشوفو الجيش طلع سعد يركض  ع باب الحوش وباوع واجة ايعيط
سعد؛ ادخلووو ولكم هذولي مو الجيش هذولي دواعش
ماما: يمة وليدي وصرت اضرب بوجهي اكيد هسة يجون علينة
سعد : دخل يركض ايكول لابسين اسود هذولي مو الجيش
ماما: والله مااسلمك لو ع جثتي
بابا: شكاعد تحجون اذا جو يقتلونة كلنة
نور: ياربييي اشون هسة
ماما: يايبة يايبة😭😭😭
سعد: يوم لتخافين انشاءالله ميلحكون يجون نتحرر اشون كلاب متنكرين
واحنة دا نتكلم  ويندك باب الحوش ونسمع هوسة بالحي لغوة وصوت سيارات معرف اشنو
بابا ؛ اني اطلع
اني وماما بس نبجي وسعد كال اني اطلع
تكسر باب الحوش من الدك وهوسة
طلع بابا واحنة هماتين وكفنا
وشفنا العلم العراقي فوك المدرعة
فتح بابا الباب وشفنا الجيش ومكافحة الارهاب بابا متكلم شي حاير هذولي دواعش لو جيش
وجان واحد ايكول
الله يساعدك حجي الحمد لله عالسلامة مبروك التحرير
بابا؛ الله يباركلك بس اني كأني شايفك
اي حجي ابو اثير اني اني علاء ابن ابو فاضل اتحررتو اتحررتو
بابا: لا بربك وحضنة وسلم ع باقي الجنود
نور ؛اني وماما  بالبدايه منعرف منو ذولي ومنعرف شنسوي حسبالنة دواعش  من افتهمنه ذولي الجيش العراقي ماما تهلهل واني ركضت جبت جقليت واني اطش وامي اتهلهل وضربو طك وسعد راح سلم علي صديقة من الطفولة وجابلهم مي بابا وسعد طلعو عالشارع واني وماما يم الباب نبجي من الفرحة باوعت ع بيت اهل احمد شفت احمد واكف ومبين علي الفرحة باوع علية
احمد: تحررنا وطلعنا ع القوات الامنية وملتهي اسولف مع اصدقائي باوعت ع بيت اهل نور وشفتها واكفة يم الباب وفرحانة كلش
نور؛ باوع علية وشفت بابا يضحك ونادا
بابا؛ احمد احمد انادي واضحك سلمت علي ها يابة لازم متريد تسلم ع خطيبتك
احمد؛ لمن كلي هيج كبل رحت عليها
نور : شفت بابا هيج سوا كبل دخلت ع الطرمة
احمد؛ سلام عليكم خالة اشونج الحمدلله ع سلامتكم
ماما؛ هلا هلا هلا خالة الحمد لله ياربي مبروك الخطبة والتحرير
احمد؛ الله يباركلج
ماما؛ تفضل تفضل شوف كبل دخلت ع الحوش تستحي
احمد؛ هههههه عادي عادي خالة
نور ؛ شفتة دخل عالحوش وبدة يتقدم واني مشيت خطوة خطوة
احمد؛ وج اوووف وحضنتها  الحمدلله ع سلامتج ياحياتي خوما بيج شي
نور: الله يسلمك لا لا كلشي مبية
احمد؛ وج والله مشتاااااااقلج بكبر رحمة الله
نور؛ ششش كافي هسة اهلي يدخلون
احمد، خليني اشبع  من حضنج وج جنة وباعت بعيونها وبست راسها
نور؛ حبيبيييي كافي هياتهم اهلي
احمد؛ شعلية هم نادوني اووي
نور؛ اممممممم🙊🙊🙊
نور؛ 😳😳😳😳ابعد ابعد
احمد؛شكو
بابا ؛ ههههههه هاي هية خلصت الزيارة نور ارجعي ع سجنج
احمد؛ ههههههه لا يابة لا ترة اشتكي ع الحسبة
ماما وبابا؛ ههههههه
نور: ياالله🙊🙊🙊🙊اشكد عييب
احمد؛ يلا اني استرخص مع السلامة
ماما؛ ضل وليدي عدنا تونس
احمد؛ تسلمون متقصرون بس والله الوالدة ضلت وحدها اروح اشوفها
ماما وبابا؛ الف هلا سلملنا ع الكل وتحمدلهم بالسلامة
احمد؛ الله يسلمك وطلعت فرحاااااااااان منهنين التحرير ومنهين شفت حبيبي اويلي ع حنانهة
نور؛ دخلت ع البيت استحيت من بابا
ماما؛ وج نور نور
نور؛ ها ماما
ماما؛ تعاي تعاي😉
نور .هايوم
ماما.تعاي نسوي الغدا شبيج انخطف لونج😉
نور؛ ها لاماكو شي
احمد؛ طرت من الفرحة بالتحرير واخوي الي كان عند بكركوك رجع وعلى تعامل اهل نور معاي حسيتهم اهلي بس شي محيرني ليش سعد وجها ثكيل معاي شكو لازم اسأل نور بس اشووون
نور؛ اتغدينا وسمعنا الباب يندك   .....ماما هسة اني افتحة
طلعت امشي منوو
اني اني نوارة ام احمد
نور: 😍😍😍😍😍😍هلا هلا خالة تفضلي
ام احمد: هلا نوارة شونج الحمدلله ع سلامتكم مبروك التحرير
نور: هلا خالة الله يسلمج ويبارك بعمرج تفضلي تفضلي
ام احمد: صلاوات يمة صلاوات يحرسج الله على هاي الحلا
نور: تسلمين خالة
ماما ماماااا
ماما؛ ها يوم اجيت هلا ام احمد ......وسلمنه ع بعض
ام احمد ، والله اجيت حتى اعزمكم  بجية ابني
ماما.. تسلمون بس والله ماكو داعي اهمشي سلامتة بس الفرحة اشكد تسوى
ام احمد., لا والله تجون عاد نريد جنتنة تجي تزورنا