#_اسالو_قلبي
بقلم فردوس عبد اللطيف
الجزء 15. حقيقية
كعدت الصبح كلش ضايجة واجتي رسالة من احمد فتحتها
.هلوو حبيبي شونج اني طلعت ع بغداد ماريدج تضوجين حبيبي الخاطري احبج⚘.
اويلي تمنيت الرسالة مايروح رديتلة
.هلو حياتي توصل بالسلامة طول ما انت متونس اني افرح ع فرحك الله يحفضك.⚘
كمت رتبت غرفتي ونزلت جوا
صباح الخير
ماما..صباح النور يلا يمة تعاي دنتريك
نور.. اي يوم بس تااغسل رحت غسلت كعدنا نتريك
بابا.. ها بنتي خوما مريضة وجهج ذبلان
نور.. ها لا بابا بس ايجوز لان هسة كعدت
بابا.. اها يجوز
تريكنة وبديت ارتب البيت وماتكلمت كلمة
احمد.... طلعت ب5ونص ودعت اهلي وطلعت فكري كلة يم نور بعد سبع ساعات تقريبا وصلت ارتاحينا بمطعم اكلنا اشوي لان مو بس اني رحت شباب كثيرة معاي
بعثت رسالة النورتي اني وصلت
نور. هلو الحمدلله والله فكري عندة
صار الليل وتخابرنة ل12 لان اعرف هسة احمد تعبان كتلة انسد ترتاح باجر ونتخابر نمت واني افكر بي
غفيت غفوة عميقة وع غفلة كعدت مااكدر اتحرك واحس كليتي واكفة عطشانة كلش اريد اكوم مااكدر كلما ارفع نفسي احس دبابيس وينغزوني كووة كمت من فراشي اريد بس من الباب اصيح ماما ااه ربي ساعدنييي ماماااا مامااا يوم تعاااي لحكيلي بكوب ماااي
ضليت انادي وماتسمعني امي سحلت نفسي سحل ليعند الدرج وج يووووم بابا اااه بس صوتي موعالي مابية حيل نزلت من الدرج واني كوة امشي حتة نسيت اكعد سعد رحت عالمطبخ واني اترجة وانفت من التعب وماسكة صفحتي بديت اشعر بدوخة وصلت يم الثلاجة فتحت الباب مسكتة وجان اوكع ماحسيت ع روحي
ماما... اثييير اثييير ابو سعد
بابا.. ها ها شكو
ماما.. كوم كوم صوت ضربة بالمطبخ وشي وكع
بابا.. شنوووو امشي امشي
ماما.. طلعنا شغلنةالاضوية بالبيت ونمشي ع كيفنة
بابا... ياستاااار نور
ماما.. شنوووو بتيييي شفت نور واكعة يم الثلاجة
ياستاااار جيبي مااااي جيبي ماااي طشينة ع وجها ونضرب ع وجها
نور.... حسيت مي انرش عليا بديت اصحا
ماما.. يمة نورتي شبيج كعدي هاج ماي اشربي
نور.. اشرب ماي ومااسمع شيحجون ضليت مغمي علي تقريبا نص ساعة تجيت ع ماما
ماما... امشي يوم تمددي بالصالة كمت امشي وماما وبابا سانديني
بابا ... ليش ماكعدتينا يابنتي اشون نزلتي من الدرج جان خابرتي عليا عالاقل
نور... ممممادري بابا ناديتكم وماسمعتوني ونزلت ع كيفي
ماما... يويلي اجعلني ميتة عليج كل هذا واني نايمة
نور... لاماما اسم الله عليج
بابا.. هسة شتحسين اوديج على احد
نور.. لابابا اتحسنت هسة روح بابا نام اني زينة
ماما.. اي عيني ابو سعد روح انشاالله ماكو شي
بابا.. لا اشون اروح انام
نور . والله بابا اتحسنت
ماما.. تااشعل الصوبة واجيبلج غطا
نور.. اتمددت ودموعي ينزلون عالمخدة
احمد.... كنت نايم وفزيت من نومتي وجي عركان وكلش عطشان شربت مي ومعرف اشبية مامرتاح اكيد لان نومة فندق مارتاحيت بيها ضليت كاعد للفجر اشتاقيت النورتي قلقان عليها معرف ليش بعثتلها رسالة لان بهيج وقت هية كاعدة بس ماردت حتى اخابرها كلت لعد نايمة
نور.... افكر بمصيري يعني اني حضل ع الحالة هاي ياربي ساعدني .....
