امير احلامي ولكن

الحادي والعشرون

مساء الخير

العراقيه ذكرى المندلاوي

لتخلي بيدك ملح
ما بيه أحمل هجر هجرك ذبحني ذبح
محبوبي بس أفتهم
بعدك أحس باليتم
والنوم مابي طعم لو ما تمرني بحلم
والليل وحشه صدگ
صدگني من نفترگ
والدمع بعدك جمر بخدودي يحرگ حرگ
ليش أنته ما تقتنع
من أشرحلك أني الوضع
الگلك أكرهك چذب ولك أنته تحت الضلع
مليت من الصبر
ما بيه بعد أنتضر
أرجعلي عمري أنتهه وهو العمر چم عمر

٠٠٠٠
قيس دارهة عليه بصوره سريعه ومفاجئه
شتقصدين عيديلي كﻻمج
زينب(شافت عيونه صارت حمره ومو بعيد هسه يشمرهة من الشباك)
هه شبيك داكولك لو اعتبرني مو حامل جان اهتميت بي كل هذا اﻻهتمام
فيس وهو يباوع بعيونه مثل المخروع كانماشاف كدامه شبح وهو يراقبه نظراته ويحول عدساته السود الكبار الي صارن حمر من الصدمه ويتلفت عليهن يمنه يسره وهو يحاول يتفحصهن ويدور الجذب من الصدك وصفن بوجه وكال
اني ما انكر انو هذا الطفل راح يخليج عايشه ويايه ولو حسيت بلحظه انتي كذبتي بهذا الموضوع مراح ارحمج (هز ايديه بقوه وصاح لتحاولين تختبرين صبري اني احذرج) وترك ايدهة بنفس القوه الي كمشه بي ₩₩₩
واتجه للكنتور واخذ بجامته ودخل للحمام يسبح وعافه بصدمته واكفه ﻻ تكدر تتحرك وﻻ تفكر ابمصيبته
غرفه الجد
ام عمار اني هاي جوليت ممرتاحله
الجده
اني هم حسيت من عيونه مو راحه وتتميع وعيونه تراقب قبس
الجد
اي جانت صديقته بلكليه
اممم
شنو شبيج
اكول يمكن بعدهة تحبه بس ﻻ جايه تخرب بينه وبين زوحته
عفيه عليج انتي ابمرور الوكت مثل رجلج كمتي تفكرين
ههههه لعد شنو هذا من حبي الك
لزم ايده بحنيه وضحك وكال ام عمار تذكرين من جيت ﻻبوج اخطبج واني ماعندي بس شهادتي
اي بوكته ابويه رفضك واني وكفت كدامه وحبسني بلقصر واني سويت اضراب عن الطعام الحد مدخلوني مستشفى وردت اموت
الجد
ابوكته خابرني ابوج واني مصدومممصدك روحي كلي تعال بنتي الك اذا بعدك تريدهةوكته الدنيا مسايعتني من الفرحه
اييهههه والله ايام
الجد
ام عمار
عيونه
حبيبتي تسلميلي بس اريدج تراقبيلي جوليت ﻻن حاس بجيته للقصر بيه غرض
مو تدلل
الله يرضه عليج ويخليج اليه
غرفه جوليت نزلت بكل هدوء وراحت ادور على غرفه قيس وزينب
كاظم
هلو بعدج منايمه
اي ميجيني نوم ﻻن مكاني متغير
اي صحيح هاي بس اول يوم تعاي وياي للمطبخ اني هم ميجيني نوم اسويلج كﻻص حليب
ﻻ اشكرك بس اتذكرت موضوع ردت اخذ راي قيس
اله قيس ساليني يمكن افيدج
موضوع يخص الشركه واﻻسهم الي وقعنه عليه وما اعتقد انت تعرف بي
هااا اي اذا على هاي المواضيع روحي القيس لو احمد بس احمد مو هنا ابيته
وقيس
غرفته جوه بجهت اليمين
اشكرك
ﻻ اني بلخدمه
جوليت(اهو هذا منين طلعلي كام يسبلي بعيونه انوب اوي عابت )
واتجهت للغرفه تحاول تسمع مايدور
قبس بعد ماطلع من الحمام وهو ﻻبس بجامته وقميص النوم باوع على زينب بعدهة كاعده ابمكانه وصافنه عيونه بلكاع
قيس
اتجه اله وحضنه ابكل حنيه وعطره يدوخ وشعره المبلل يتقصد يغري بي زينب
حبي ليش مينام ؟مو اني تعبان واريد انام وانتي بحضني
