البارت 40 "رحله الحب"
"بالمناسبه البارت دا في كلام حقيقي للشخصيه نفسها لو حد عرف هنزله البارت ليه هو مخصوص بكرا قبل الناس كلها هيصه بقي"
و عدا اجمل يوم في حياه البنات
اليوم التالي
ايمان:كدا كله تمام ماما وافقت و يوسف كمان
اميرة:كدا اتبقي اللبس
ايمان:ايه رايك في الفستان الاسود الي جيته من فرنسا
اميرة:هو تحفه بصراحه هتكوني ناااااااار
"الفستان مجسم جامد علي الجسم بيبرز مفاتن الجمال و مفتوح سبعه من قدام و من ورا"
ايمان:كدا تمام وانتي
اميرة:اتصرفي قوليلي البس ايه
ايمان:اقولك في فستان فضي اول ما شوفته قولت هو عليكي
اميرة:بجد بجد هو فين
ايمان:ثانيه اجيبه
"فستان فضي عند الركبه بكتف اه و كتف لا ضيق من ناحيه الصدر و منفوش من تحت"
اميرة:الله حلو اوي .....انتي عايزة يتخرب بيتي و لا ينزلي من المانيا
ايمان:ليه بس
اميرة:يوسف هيولع فيا لو شافه اما رفض الي محترم عنه
ايمان:الواد دا هيخنقني طب شوفي رده و لو رفض نشوف حاجه تانيه
اميرة :طيب انا هبعتله الصورة علي الفيس و هستني رده
"بعد ساعه"
اميرة لقت فونها بيرن و كانت قعده مع مامتها و كان يوسف
مامه اميرة:مين يا ميرو
اميرة:ده....ده....ده هبه
مامه اميرة:طب ردي خايفه ليه
اميرة:لا استغربت بس انها بتتصل
اميرة:ايوه يا هبهوبه وحشاااااااني جدا
يوسف:انتي حد جنبك
اميرة:اها
يوسف:طيب شويه و هكلمك تكوني قومتي و انا اكون خلصت شغلي
اميرة:اوكي
"بعد ما قفلت"
مامه اميرة:هي عامله ايه
اميرة:كويسه
مامه اميرة:طيب انا هقوم انام بقي عايزة حاجه
اميرة:لا ربنا يخليكي
بعد ما دخلت مامتها راحت هي عند ايمان
اميرة:ايمان من نبرة صوته خلاص عرفت الرد تعالي نشوف حاجه تانيه في الدولاب و لو مش لقيت ننزل نشتري
ايمان:تعالي
فتحوا الدولاب و ايمان بدور لمحت الفستان الي جابه يوسف لاميرة ساعه فرح مالك و بسمه
ايمان:مين الي جاب الفستان دا
اميرة:انا
ايمان:متستعبطيش دا من فرنسا لاني شوفت واحد زيه بالظبط بس لوم مختلف و كان غالي جدا و الاسود اغلي انواعه لان الشركه الي بتصنع نوعيه الفساتين ده عالميه
اميرة افتكرت ساعه ما كانت في السنتر و يوسف لما قال الفستان الي اتفقت عليه و ان مستحيل فستان زيه يكون ب300 جنيه
اميرة:ايمي يوسف هو الي جابه
ايمان:مش فاهمه
اميرة حكتلها الي حصل
ايمان:يا ابن اللذينه و ضحك عليكي يا هبله
اميرة:استني بس عليا
ايمان:طب استني الفستان دا احلي
"الفستان ازرق غامق مطرز من ناحيه الصدر و مجسم و تحت الركبه بشويه و بحمالات و عليه شال فرو ابيض"
اميرة:امممممممم دا حلو
"كان فونها رن"
اميرة:جيت لقضاك يا يوسف
بتشوف لقت هبه هي الي بتتصل
اميرة:الو
هبه:اخبارك
اميرة:تمام
هبه:مالك
اميرة:ابدا بس نهايه يوسف الاسيوطي قربت شكلها
هبه:ليه بس