غفيت ماادري كعدت با10الصبح
ماما.. هانورتي اشون صرتي تريكي حتى نروح للدكتورة
نور.ها ماما
ماما... بنتي تروح للدكتوره مراجعة
نور.... ضجت كلش معرف ماما بكيفج
ماما.. بنتي ليش ضايجة هذا ابتلاء والحمدلله ع كل حال شفتي شصار البارحة بالليل لازم تروحين
نور... اي يوم هاي حكمة الله
ماما . لعد بنتي روحي بدلي حتى نروح لو اجي اساعدج
نور... لامامت اكدر صعدت ع غرفتي اختنك واضووج كلش واتعصب صارت عندي عقدة من هذا الشي صرت بسرعة اتعصب وازعل اشون ردة الفعل صارت عندي بدلت لبست عباية واني قليل البسها بس ارتاح بيها لمن اروح عالدكتوره لبست ملفع اسود كلشي اسود احب هذا اللون ويكفيني شرا
ماما... نور ليش تلبسين اسود كم مرة كتلج لاتلبسي انتي وين وهذا اللون وين تفاولين بالشر
نور.. لاماما بس ارتاح بي يلا مشينا
بابا... يلا
طلعنا واني كل الطريق ساكتة ليش كلما افرح تطلعلي شغلة صفح والله مليت احجي بقلبي واباوع عالشارع اشوف صديقاتي مرتاحات ماخايفات من شي ليش اني بالذات دموعي نزلت امسحن حتى ما اهلي يلاحضون استغفر الله ياربي لاعتراض ع حكمتك
بابا..ها نورتي شو ساكتة
نور..والله معرف بابا
بابا .. يلا وصلنا
نور.. نزلت واني بس اوشوف هذا المكان اختنك بداية عمري اراجع دكاترة دخلنا وبعد اكثر من نص ساعة اجة دورنا
السكرتيره.... نور اثير اتفضلي
نور.... كمنا اني وماما دخلنا
الدكتوره .... اهلا تفضلو
ماما...سلام عليكم
وعليكم السلام
بنتي اتمددي عالسدية
رحت كعدت عليها واجت الدكتوره
ها بنتي خوما لحد الان تحسين بألام لو اتحسنتي بعد العلاج
نور..لا الحمدلله كلش خفت الآلام بس البارحة كلش اذتني
الدكتوره... اسمج نور ما
نور. اي صح اسمي نور
..عاشت الاسامي اي احجيلي كليتج هسة شتحسين بيها لمن تأذيج
نور.. اااا احس بنغز بيها وبس اعطش راساً توجعني احسها حتوكف
اي لازم تشربين ماي كثير هسة اخذلج فحوصات
نور.... اخذت الفحوصات وكالت اننضرو اشوي بعد نص ساعة نادتنا
ماما...ها دكتورة شكو
الدكتورة...والله معرف شكوللكم
نور...اني متوقعة اي شي بس بنفس الوقت خفت
الدكتورة.. والله حالة نور عدها خمول بكليتها يعني اني مااكدر ع حالتها بس اعطيها علاج والله كريم
ماما.... لاحول ولاقوة الا بالله يمة سودة علية
نور..سكتت ماتكلمت شي لان توقعت بس الشي الي اجة ع بالي احمد والله اذا درة الله يعلم شحيصير بي
ماما... دكتورة يعني بنتي حالتها صعبة
....لا انشاءالله موصعبة ع رب العالمين وعلينا الله كريم
نور.. اجت الدكتورة ورفعت راسي
والله نورة لتضوجين مثل ما الله خلة هالنقاء والبرائة بعيونج حيخلي الشفاء انشلءالله ع هذا البتلاء