استغربت زينب من اسلوبه المتغير والمفاجئ
قيس
لو تردين اسبحج يله تنامين حقج تعبانه من الصبح تحضيرات وحفله لساعات وانتي واكفه على رجلج وهذا الشي متعب الج وانتي حامل وجر ايدهة للحمام وهي تحاول تتهرب منه وبعد ما دخله للحمام
قيس
اشششش بدون كلمه احس واحد ديراقبنه من الباب بالج تغلطين بكلمه وتفضحينه ابقي هنا وكملي سبحج واني هسه اجي
زينب ويه روحه
هه عرفت هسه سبب حنيته المفاجئه ويمكن صحيح كﻻمه مو هو داهيه بس منو هذا الي ديصنت النه وليش
قيس اتجه للباب وفتحه بسرعه
جوليت بارتباك
هلو وووقيوسي
قيس ابمكر
هﻻوين اشر وغمز بعيونه يعني شرايده
جوليت
اممم جيتك ابموضوع يخص الشغل بلنسبه الباجر رر
قاطعه قيس
متشوفين هذا مو وكته اني تعبان ونعسان باجر تعاي للمكتب واحجي الي تردي
العفو منك بس مجاني نوم اوو
قاطعه
بس اني النومه بعيني وتعبان
هاا اسفه راح اروح بس لتنسى باجر موعدنا
سد الباب بدون مينتضرهة تروح
زينب
منو
قيس
جوليت
زينب
شتريد المتسمه اني هاي ابد ممرتاحتله
قيس
ديري بالج وتتحدثين عنه يمه اخاف اتحاول اتجرج بلكﻻم واي اسرار تخص الشركه لتنطيهة
هزت راسه بل ايجاب
اشرله ابيديه اﻻثنين وهو كاعد على السرير
تعالي هنا خلينه انام
واني شنو متنام
مااكدر انام وابني يمج خلي احضنه وانام(اكعد عاد هي دروب بحجه الطفل) زينب
قيس منتضر ومحضر ايدهة تعرف اذا امتنعت راح اصير مشكله (هي هم حابه هل الشي واتمانع تتمنه اتكون هاي الحضنه والحنيه والعطف كله اله مو الطفله المموجود)
جتي اتقربت منه وهي خجﻻنه حضنه وشمه من ركبته شمه قويه مال سنين فراك وضمه بقوه كانما راح تضيع منه ونزله بصفه وخله راسه على ايده وغطاهة مثل طفلته وغمض عينه واستسلم للنوم وهي تباوع علي هذا الوجه المئلوف اله هي تشوفه باحﻻمهة من هي طفله والي سواه جانت تحلم بيه ليليه مو غريب عليه كامت تحاول تتلمس وجه شعرهة حتى تعرف روحه على انو هذا الكدامه حقيقه مو حلم هي ﻻزم تسوي المسنحيل حتى تحافظ على حبه هي جانت تنتظر سنين حته تحقق هذا حلمه باسته من خده وغمضت عيونه واستسلمت للنوم هي هم&&
وصباح اخر في القصر وبدايه يوم جديد ﻻاحدمن العائله يعلم ماهو مكتوب له وهو يوم حافل بلمفاجئات ₩₩₩₩
قيس كعد وصبح بوجه طفولي وجه يتمنى يوميه يصبح بي بس ياريت هذا الوجه مغلط وياه حته حبه الهه يتعمق ويكون بدون الخوف من المستقبل واتمنى هذا الجنين يكون مرهم الجروحه وبعمق هاي العﻻقه بينهم غمض عينه ورجع ينام
كعدت زينب وايد قيس محوطه ونايم رجعت تتلمسه تتمعن ابوجه اتقربت من شفته ورادت تبوسس او وووو وتراجعت قبس جان منتبه الحركاته شافه تراجعت
فبس
شبكه بقوه وكمل الي رادت تسويه اووووباسه بكل قوه اوو وضاعت زنوبه باحﻻمه ويقضته
بعد ساعه الكل مجتمع كلعاده على ميز الطعام بس هلمره ضيف جديد بس ممرحب بي من قبل اﻻغلبيه كاعد ه وعيونه تتفحص الكل
دك موبايله
اني اسفه كامت وراحت الغرفته
الوو
الشاب
وينج صارلي جكد ادك ليش متشيلي
جوليت
اني مو كلتلك اني اخابر