اميرة:هقولك بعدين بس اقفلي دلوقتي عشان البيه بيتصل
هبه:ربنا معاه يلا سلام
اميرة:سلام
"بعد ما ردت علي يوسف"
يوسف:حبيبه قلبي
اميرة:اخبارك
يوسف:الحمد لله بس ايه البتاعه دا الي انتي بعتاه
اميرة:دا الفستان الي هروح بيه خطوبه ايمي اخت محمد الشناوي
يوسف:نعم يا اختي دا علي جثتي
اميرة:ليه يعني
يوسف:ايه الي ليه لو عايزة تلبسيه يبقي يتلبس في بيتنا ان شاء الله عشان انا بس الي يشوفك غير كدا ممنوع
اميرة"اتكسفت اوي":يخربيت كدا بوظت ام الخناقه الي كنت هدبها معاك
يوسف:ليه بس دا انا حتي ملاك
اميرة:و الله باماره الفستان الي ب 300 جنيه
يوسف:قص...قصدك ايه
اميرة:طالما اتلقلقت في الكلام يبقي فهمت قصدي
يوسف:طب متزعليش اكيد ايمان هي الي قالتلك صح
اميرة:اها
يوسف:اسمعيني انا الاول انا لما شوفته قولت هو ليكي و ان عارف انك كنتي هترفضي اجبلك اي حاجه فعشان كدا اتفقت مع صاحبه المحل انها تقول انه ب 300 جنيه بس
اميرة:بس كنت تقولي يا يوسف
يوسف:انا اسف بعد كدا هقولك كل حاجه
اميرة:طيب سامحتك
يوسف:ربنا ما يحرمني من قلبك الطيب
اميرة:ما هو الي جايبني ورا
يوسف:هو يجيبك ورا و انا هرجعك تاني قدام
اميرة:طيب انا اساسا اخترت فستان تاني
يوسف:صورته تتبعت
اميرة:حاضر
بعتت الصورة ليوسف
يوسف:ماشي يا قلبي دا حلو رغم انه مكشوف
اميرة:البس كجول عشان ترتاح يا يوسف
يوسف:لا مش عايز ازعلك
اميرة:ربنا يخليك ليا يا اغلي حاجه في حياتي
يوسف:و يخليكي ليا يارب
"عند ميار"
كانت بتتفرج علي ماتش للاهلي
بابا ميار:ممكن تركزي معايا شويه
ميار:معاك يا بابا وربنا بس هيجي اعلان بس و هنتبه اهو
"اول ما جه اعلان"
ميار:نعم يا بابا
بابا ميار:هتفضلي علي قرارك
ميار:قرار ايه
بابا ميار:العرسان الي بيتقدموا و انتي رفضاهم
ميار:اها لسه علي قراري
بابا ميار:ليه يا بنتي
ميار:انت عايز تخلص مني يا حاج
بابا ميار:مش قصدي بس اديني سبب مقنع
ميار:يا بابا انا مش بفكر في كدا و لا عايزة لا خطوبه و لا اي حاجه غيرها
بابا ميار:يعني بسمه و اتجوزت و هبه و هدير خطوبتهم الشهر الي جاي و انتي بقي
ميار:علي فكره لسه اميرة و هاجر و يارا يعني انا مش لوحدي
بابا ميار:خلاص انتي حره
ميار:ماشي يا بابا عن اذنك
دخلت اوضتها و عنيها دمعت
ميار:لا اهم حاجه عندي دراستي
"عند مالك"
مالك:بابا هو ليه الفرح بعد سنتين
بابا مالك:عشان تكون اشتغلت
مالك:طب ما انا بشتغل في شركه المقاولات بتاعتك ايه الجديد
بابا مالك:انت ياض انا مش ناقصك
مالك:طب عربيه حمزة بتعمل ايه في الجراج
بابا مالك:اها انا خدتها منه لاسبوع كدا
مالك:خدتها ازاي
بابا مالك:قدرات بقي و غور من وشي قرفتني
مالك:ماشي ماشي بس ابقي افتكرها
مالك راح علي اوضته و اتصل علي بسمه
بسمه:ازيك يا مالك
مالك:في واحده تقول لجوزها ازيك
