وطت رجلي علي دربه و لا أدري وش نوي فيني/ للكاتبة ضحية حبيبي ، اماراتية مكتملة

١٠

البارت الـ 88
:
:

عذاري قاعده ع المريحانه و ماسكه فونها وتشوف رقمه . . تحس انها ترجف وقلبها يدق بقوه . . ماتعرف ليش . . تامه منزله راسها وتغمض عينها وتفتحهآ . . من فتحتهآ هالمره شافت كندوره بنيه . . تعايزت ترفع راسها وتشوف منو !
سلطان : ليش هالحزن كله ؟
غمضت عينها وهيه تقول " لا يا عذور . . استخفيني وخلصتي خلاص ! قمتي تسمعين حسه بعد "
سحب تلفونها مما خلاها ترفع راسها وتشوفه . .
عذاري وقفت من غير ماتحسس : سسسسسسسسسلطان . . " عدلت شيلتها "
سلطان يشوف تلفونها وابتسم لانه شافها فاتحه الاسماء وفاتحه على رقمه . . : كل هذا شوق .
عذاري تغمض عينها وتفتحها : انت جدامي ولا انا يالسه احلم . .
سلطان مبتسم : تحلمين . .
عذاري قرصت خدها وردت تغمض وتفتح . . قربت صوبه ومسكت جتفه اليمين . . : انسان
سلطان : اكيد انسان . . شو تقصدين ؟ حيوان بكون
عذاري تطالعه بشوق : انت شوه تسوي اهني
سلطان : كنت ياي اعطي اخوج " ويطلع مفتاح من جيبه " مفتاح شقتكم . . كلمته فالفون وقالي انه فـ روتانا وبيتم 3 ايام . . وممارضى ارد له المفتاح . . قلت بي بخليه حق الخدامه اهني !
عذاري : حتى الخدامات محد . .
سلطان : شو تسوين تامه بروحج اهني ؟
عذاري تطالعه بتمعن : نسوني . .
سلطان عاقد حياته : كيف نسوج ..
عذاري : انا كنت فالصاله منسدحه ع الغنفه ومحد شافني . . الي يتحراني راكبه ويا منصور والي يتحراني راكبه ويا نصور . . والي يتحراني ويا ابويه . .
سلطان مسك ايدها وخلاها ترد تقعد ع المريحانه وقعد حذالها . . : وحابه القعده اهني ؟ جان اتصلتي فيهم
عذاري منزله راسها : اتصلت بس محد رد علي . . احين مرتبششين لين يرتبون امورهم واغراضهم بيحسون اني محد بيدقون . .
سلطان مسك ذقنها وخلاها ترفع راسها وتشوفه : ليش هالنبره الحزينه . . وليش هالحزن كله ؟
عذاري تطالعه : من بندت عني وانا فهالحاله . .
سلطان بلع ريجه وماقدر يرد . .
عذاري : لا تقطع اتصالك عني .. ماقدر اعيش بدون حسك . .
سلطان سحبها لصدره : تصدقين . . . " كنت ياي وحاط امل اني بشوفج . . امل 1 % . . طول الدرب وانا ادعي اني اشوووووووفج ولو من بعيييد وماتوقعت اني اشوفج واحطج ع صدري بعد "
عذاري :شو . . " تمسح دموعها من غير ما يشوف "
سلطان : انج هبله . .
عذاري: اصدق . .
سلطان : وتصدقين انج وايد تحبيني . .
عذاري تقوم وتطالعه : ومينونه فحبك بعد . . " تمسك ايدينه " الله يخليك . . بلاها . . انا ماقدر..
سلطان يبتسم ويقوم " وانا ماقدر " . : ماقدر اعطيج المفتاح ! بيتفاجأ منصور انه عندج . .
عذاري تقوم وراه : بسك جفا . .
سلطان يجابلها : انا لازم اروح الحين . .
عذاري نزلت راسها : زين . .
سلطان حب راسها وطلع من البيت . .