باعي احجي عدل تعرفين اشاكدر اسوي اذا لعبتي ويايه لعباتج السخيفه
اشبيك انت هو اني اكدر اتنفس بهذا القصر احس العيون كله متابعتني
هاي منو اليحجي مو انتي جوليت الي اعرفه لو غيرهة
يااخي انطبني مجال البارحه حاولت افهم شي واتفاجئت بلداهيه اله شويه انكشف
ديري بالج
ميخالف بس لتخابر اني اجيك بس اعرف الي اريده ﻻن اخاف ننكشف
الشاب
واذا عرفت تلعبين عليه متلومين اله روحج
افتهمنه يله باي
هاي شلون بي راح يخرب كل الي سويته
الجد
ام عمار اليوم تاخذين زينب للدكتوره وتسويله الفحوصات اللازمه
قيس التفت الزينب اتردين اني اوصلج لو ترحبن ويه امي
هاا اي
شنو اي
ويه امك اروح اي احسن انت عندك شغل بس اني اعتقد هليوم اول يوم الي للدوام بلشركه
قيس
ﻻ معليج روحي للدكتوره وعندح كليه من تتفرغين من كل هذا بعدين
يعني شنو قصدك ما داوم باالشركه (بهمس)وهاي عوده المطيرجيه تروح وياك وتتميع غير اكلبك الشركه كﻻب
قيس متحمل هههههههه انتبه الكل باوع عليه
اني اسف دنك الزينب وكال بهمس
شنو عوده المطيرجيه ﻻزم عبارات زهوري بعدهن ابالج متكدرين مو بيدج تبقين متتغيرين
ﻻ استاذ قيوسي (وهي تقلد جوليت )مو العباره ضوجتك الي ضوجك حجيت على ست الحسن جوجو هانم
قيس
ههههههههههههع اني اسف بعد ما اتحمل كام وعافه وظل يضحك ههههههههه وهو يكول اني اسف بطني بعد ما اتحمل
الكل يباوع والجد مبتسمين وفرحانين ﻻول مره صار زمن من يشوفون قيس يضحك هاي الضحكه يمكن من جان طفل بس زينب فشﻻنه ﻻن حانو منتبهين عليهم وعلى قيس وضحكاته رادت تنشك الكاع وتبلعه
كاعد قيس بللمكتب وهو يتذكر ويضحك مثل المخبل
طب احمد
هاا هاي شنو اني غلطت يمكن بلغرفه هاي مو غرفه قيس لو غيره
تعال ولك تعال هاي زنوبه وسوالفه
ها كول هيجي هذا الحب♥♥♥♥ اي عيني قيس افندي الدنيا متسيعك راح اتصير اب
ها شو انت تتحسدني عيني عينك بعدين اني قيس تعرف يعني منو بكل شي داهيه حته بهاي اﻻمور وانت مصار عدكم بشر
احمد باسى
دنحاول دكاتره وفحوصات وادوبه والله العاطي
شوفك جنك واحد مجدي هههههههه
اي عيني فكت جبستك بلضحك بعد شيخلصني مازالك تضحك راح تبقى هيجي الله يدوم الضحكه خلي اروح عندي شغل
تعال تعال بعد ما اضحك كولي جوليت شنو اخبارهة
دليناهة مكتبه بس مثل ماكلت مطيناهه اي شغله الحد ما نتاكد منه
زين سويت اني ممرتاح اله ﻻن عﻻقه شاكر وعادل قويه وموبعيد متفقين سويه العائلتين الهم تاريخ حافل بلخباثه
ام عمار
زنوبه حبيبتي كملتي اني منتضرتج اخذت موعد بم الدكتوره واخاف نتاخر
زينب
هاي شلون مشكله (كلبه يدك وخايفه لتنكشف اﻻزم تلكي عذر وتخلص من هل الروحه)
قصه ذكريات
تابعوني