بسمه:امال تقول ايه
مالك:يعني وحشتني نفسي اشوفك كدا بقي
بسمه:لهو انا مش لسه شيفاك امبارح عشان شبكه هبه و هدير بس خلاص وحشتني يا عم
مالك:انتي فصيله وربنا انا غلطان اني اتصلت انا هروح اخلص الشغل الي ورايا
بسمه:و هتسبني
مالك:انا اقدر بس لو فضلنا علي كدا هنشحت علي باب الجامع
بسمه:لا خلاص روح كمل شغلك
"عند هبه و حمزة"
حمزة:وحشتيني يا موزتي
هبه:يا حمزة بطل بقي
حمزة:لا يا ماما انتي هتبقي مراتي يعني مفيش كسوف بينا و الا وربنا اتهور
هبه:يبقي هتتعور يا حبيبي
حمزة:ايه قولتي ايه
هبه:هتتعور
حمزة:لا الي بعديها
هبه:مش فاكره
حمزة:يوووه قولي احسن لك دلوقتي لو جتلك البيت هيرحبوا بيا فقولي احسن
هبه:حبيبي
حمزة:يااااااه اخيرا لحظه رومانسيه جت غلط
هبه:هههههههههههههههههه
حمزة:يدوم بتعملي ايه
هبه:بفتكر الدعا الي ادعي عليك بسبب انك عريس الغفله و بضحك
حمزة:يهون عليكي حزومتك
هبه:اها عادي جدا
حمزة:مش بياثر خالص اني خطيبك
هبه:انا فرحانه اوي
حمزة:ليه فرحيني معاكي
هبه:لاني اتخطبت للي بحبه و ان شاء الله هيكون جوزي و هكن حسه بالامان معاه
حمزة:ربنا يخليكي ليا يا روحي
هبه:و ما يحرمنيش منك
حمزة:طب مفيش حاجه كدا الواحد يتصبر بيها
هبه:ايه
حمزة:ايه ايه
هبه:ايه ايه ايه
حمزة:نهار اسود طلعتي خرساء و لا ايه
هبه:روح يا حمزة الهي يا رب تتسخط قرد
حمزة:هتتخطبي لقرد
هبه:لا يا بابا انا هسلمك لجنينه الحيوانات و لا اعرفك
حمزة:لا اصيله طول عمرك ايه الوفاء دا
هبه:لا مش تقلق هجيبلك موز و لب و سوداني
حمزة:انتي خلاص حولتيني
هبه:هههههههههههههههههههه هتبقي مسخره
حمزة:طب اقفلي بدل ما اجيبك من شعرك
هبه:لا انا خايفه علي شعرياتي
"عند مروان و هدير"
مروان:ياااااااااه اخيرا بقي دبلتي هتبقي في ايدك و هتبقي ليا وحدي
هدير:ههههههههههه اها اخيرا
مروان:بجد يا هدير ربنا بيحبني اوي اولا لانه خلاني اشوفك و ثانيا لان بفضل ربنا انتي رجعتيلي تاني و عرفت اخطبك انا بحبك اوي يا هدير و مستني اليوم الي هشوفك فيه بالفستان الابيض و الدبله بدل اليمين تكون في الشمال
هدير:ان شاء الله يا مروان و انا كمان مبسوطه اني عرفت اختار الي بيحبني صح و الي انا فعلا بحبه اوي و عمري ابدا ما هكون لحد غيره
مروان:اوعديني انك هتكوني معايا دايما
هدير:دايما يا مروان اوعدك
"مرت الايام و جه يوم الخميس"
"الساعه 12 الظهر"
اميرة:كدا تمام عقبال ما نجهز هتكون الساعه 6 و ننزل و نوصل تكون 8
ايمان:ماشي يلا نجهز بقي
كل واحده بتجهز و كانت اميرة قالت ليوسف امتي هينزلوا و كل حاجه
يوسف:خلي بالك من نفسك
اميرة:ربنا يخليك انا هكمل لبسي دلوقتي بقي عايز حاجه
يوسف:سلامتك و تقرير كامل للي حصل
اميرة:حاضر
"الساعه 6 بالليل"
اميرة خلصت لبس و عملت شعرها فورمه و كانت في اوضه ايمان
