وطت رجلي علي دربه و لا أدري وش نوي فيني/ للكاتبة ضحية حبيبي ، اماراتية مكتملة

١٧

.

البارت الـ 156
:
:
:

يرن تلفون محمد . .
محمد : بروح وبرجعلكم . .
" يطلع برع الصاله "
عنود حاطه راسها ع ريلها ام عبدالله وتحس بالراحه والامان . . وام عبدالله حاطه ايدها ع راس عنود وتسمي عليه وتمسح ع شعرها . .
دخل سيف وعيونه ادورها . . شافها قاعده فالصاله ووياهم
سيف بانفعال يرمس عمته : عموه سمعتي بنتج شو تقووووووول ؟؟؟
ام عبدالله استغربت . . : شوه تقول . . شو صاير بعد
حمد يطالع سيف بحزم على حركته البايخه !
سيف بصوت عالي : تقول خلاص ما تبييييييني ولااا بتررجع لي وتبيني اطلقهــــــــــــــاااااااا طلاق نهائي
ام عبدالله تطالع مهره بس ما رمست . .
مهره تقوم وتطالع سيف : ها مش اسلووووووووووووب تسويه . . اعتقد رمسنا قبل شويه رمسه كبار ! ليش هالحركات الي مالها داعي
سيف مستغرب . . : انتي معقوله مهره الي انا اعرفها . . معقوووله
مهره : استغفر الله . . " تغمض عينها وترد تقعد "
سيف : كلممممممممميني ردي علي . . قلتي تبين تودريني وتبيني اسكت ؟؟ تبيني اتخلى عنج بهالسهوووووووله ؟؟ تحلمين والله تححححححححلمين . .
حمد : سيف تفاهمو في مكان ثاني . .
سيف بعصبيه : ماتشوفها ما تبا ترمسني ولا تبا تطالعني حتى
حمد : مهره قومي كلميه
مهره بهدوء : مابي اكلمه . .
حمد : قومي مهره احسسن . . شوفيه شقاعد يسوي . . مش حلوه ترى جدام الكل
مهره تتنهد .
حمد : نششي " يبتسم " كل شي بإيدج
مهره تطالع حمد بنظرات جديه . .
حمد ابتسم اكثر . .
نشت بقهر يايه بتطلع برا الفله لكن سيف مسك ايدها وصعدها فوق حجرتهم . .
ام عبدالله تتنهد : لا حول ولا قوه إلا بالله العلي العظيم . .
حمد : لا تحاتين عموه .. هم كبار ويرومون يحلون مشاكلهم . .
ام عبدالله : كل ما كبرو كل ما زادت مشاكلهم يا حمد . . " تطالع عنود " بتردين وياي الحين ؟
عنود تقوم من على ريل ام عبدالله وتمسك ايدها : لا تروحين الله يخليج . .
ام عبدالله : بو عبدالله بروحه فالبيت بيستهم . . نشي تعالي الحين
عنود : بقوم بزهب ملابسي وبلحقج على طول . . بخلي حمود يييبني . .
ام عبدالله تبتسم : انزين حبيبتي . . بترياج عيل اهناك . .
عنود تبتسم :ان شاء الله . .
ام عبدالله تطالع حمد : انا بروح . .
حمد : ومهره ؟ يمكن تبي ترجع معاج
ام عبدالله : خلها تتفاهم ويا ريلها . . " تطالع عنود " ولو بغت ترجع خل ترد وياج
عنود تهز راسها بالموافقه . .
قامت عنود وقام حمد ووصلو ام عبدالله لين الباب . . وشافت عنود محمد يالس ع الكراسي الي برا ويرمس فون . .!
>
<
محمد : ألوو !! شو توم وجيري ؟ ادقلج ما تردين وتدقيلي رنه وتبندين وارد ادقلج ماتردين ؟ شتبين خلصيني
تناهيد :انت ايييييييييييه . . ارمس وياي عدل انا مش خدامه عند ابوك . .
محمد فاج عينه : ايه انتي ما يخصج في ابوي . . لا تدخلين العايله فالسالفه
تناهيد : ههههههههههههه . . انزين انا اتصلت بالغلط ياخي . !!! حرام الواحد يغلط . .
محمد : بالغلط 5 مرات ؟
تناهيد : ياخي التلفون عند ولد اخوي !! ويلعب فيه من الصبح واظن هو الي يدقلك . .
محمد يتنهد . .
تناهيد : اسفين اسسسسسسفين
محمد : مش مشكله ..
تناهيد : اوه اللسسان قصران اليوم . .
محمد ابتسم غصب . . : الدنيا . .
تناهيد : كل واحد يسوي مشاكل وبلاوي وعقب يقول الدنيا ! خل عنك الدنيا ما تسوي شي . . انت السوسه تسوي مشاكل وعقب تعقها ع الدنيا
محمد : لا صدقيني . . هالمره ربج
تناهيد : مافهمت
محمد : عزيني وخلاص . . انتي بقره اوردي ما تفهمين بسرعه
تناهيد : اعزيك ؟؟؟ بسسسسسسم الله . . عظم الله اجركم .. منو مات ؟؟
محمد : حرمت عمي . .
تناهيد : حرممممممت عمك ؟؟
محمد : هيه . .
تناهيد : الله يرحمها ويغفر لها يارب . .بس يعني هيه حرمه عمك ليش انت وايد حزين ؟
محمد : لا والله؟ تراني ساكن في بيتهم . . اشوفها كل وووووقت . .
تناهيد : ايووووووووووا . . جي السالفه . .
محمد ابتسم غصب : شو هالياهل ..
تناهيد : انا ياهل ؟ انت ايه ارمس عدل . . ولا اقولك بسكت عنك لان عندكم عزا . .
محمد : لا مخلص العزا . .
تناهيد : اونه . .
محمد : هيه . .
تناهيد : هييييييييييييه . . زين زين
محمد : شو زين زين . . هبله انتي ما تعرفين تواسين وترمسين ؟
تناهيد : انت ايه مصختها بألفاااااظك السوقيه
محمد فاج عينه : سووووووقيه ؟
تناهيد : هبله وياهل قابض لي من الصبح
محمد : هبله وياهل سوقيه !! عيل لو قلتلج حماره شوه ؟
تناهيد : يعني انت في اللسته السودا . .
محمد يبتسم : زين الحمدلله للحين فاللسته البيضا
تناهيد : هاهاها ما يضحك
محمد : ههههههه من قالج اضحكي انزين . . انا بالاساس ما نكت . .
سمع محمد صوت حمد يتكحكح وصد على طول شاف عنود وام عبدالله وحمد يمشون يتقربون منه . .
محمد : برد اتصل بعد شوي . . باي
وبند فويهها ع طول . .
محمد : رايحه خالووووه ؟
ام عبدالله : هيه يا ابويه الشيبه بروحه فالبيت
محمد : اوصلج ؟
ام عبدالله : لا الدريول يتريا برع .. ماتقصر فديتك . . يالله سير عاون حرمتك عسبت توني البيت بسرعه
محمد يطالع عنود : بتروحين اليوم ؟ انزين انطري لين باجر . . الدنيا ظلمت !
عنود : مابي بروح الحين . .
ام عبدالله : خلها برايها . . انا اباها تيني الحين . . يالله استودعكم الله
حمد : الله وياج خالوه . .
.
.