هبطات لتحت وجلسات بقات كتشوف فيه وهو كيضحك ويهدر تأكدات انها بدات كتبغيه ولكن خاصها تبعد عليه باش ماديرلوش المشاكيل
هو شاف فيها لقاها كتشوف فيه بتاسم ليها
الخدامة:لغدا واجد فوق الطبلة
كلشي ناض وجلس باش يتغداو روان كانت غي كتلعب بالفرشيط شهيتها مشدودة من بعد داكشي لي وقع
الجدة:كلي ابنتي
روان:هنا كنتكل اجدة
سلاو الماكلة جلسو معاهم شوية
هارون:حنا أنمشيو دابة
الجد:باتو معانا
هارةن:لا غي خلينا نمشيو
الجد:ايوا على خاطركم يلا غي بشوية فالطريق رد بالك
سلمو عليهم وخرجو ركبو فالطموبيل كانت ساكتة وساهية شد ليها فيديها:مالكي
روان:والو غي بغيت نعس
هارون:ها حنا قربنا نوصلو
ش ية وكانو حدا الدار هبطو وطلعو نيشان للبيت هي دغيا بدلات عليها وتحشات فبلاصتها ونعسات هو دهل دوش لبس عليه وتحشى حداها كي لعادة عنقها عاد نعس
دازت تلات أيام
الجد:أنا من جيهتي ما أنلقاش ماحسن منك لشيماء ولكن حتى نسولها هي
رضى:واخة أجدي باش نديرو الخطوبة والعرس فنهار واحد
الجد:مالك مزروب غي بشوية نتوما ولاد اليوم الزربة اتقتلكم
رضى:ههههه ومالنا كنلعبو هنا
وكملو الهضرة
نمشيو لدار هارون
ليام لي دازو خس بيها تبدلات ولات الهضرة كتخرج من فمها بالسيف وباردة معاه وبعدات عليه بزاف
هارون شدها من يديها:فين غدا
روان:بغيت النعس
هارون:حتى نهدرو
روان:اووف قلت ليك بغيت نعس حتى لمنبعد ونهضرة
هارون زير على يديها:قلت ليك انهدرو هي انهدرو اودابة
روان جلسات فوق الفطوي:هنا قول شنو عندم
هارون:مالك وليتي هاكة
روان:علاش مالي
هارون:شوفي نتي مالك على هاد البرود كله
روان:بغيتي الصراحة
هارون:اخ
روان:مامرتاحاش معاك ملي كنكون حداك كنحس بالغمة على قلبي أنا عايشة معاك غي بالسيف راه ماكنحملكش اهارون
هارون هز يديه وصقلها ماتحملش هدرتها كان كيضن ولات كتبغيه وايعشو هانين
روان وهي شادة فحنكها:شتي علاش ماكنبغيكش نت ماتصلاحليش اهارون عفاك خلينا نساليو طلقني
هو هز السوارت دطوموبيل وخرج بقى غي غادي ماعارفش فين كيدور من زنقة لزنقة من شاريع لشاريع ماشاد حتى تيجاه هدرتها مزال كدور فوودنيه تفكر فاش سلماته راسها بخاطرها شحال كانت حنينة تفكر كلشي فديك اللحضة دخل لواحد لبار نزل وجلس فلكونطوار حدى البارمان طلب ويسكي كي العادة بقى غي كيشرب حتى جاب الكاو شوية وهي تجي تجلس حداه واحد البنت بقات كتحلون عليه شدها من شعرها:كلكم بحال بحال
دفعها حتى طاحت فالارض كلشي بقى غي كيشوف فيه جبد الفلوس وحطها وخرج كيميل ركب فالطموبيل وبقى كيسوق بالجهد كان ايدخل فواحد الطموبيل بصعوبة باش غير الاتجاه ووقف فالجنب وبقى غي كيشوف ماداهاش فمول الطموبيل لي كيسبو شوية وهودي تنزل دمعة من عنيه دغيا مسحها حرك الطموبيل وساق غي بالشوية حتى وصل لدار
روان غي خرج طاحت فالارض كتبكي كان صعيب عليها تقول ديك الهضرة كتحس بروحها اتخرج كتبغيه بزاف طلعات لبيت توضات وصلات ودعات من ربي يعانوها حيدات الشال والعباية وجلسات كتسناه حيت تعطل حتى متحس بيه كيحل الباب دلبيت ناضت دغيى دارت راسها ناعسة
هو دخل شافها ناعسة بقى كيشوف فيها شد لباب وتلاح حداها كان محتاج ليها فديك اللحضة
هارون:روان...روان
روان:امم
هارون:ماتخلينيش عفاك
روان هبطات دمعة من عنيها وحبسات الشهقة وماجاوباتوش
هو نعس كان عيان بزاف ومهلوك وشارب بزاف طاح كاو دارت لجيهته وبقات كتلعب ليه فشعره نزلو دموعها كي غدير تفرق معاه