اميرة:كل دا و لسه مش خلصتي
ايمان:قربت اهو يا ميرو
"كان باب الشقه بيخبط و فتحت مامه اميرة"
مامه اميرة:ادهم اتفضل يا ابني
ادهم:معلش يا ماما ازعجتك بس ايمي كانت ناسيه في عربيتي شنطه و كنت قريب من هنا فقولت اجبها
مامه اميره"بعد ما قفلت الباب":مكونتش تتعب نفسك
ادهم:ازاي بس انتوا تعبكوا راحه
مامه اميرة:عامل ايه يا ادهم
ادهم:الحمد لله يا ماما كويس و حضرتك
مامه اميرة:انا كويسه
كانت ايمان خارجه من اوضتها و مش لابسه شوز و مخدتش بالها من ادهم
ايمان:ماما فين الصندل الاسود انا مش لقياه
"بعد ما خدت بالها من ادهم"
ايمان:اد....ادهم انت بتعمل ايه هنا
ادهم:نسيتي ده"و اداها الشنطه"
ايمان:انا زعلت اني مش لقيته و افتكرت اني نسيته في فرنسا
"جوا الشنطه الفستان الي جابه ادهم لايمي في فرنسا"
ايمان:شكرا جدا يا ادهم
مامه اميرة:تشرب ايه
ادهم:لا ميرسي يا ماما
مامه اميرة:لا طبعا انت بتحب القهوه صح
ادهم:اي حاجه منك حلوه
مامه اميرة:ايمان روحي اعملي لادهم قهوه
ايمان:يا ماما ما انتي عارفه اني مش بعرف اعمل قهوه بطلي احراج بقي"بصوت واطي"
مامه اميرة:خلاص هروح انا اعملها
بعد ما مشيت
ادهم:ايمي انتي سبتيه قصد صح
ايمان:مش هاخد حاجه مدفعتش ثمنها
ادهم:ممكن طلب
ايمان:اكيد ايه هو
ادهم:ممكن تلبسي الفستان الي في الشنطه او اي فستان تاني بس مش يكون مكشوف كدا و لو مش عايزة خلاص براحتك انا عارف انك مش بتحبي حد يتحكم فيكي
ايمان:ليه
ادهم:مش بحب حد يشوفك مكشوفه كدا
ايمان:ما هو الفستان الي في الشنطه مكشوف
ادهم:و في جاكت جوا هيبقي حلو
ايمان:جاكت لا طبعا هيبقي وحش عليه
ادهم:لما تدخلي و تشوفيه هتعرفي اني مش بحب الي بهتم بيه يلبس حاجه وحشه
ايمان:هشوف رغم اني مش بحب اغير لبسي
ادهم:انا قولتلك براحتك
ايمان دخلت الاوضه و كانت اميرة خرجت منها
اميرة:ادهم ازيك
ادهم:الحمد لله انتي ايه اخبارك
اميرة:تمام
ادهم فونه رن ساعتها
ادهم:الو يا جو ......اها هي قدامي دلوقتي......طب ثانيه
ادهم:اميرة يوسف عايزك
اميرة:وقته يا ادهم
ادهم:متقلقيش
امير:الو يا يوسف في ايه
يوسف:حبيبه قلب يوسف عايزك تطولي في قعده ادهم عندكوا لاني خايف عليكوا تكونوا لوحدكوا و هو الي هيوصلكوا و يرجعكوا
اميرة:اممممممم بس كدا هو دا طلبك
يوسف:لا في حاجه كمان
اميرة:الي هي
يوسف:كلميني باسلوب احسن من كدا
اميرة:الي هي
يوسف:يعني ظبطي الجو كدا
اميرة:جيب من الاخر بقي
يوسف:انت فاهمني بقي يا حياتي
اميرة:ماشي يا يوسف ههيئ الجو
يوسف:الله عليكي يا قلبي لما تفهمي قصدي
اميرة:ماشي يلا سلام بقي
يوسف:سلام
اميرة و رجعت لادهم الفون:نورت
مامه اميرة:اتفضل يا ادهم القهوه
ادهم:ربنا يخليكي يا ماما
ادهم لاميرة:انتي رايحه فين
اميرة:خطوبه صحبتي في نادي .........
