قصص ذكرى المندلاوي
الجد اخذ حفيدته للقصر وكلله نزلي زينب انبهرت من المنظر الي كدامه قصر جدهة جان كلش جبير بس مو هذا الي بهرهة
شي اخر وهو القصر نفسه الي شافته بحلمه واميرهة ال ساكن بي ينقذهة من كل كوابيس حياته ياترى يتحقق الحلم
طبت والكل جان بانتظارهة منهم الي جان يخاف من الجد ومنهم الي جان عندهة حب الاستطﻻع يريد يعرف منهيه هاي الحفيده
الجد
تعالي سلمي
اشر للكل
هاي زينب بنت مراد
الكل اتفاجئ شنو هاي وصخه ومﻻبسه مشككه وجنهة وحده مجديه (اسفه للعباره)
الجده
اهئ اهئ اهئ تعاي ال حضن بيبي ♡♡♡♡
زينب راحتلهة وهي بس تنفذ بدون وعي وﻻ احساس باي عاطفه نحوهة ونحو الكل؟؟؟؟؟،
تتسائل منهمه ذوله
الجد
هاي جدتج روحي بوسيهة
وراحت وحضنت جدته ورجعت الجدهة
مثل المكوكه والكل يباوعله وميتمنون تتقرب منهم يستنكفون منهة
بس عمامه عله محبه اخوهم الميت استقبلوهة وحضنوهة وباسوهة
البنات اﻻ ميس وسوسن
اوععع لو نموت منسلم عليهه
الجناين
اي عيني منو يكول مابيهة كومه امراض وجراثيم تروح تعدينه هاي شلون مصيبه منين جابهة وشذكره جدكم بيهة بعد ماجنه ناسيه وناسين امهة
قيس
كافي شنو هل الحجي عيب هاي مو طفله تفتهم وتحس عدهة مشاعر ميصيرتحاجوهة هيج بعدين حالهة حالكم جدكم وجدتكم واحد
مريم
اهوووو هم كام يفلسف علينه قيس افندي اذا هي عاجبتك بوصاخته وقرفه روح سلم عليه ههههه واحضنه
قيس خزرلهة وهي خافت تراجعت عن كﻻمه (اسفه)
ميس
حرام والله حرام عوفه بحالهة
مريم
احم احم حجت الفيلسوفه الثانيه اشكلنه عيني سبينه العنب اﻻسود
البقيه
ههههههه
احمد
ﻻ عيوني انتي بت عمي سبيتي ام الخير تره زينب الهة بهذا الملك الي انتي تمرحين بي الهة بي نصه وتكدر تطردج منه بليله ظلمه ههههه
مرت حسن
شلج بهذا الحجي والتفتت ال ام احمد سمعي ابنج
ام احمد.والله اني منطيه اوﻻدي كل الحريه ماعندي تكميم الافواه الهم كامل الحريه ﻻن واثقه من تصرفاتهم
مرت حسن.
شتقصدين بنتي مو مؤدبه.
هاي والله انتي كلتيه مو اني
احمد كافي هم رجعنه انتوا شنو من متصدكون مناسبه بس تجتمعون وتبده المعارك
ام مريم تريد احمد البتهة الوحيده ﻻن هو حبيب جده هو وقيس وهم من الاحفاد والمحبوبين عند الجد ونص الشركات هم يديروهة ويه جدهم واوﻻده بس عمار محمود والبقيه كاعدين للفط وبس
واحمد رزين ومؤدب ومحبوب عد بنات عمامه
ام مريم.
من فدوه ال طولك الخاطرك اني راح اسكت
ام ميس
احم احم بدت اللواكات
شتقصدين(مريم)
احمد كافي مريم الخاطري
مريم ابتسمت ونعست بعيونه الخاطرك
الجد.