نور..امين دمعن عيوني يلا ماما
احمد... كعدت الصبح دخلت ع الماسنجر شفت نورتي مافاتحة من تراسلنة اخر مرة كلت اكيد اكو شي لان خابرتها وراسلتها ومترد نادوني الولد حتى اروح للمكان الي يتسجل بي الاسماء كنت مالي خلك كلشي بس شساوي الهي نفسي اشوي رحنا الطريق تقريبا 3ساعات حتى وصلنا دخلنا اجرائات ومستمسكات شغلة دووووخة كلش المهم قدمنا اسمائنا واخذو ارقام هواتفنا وكلشي عنا لازم يعرفو المهم كاللولنا انتضرو لاتجون الا اندزلكم رسائل كلنا عادي اهمشي تضبط
طلعنا رحنا ع مطعم اتغدينا ورحنا نفتر كنت مشتاق البغداد كلش بس مو اكثر من شوقي ع نور
نور.. طلعنا من الدكتورة وماما حجت البابا وطلعنا ع البيت وصلت ماما اني رايحة انام ماريد اتغدة
ماما...ماشي بنتي
نور...صعدت ع غرفتي ونمت عالتخت وصفنت صفنة بعييييييدة ع نفسي وشنو راح ايصير وهذا الشي خطر لان احتمال ابدل الكلية مالتي والله يعلم عملية اطلع او مااطلع منها صافنة ودموعي عالمخدة احسهم نااار وتنزل ع وحهي بدون صوتوبس دموع وتنزل وهاي اعذب شي فكرت بااحمد ووينة هسة وشنو مصيرة هوا الثاني من شغلتة ياربي ساعدني ليش ممكتوب الي الفرح ومنهين الله يعلم سعد ليش سكت ع غفلة ع موضوعنا هوا وريم صار كلشي مجهووول كدامي تناوشت الموبايل لكيت احمد باعثلي رسائل ومخابر بعثتلة رسالة ..هلوو حبيبي شونك
احمد..كنت كاعد بحديقة الزوراء وساكت حتى بعدت عن الي وياي وكعدت اباوع عالسمة وافكر بنورتي اوووف والله اشتاقيتلج وينج صارلج يومين ماكو وقطع حبل افكاري برسالة فتحتها لكيتها من نور ردت روحي الي بسرعة خابرتها
...الووو حبيبي شونج
...تمام بخير انت شونك اتكلم معا وصوتي مخنوك وتعبان
..والله اسال عنج حياتي وين هالغيبة
....تسال عنك العافية موجودة
....البارحة خابرتج وبعثتت رسايل ومتردين خوما اكو شي حتى مسنجر ما داخلة
نور.... معرفت شجاوبة التهيت اجوي علينا عماتي ومكدرت حتى امسك الموبايل
احمد... امممم اكيييد؟؟؟
نور.. ايي اكيد
....لعد ليش صوتج تعبان
...من العزيمة تعرف وتنضيف
...اهاا
...اي شصار ع شغلتك
....والله قدمت اسمي ولسة
...والجامعة
.....ابدي ادرس ليما يطلعون اسامينا
....الله كريم
...وج والله اشتاقيتلج كلشي ايذكرني بيج عيونج متفارك فكري
نور... اني بعد اشتاقيتلك بسسس
احمد....بسس شنوو
...وللحكاية بقية ..... بقلم فردوس عبد اللطيف f
أنت تقرأ
إسالو قلبي
Romanceقصه حب بريئة بين حبيبين ويحاول بعض الاقارب تفرقتهم لكن اريد انطي عبره لكل فتاة ان تتصرف بحكمه وعقل والمقسوم هو الي يصير