ادهم:ايه الصدف ده انا بردو رايح هناك
اميرة:طب ما توصلنا
مامه اميرة:عيب يا اميرة مش تأخريه
ادهم:لا يا ماما انتي بتكلمي في ايه و لا انتي هتخافي عليهم مني لو كدا هيبقي فيها كلام تاني و انا اعتذر اني طلبت اني اوصلهم
مامه اميرة:يا ابني ازاي تقول كدا انا كنت مأمنه علي بنتي و هي معاك في فرنسا مش هأمن هنا لما يروحوا معاك مشوارانت مؤدب و محترم بس انا مش عايزة اعطلك انا جيبلهم تاكس هيوديهم و يجبهم
ادهم:طب يا ماما طالما رايك كدا فيا دا شرف ليا بس اسمحيلي بقي اطمن عليهم لانك عارفه ان اليومين دول محدش يامن حد بس بردو لو مش عايزه خلاص
مامه اميرة:يعني مش هتعبك
ادهم:انا اساسا وجهتي هناك
اميرة:اهو بقي يا مامتي يبقي الوقت يزيد احنا معانا ادهم
ادهم:هو حضرتك عمللهم وقت معين
مامه اميرة:اها طبعا هي سيبه
ادهم:هههههههههههههه طب قد ايه
مامه اميرة:نص ساعه رايح نص ساعه جي ساعه للفرح
ادهم:ههههههههههههههههههههههههههههههههههههههههههههههههههههههههههههههههه لا يا ماما انتي عارفه في مصر المواصله هتاخد قد ايه
مامه اميرة:لو المشوار هيتأخر اكتر من ساعه في المواصلات يبقي مش يروحوا هما الاتنين احسن
ادهم حس ان مامه اميرة هتغير رايها بص ناحيه اميرة
اميرة:بصي يا ماما انتي قولتي 9.30 نكون هنا صح
مامه اميرة:اها و مش هنزيد
اميرة:دا عشان تاكس راجل غريب يا ماما ده صحبتي مش معقول هروح ساعه و همشي بصي نص ساعه رايح نص ساعه جي ساعتين للفرح و اوعدك اننا مش هنتاخر عن 10.30 و انتي عارفه طالما ادهم معانا مش تقلقي و هو مش هيسبنا
ادهم:اكيد يا ماما
مامه اميرة"حست ان اميرة احرجتها":ماشي 10.30 لو زادت دقيقه هتشوفي هعمل ايه"و بصتلها بصه شر"
بعد ما مامتها قامت عشان تنادي ايمان
ادهم:مالك يا اميرة
اميرة:لبست في الحيط
ادهم:مش فاهم
اميرة:ما انت لو تعرف ماما هتعرف معني النظره ده ايه الله يسامحك يا يوسف وربنا لهطلعه عليك
ادهم:ههههههههههههههه متقلقيش انا هتصرف كل حاجه
اميرة:هو انت تبع جمله انا هتصرف انت و ايمي لا انا كدا مطمنش
ادهم:هههههههههههههههههههه علي فكره انتي شقيه اوي انتي هتجنني يوسف انا عرفت دلوقتي الواد اتجنن ليه
اميرة:هو مجنون جاهز انا مش ضفت حاجه من عندي
ادهم:اقوله
اميرة:مخلاص بقي و الا هخليها ساعه بس رايح جي و الفرح كمان
ادهم:لا يا ستي خلاص احنا تحت امرك يا ميرو دا انت الطيبه كلها
اميرة:مش بتثبت
ادهم:بطلي شقاوه
اميرة:هفوتها المره ده لكن المره الجايه ابدا
ضحكوا هما الاتنين
ايمان ساعتها خرجت و كانت لبسه الفستان الابيض
مامه اميرة:انتي غيرتي ليه
ايمان:اصل.... دا عجبني اكتر"ساعتها افتكرت انها لما فتحت الشنطه لقت جاكيت فورير شيك اوي و لايق علي الفستان"
اميرة:الله يسهلوا
ادهم:مش يلا بينا بقي
نزلوا كلهم عربيه ادهم و تعمدت اميرة تقعد ورا عشان تسيب الكرسي الي جنب ادهم لايمي
بعد اقل من نص ساعه كانوا وصلوا للنادي بس طبعا طول الطريق مكنش يخلوا من نظرات ادهم لايمي و انه كان مبسوط جدا انها سمعت كلامه و غيرت الفستان رغم انه مش من
طباعها
اول ما وصلوا دخلوا و قعدوا علي تربيزة