شبيكم واكفين ودردمون بناتكم متجون اتسلمون
سلمت ميس ونور وباسوهة وكالوا احنه بنات عمج وهم اعتبرينه خواتج
فرحت زينب وارتاحت الحجيهم امبين عليهم خوش بنات وراح ترتاح وياهم
سوسن
اهلا وسهﻻ بيح اني بت عمج عمار اخت
قيس واني اخوهة
اتفاجئت وفكت حلكه زينب من شافت احمد وكالت ويه روحه (يا الله هذا الي اشوفه دائما بحلمي معقوله حلمي يصبح حقيقه وهذا هو امير احﻻمي كدامي وراح تخلص كل معاناتي )
سلمت عليه بارتباك وهو يضحك وهي فرحانه ومنصدكه
مريم احم احم اني بنت عمج حسن
وراحت بدون متسلم والكل ﻻحظ بس زينب جانت بعدهة مصدومه باامير اﻻحﻻم
مرت عماراشلونج عيني اني زوجت عمح وعندي ولدي قيس وكاظم
الكاتبه(قيس جبير اﻻحفاد وهو امسلمه جده شركات عمه مراد ومعتمد عليه بهوايه اموروهو شخص متوازن وثكيل بس اخوه كاظم شويه ملعب شاب وحلو ومغتر بجماله وعنده كومه معجبات والنهار والليل كله دايح وفلوس متروسه جيبه يصرف بليه وجع كلب)
زينب من شافت سوسن وهي ترحب بيه
هاي بنتي سوسن
اتفاجئت من شافته زينب جانت مقعده على الكرسي يعني مشلوله
اتقدمت زينب عليه وسلمت عليه وكالت اني بت عمج مراد واي شي تحتاجي اني يمج
نزلت دمعه من عين الجد لتصرف حفيدته لعد اشايله من كلب وحس بغلطته تجاه هاي الطفله الي عاقبه على شي هي مالهة دخل بيه وقرر من هل اليوم يعوضه عن كل الحنان الي جانت فاقدته
الجد مسح دمعته وكال
بنتي زينب تعاي الجدج خل ابوسج وجدتي اتفاجئت بجدهة يحضنه بقوه ويبجي وهو يكول انتي بنت مراد حبيب الكلب واصغر ولدي والي احرمت منه من وكت وكله بسببي ربي عاقبني بس اليوم احس ابني رجعلي والجده كامت تنعي وتبجي
وبعدهة امر الجد الخدامات ياخذوهة الغرفته الجهزوهة الهة ويسبحوهة ويلبسوهة مﻻبس تليق بيه وصاح احمد
احمد
امر جدو
اريد منك تاخذ زينب اليوم العصر بعد متخلص كليتك تاخذهة للمول وتشتريلهة مﻻبس
احمد.صار امرك بس عندي اليوم مقابله ويه ضيوف جايين من تركيا علمود البضاعه الجديده
الجد
خلي قيس لو ابوك يحضرهة هاي تنحل بس حفيدتي ما امنهة اله يمك احس البيت كله ضايج منهة
ﻻ جدو ماكو هيجي شي واني راح اخذ ميس ويايه ﻻن بنات وذوقه حلو
خوش الي تشوفه سويي
وفعﻻ اخذ احمد زينب وهي الحد اﻻن مصدومه من الي تشوفه وجتي ميس وياهم
احمد
يله وصلنه بس خلصوا بسرعه حته نتعشه بلمطعم اكو مطعم هنا اكله يخبل خل اتذوق اكله زنوبه
زينب صارت حمره خجلت منه ودنكت
واخذته ميس
دم موبايل احمد.
هلو حبي وينك.
احمد.
هلو عمري اني بلمول ويه بت عمي الي حجيتلج عنه تشتري مﻻبس
خوش بس ﻻ تطلع حلوه كلش وتنسيك شيماء
ههههههه ولج هاي طفله معقوله بديتي تغارين منه
طفله شكد عمرهة
يمكن 14
هم خوفتني هيجي عمر مراهقه اخاف هي تتعلق بيك هدوره صغيره صدك هي حلوه
ولج بطلي سوالفج لو تجي ميت وحده وحوريات الجنه ما ابدلهم بشيومتي انتي حب حياتي ما اصدك اليوم الي نجتمع بي اني وياج
شيماء.
حبي ياريت بس بقت عليك تحاجي جدك
احمد.
خلي اخلص كليه اعرف بي يرفض مقدما واني ﻻزم اراضي ليروح يزعل ما اكدر على زعله
شيماء
ليش يابه بس ﻻ هو تحبه اكثر مني
ههههه ولج تغارين من جدي احس بي ابويه واخويه وكلشي بحياتي ما اكدر ارفضله امر هو رباني ومدللني من دون ولد اعمامي يكول اشوف ابني مراد الي مات بيك يكول انت حيل اتشبه خلقه واخﻻق اتصوري هو هم حب وحده وياه بلكليه واتزوجه بدون رضا جدي وترك امﻻكه الي عند جدي نصه باسمه ﻻن هو بنى هاي الشركات الجبيره والي صيتها قوي اب بغداداليوم وسلملياهة اني وقيس ابن عمي حتى نحافظ عليه
شيماء.
لعد من هاي تخاف تتزوجني اخاف جدك يرفضني
اهوووووو اني شحجي وهي شتحجي
يله لعد خلي اروح نتشاوف باجر وسدت الموبايل وهي مسويه روحة زعﻻنه
احمد
صحيح النساء ناقصات عقل هههههه متعرف هي حب حياتي ومستحيل اعوفه
احمد اتفاجئ بلي كدامه
ميس
اي حقك تتعجب تغيير كامل من فتاة عاديه الى مﻻك
احمد
صحيححححح هاييييي انتيييي اسويتي بيه
ميس كلشي مسويت مجرد رتوش بسيطه وطلعت اللماسه الي جانت مضمومه
احمد
اي والله اللماسه
زينب استحت ودنكت
يتبع
أنت تقرأ
امير احلامي ولكن
Romanceطفله انابيب مات ابويها بحادث اعنرض جدها ولم يعترف بيها تربت عند خالها وزوجته التي لاترحم لكن القدر يكتب لها ان تعود الى احضان العائله وهناك تلتقي بفارس احلامها فهل يتقبلها فارسها ام يتنكر لها ويحقد عليها القصه للكاتبه ذكرى المندلاوي