اما عذاري ردت قعدت ع المريحانه وخلت دموعها تنزل بغزاره . .
سيف : عذاري .!
عذاري ترفع عيونها : سلطان . .
سيف عاقد حياته : سلطآن ؟
عذاري يوم شافت انه سيف . . تكورت ع روحها وتمت تصيييح بقووه . .
سيف : شوه فيج عذاري ؟؟؟؟
عذاري ما ردت عليه وتمت تصيح وتصيح . .
تم مكانه ما تحرك . . لين شافها هدت ومسحت دموعها . .
عذاري : كيف عرفت اني اهني ؟
سيف : انا ماعرف انج اهني ؟ ياي ادور مهره . . وين الي في البيت ؟
عذاري : كلهم راحو . .
سيف : وانتي ؟
عذاري تطالعه : كنت راقده ومحد يدري اني مارحت . . كل حد يتحراني راكبه ويا حد . .
سيف : ممم . . يالله زين قومي خلينا نسير ..
عذاري ابتسمت وقامت معاه . . مشى جدامها ومشت وراه وضربته ع ظهره بقوه . .
سيف يطالعها : ببببببل ليش
عذاري : يعني ماشي الا انت تشوفني وانا اصيح . .
سيف مبتسم : شفتي عـاد . . يمكن حكمه من ربج عشان نطيح الحطب . .
عذاري ركبت وياه السياره وعلى طول وصلها مسج . .
" مع منو راكبه ؟"
حست قلبها بينفجر من كثر ما يدق . . وصدت يمين يسار بس ما شافت سيارته . .
حرك سيف . .
طرشت له " سيف ريل مهور "
طرشلها " عن الملاغه الزايده وعن تجاوز الحدود "
" ليش شسويت ؟ "
" انتي ادرى بروحج ! اول ماتوصلين طرشيلي مسج "
ماردت عليه
ف طرشلها
" ولا خلاص . . بعرف انج وصلتي بطريقتي "
سيف يطالعها : اول مره اشوفج زعلانه ؟ ويين روحج الحلوه وخفت دمج . . مش راكب عليج . .
عذاري تبتسم بدون نفس : مالي خلق شي . .
سيف : المفروض تستانسين . .ها الطلعه كلها عشششانج . . وكفايا خلصتي ثانويه عامه وامتحانات وافتكيتي من هم المدرسه . .
عذاري تطالع دريشتها : المدرسه !!! ااااااااااااااه يا المدرسه والامتحانات . . احلى شي صار لي . .
سيف استغرب : معقوله . . توقعت مهره الوحيده الشاطره ف بيتكم . .
عذاري تطالعه : اكيد محد يروملها . . انت تعرف كم نسبتها ؟ ولا حتى الزلمات يابوها . .
سيف ماقدر يرد عليها لانه ما يعرف كم نسبه مهره ! وانصدم انه ما يعرف . .
عذاري : ليكون ماتعرف . .
سيف : ممماعرف . .
عذاري : مالت . . مهور نسبتها 98 . .
سيف منبهر : معقوله . . ( فخاطره " امس عرفت انها فالشهر السادس واليوم عرفت نسبتها ومن كم فتره عرفت انها تحب ناصر وايد . . اثاريني وايد اشياء بعدني ماعرفها ! )
عذاري : دحييييييييييييييييحه
سيف يفر عليها كلينكس : قولي ماشاء الله . .
عذاري : ممممماشاء الله . . مابحسد اختي . .
سيف ابتسم . . : يالله عقبالج . .
عذاري : ان شاااااااء الله مع اني ماضن اييب نسبه . .
سيف : بتيبين ان شاء الله . .انتي قدها . .
ردت له الابتسامه البارده وردت تصد صوب الجامه . .
"وصلو . . "
عذاري : يالله قووم ودني لهم . . وراهم هزززززززززززا ب . .
سيف ابتسم وما قال شي . .
.
.
.