ادهم:معلش يا بنات انا نسيت الموبيل هروح اجيبه و جي
اميرة:الي شاغل عقلك
كان شافهم محمد الشناوي و راحلهم
محمد:منورين و الله يا جماعه
اميرة:بنورك يا محمد مبروك
محمد:الله يبارك فيكي
اميرة:عقبالك
محمد و بيبص ناحيه ايمان:يارب ادعي انتي بس
ادهم خد باله و هو راجع من نظرات محمد
ادهم:ما تتفضل يا اخ
ايمان:مبروك يا محمد
محمد:الله يبارك فيكي يا دكتورة ايمي
اميرة:امال فين العروسه
محمد:هناك
اميرة:اوكي انا هروح هناك تيجي معايا يا ايمي
ادهم بص لايمي عشان يشوف ردها
ايمان:اها طبعا هروح اباركلها احنا عندنا كام ايمي
محمد:في اتنين واحد دكتورة زي القمر و التانيه اختي
ادهم كل دا متابع الحوار بس لاحظ ان ايمان كانت بترد مجامله بس في نفس الوقت كان مضايق
ايمان راحت سلمت علي العروسه و باركتلها هي و اميرة
محمد"بيكلم ايمان":هو الاستاذ الي مع حضرتك دا يبقي مين
ايمي:الي الاستاذ الي مع حضرتي دا انت متعرفش عمل ايه معايا في فرنسا فاكر الورق الي انت سهلتلي ادخل عشان اعرف العيب منين
محمد:اه طبعا فاكر و ساعتها قولتلك استني اسبوع واحد
ايمي:هو بقي الي راح معايا و سهلي كل حاجه و بصراحه من غيره مكنش اي حاجه هتمشي استأذنك بقي
رجعت ايمي التربيزة تاني و لاحظت ان ادهم ابتدي وشه يتغير
محمد "في سره":يا ريتني ما كنت سبتك انا كدا كدا اجلت الفرح يا ريتني كنت سافرت معاكي ايه دا انا كل شويه هقول يا ريتني يا ريتني الي حصل حصل انا هحاول اصلح الموقف يعني اخوه ياخدلي الصغيره و التاني ياخدلي الكبيرة دول مصتقصدني بقي
ايمي:هاااي بتفكر في ايه
ادهم:عايزة فرح زي دا افكر في ايه اكيد في ليله العمر
ايمي:ايه دا انت ارتبطت الف مبروك يا ادهم
ادهم:يا ستي انا قولت اني مرتبط انا اتكلمت دلوقتي بقول بفكر بفكر يعني انتي مش بتفكري فيها دلوقتي
ايمي اتكسفت شويه و سكتت و بعد كدا غيرت الكلام
ايمي:الفرح جميل جدا علي فكره
ادهم:بس اكيد مش هيكون احلي من فرحك
ايمي اتلخفنت فعلا و شاورت لايرة عشان تيجي تقعد و اميرة هايصه في الزيطه منطلقه بس بدون رقص لانها خايفه من يوسف من ساعه اخر مره
ادهم:بتبصي علي اميرة اوي كدا ليه انا ضايقتك
ايمي:لا طبعا يا خبر انا قولت كدا
ادهم:امال انا حاسس ليه انك قلقانه
كانت في نفس اللحظه ده طلب بتاع الدي جي ان العريس و العروسه و المرتبطين يطلعوا علي الاستيدج عشان يرقصوا
محمد:دكتورة ايمي تسمحيلي
قبل ما ايمي ترد
ادهم:و الله كان نفسي يا دكتور محمد بس للاسف والدتها اتصلت حالا وقالت لازم يروحوا فورا عشان هي تعبانه شويه فمعلش يا استاذ محمد نادي علي اميرة بسرعه
ايمي طول الحوار بصاله ومتنحه و مش عارفه تتكلم
راح محمد عشان ينده علي اميرة
ايمي:هي ماما بجد تعبانه
ادهم:لا طبعا بس انا هسيبك ترقصي معاه و يحط ايده عليكي بمناسبه ايه
ايمي"بنرفزه":علي فكره دا مش اسلوب لاني بكل بساطه اني ارفض و انا مسمحش اني اعمل حاجه غلط و مش هرقص مع حد غريب لا هنا و لا في فرنسا
ادهم:انا بس مش رضيت احرجك يا ايمي و لو زعلتي مني انا اسف
كانت اميرة جت
اميرة:ايه يا جماعه في ايه
ادهم:"غمز لاميرة"ماما تعبانه
اميرة"فهمت":طب يلا نروح
سلموا علي محمد الشناوي و العروسه و باركوا و ايمي كانت متنرفزة جدا ركبت العربيه و قعدت ورا جنب اميرة
ادهم وقف برا العربيه
ادهم:علي فكره يا دكتورة ايمي انا مش هزعل لو الناس افتكرت اني سواق حضرتك و ميرسي اوي ليكي
ايمي اتكسفت و فتحت باب العربيه و ركبت قدام
كان الكل ساكت ايمي متنرفزه و ادهم مش عايز يثير نرفزتها اكتر و اميرة مش عارفه تصلح الموقف
اميرة:احنا علي فكره مش كملنا نص ساعه و ادهم مخدش تلت ساعه في الطريق يعني هنروح بدري كدا
ايمي:مش عايزة كلام خالص يا اميرة لوسمحتي
ادهم:لا من فضلك الا اميرة ده متوصي عليها توصيه جامده اؤمري يا حبيبتي عايزة ايه
اميرة "في سرها":دلوقتي حبيبتي لولا انك عارف اني هنقذ الموضوع مكنتش بالحنيه ده
اميرة:جعانه
ايمي:احنا هنروح البيت
اميرة:يعني الفستان اتلبس علي الفاضي ادهم اتصرف
ادهم:بس كدا من عنيا
غير الطريق من بيتهم لمطعم
ايمي:لا انتوا بتهرجوا ادهم يلا عشان نروح
ادهم:ناخد بالغلبيه اتنين قدام واحد
ايمي:و انا مش هعمل حاجه من غير راي ماما
ادهم:بس كدا
اتصل علي مامه اميرة
ادهم:الو ايوه يا طنط لا الفرح كان ممل جدا و خرجنا بسرعه لو تسمحيلي هعزمهم علي الغدا عشان مش يصعبوا عليا و يرجعوا مضايقين لا لا يا طنط مفيش تعب و في نفس المعاد هرجعهم طب ميرسي اوي يا طنط مع السلامه
ايمي بصه متنحه و مش مصدقه
ايمي:انت عملت ايه
ادهم:خدت اذن ماما
ايمي:و معاك رقمها ازاي و هي وافقت ازاي
ادهم:و انتوا بتلبسوا خدتوا عشان اطمنهم اول باول و ادتها رقمي كمان ووافقت لانها واثقه فيا
ايمي:دا انت رجل اعمال فعلا بتحسب كل خطوه بتعملها
قعدت و هي متنرفزة
ادهم"في سره":عارف انك مضايقه و شخصيتك مدلش ان اي حد يقدر يسيطر عليكي الي عايز حاجه بادب و انا عارف ازاي هصلح الموقف
"شخصيه ادهم شبيهه جدا بشخصيه ايمي و مش بيحب يتحايل علي حد و الي في دماغه لازم ينفذه"
وصلوا مطعم شيك اوي دخلوا المطعم كان ادهم رن علي يوسف و هو نازل من العربيه
يوسف مردش عشان كان مشغول في المصنع
طلبوا الاكل
ايمي مكنتش راضيه تاكل
ادهم الي طلبلها
ايمي:علي فكره مش باكل الاكل دا
ادهم:علي فكره انا كنت بتكلم مع مامتك و انا بشرب القهوه وقولتلها ان افضل اكله بفضلها المشويات قالتلي انت زي ايمي بقي
ايمي:يا لهوي علي الاحراج
ادهم "بحكم انه رجل اعمال مش بيفوت حاجه للصدفه"
بعد ما كلوا كان فون ادهم رن و كان يوسف
ادهم:ايوه يا جو....اميره اها جنبي معاك اهي
اميرة:و الله ماشي
قامت من علي التربيزة
اميرة:انا بتوزع يا يوسف
يوسف:واخد بالي بس عامل نفسي اهبل بس معلش عشان خاطر ادهم
اميرة:ماشي يا عم يوسف بس يارب يقدر عليها
يوسف:متقلقيش احنا جامدين اوي
اميرة:انت هتقولي
يوسف:احكي بقي بالتفصيل بقي و سيبك منهم هما ايه الي حصل في الفرح
"عند ادهم و ايمي"
ادهم:لو زعلانه و عمري ما قولتلها كتير لحد اكتر منك او بمعني الادق مش قولتها الا ليكي انا اسف
ايمي:بس انا مش بحب حد يرد عني انا عارفه كويس اوي انا بعمل ايه
ادهم:و الله من غير قصد مش عارف ايه الي خلاني ارد عليه و لومضايقه انا مستعد دلوقتي اروحك و مش هتشوفيني تاني
ايمي:مش للدرجه ده بس من فضلك استني شوف رده فعلي و منها شوف رده فعلك
ادهم:افهم من كدا انك بتوجهيني
اتعامل معاكي ازاي
و كان مركز في عنيها
ايمي"بلغبطه":طبعا مش ....مش اصدقاء و زي الاخوات
ادهم:لا بصي بقي احنا هنا قعده صراحه و انا بطابع عملي مش بحب اللف و لا الدوران بحب اقصر الطرق عشان مخسرش الي في ايدي
ايمي:مش فاهمه انت بتكلم علي صفقه و لا بني ادمه
ادهم:مش كل كلمه هقولها تعملي عليها حوار تاني انتي فاهمه قصدي و مش تحاولي تغيري الموضوع
ايمي:مش فاهمه
ادهم:يارب احنا هنفضل طول اليوم مش فاهمه مش فاهمه ماشي يا ايمي انا عايز ارتبط بيكي
ايمي:مش فاهمه
ادهم:اه كنت متاكد انها هتقولي كدا يعني من اول ما شوفتك يعني عجبتيني و مش هكدب عليكي و اقولك اني اول ما شوفتك في المطار عرفت يعني ايه حب من اول نظره و انا حسيت انك اليبدور عليها
ايمي:بس انا طلباتي صعبه اوي مش هتقدر عليها و لا اي حد يقدر عليها عشان كدا مش بحاول افكر في اارتباط نهائي
ادهم:طب ممكن اسمع الطلبات
ايمي:مش طلبات علي قد ما هي شروط لازم تكون موجوده في الشخص الي هرتبط بيه
ادهم:طب اعرفها
ايمي:قولت مش هتقدر عليها
ادهم:محدش بيحكم علي حد من غير مناقشه لازم اسمعك زي ما انتي بتسمعيني
ايمي:بص يا ادهم احنا حياتنا صعبه مش سهله و مرينا بظروف صعبه جدا و اكيد انت عارفها من اميرة انا نفسي اعوض امي و اختي علي حاجات كتير اوي تعبوا وشقيوا عليها و مش وقت ما انا اخلص كل الي ورايا و ابتدي اقف علي رجلي اسيبهم
ادهم:علي فكره احنا متفقين جدا في النقطه ده و لو في موافقه مبدئيه منك هفهمك يعني ايه متفقين
ايمي:مش ده و بس
ادهم:و انا سامع
ايمي "خدت نفس و كانت متردده جدا انها تتكلم"
ادهم:مش تتكسفي مني يا ايمي اعتبريني صديقك بجد و اكنك بتتكلمي مع نفسك و صدقيني هفهمك
ايمي:تقدر تكون كل حاجه
ادهم:مش فاهم
ايمي:تقدر تكون الاب الي راح مني يعني الحنيه و الامان و عدم الخوف من المجهول او الاخ الي كان نفسي فيه يعني السند و العم الي مش بيسال عنا يعني الحمايه و الخال الي مش يعرفنا يعني بمعني الاصح تكون عيلتي كلها و مش تتشغل عني بشغلك ووقت ما اعوزك القيك و في نفس الوقت تقدر تكون الابن لماما و الاخ لاختي متهيألي محدش يقدر علي كدا لانك هتتحاسب علي كل كله تقولها لو قولت اه من غير تفكير انا عارفه ان كل حاجه بايد ربنا و ان مؤمه بالله بس وجود اشخاص حوليك بيحسسك بكل دا و احنا للاسف كل الي حولينا يا طمعان فينا يا خايف يسال علينا لاحسن نعوز منه حاجه
ادهم بصلها و ابتسم ابتسامه خفيفه
ادهم:علي فكره انا من اول ما عرفتكوا و هو دا الي في دماغي اني اكون كل عيلتكوا يا ايمي حتي لو مش رضيتي بالارتباط هكون موجود جنبك كصديق كاخ كاب و كل الي انتسي عيزاه و قبل دا كله هكون الابن و الي يحمي اميرة من اي حاجه و لوني عارف ان يوسف هيعمل نفس الي انا هعمله
ايمي:بس انا بخاف
ادهم:و انا روحت فين انا الامان يا ايمي انا الاب الي مش هتحسي جنبه بالخوف
ايمي:الخطوه ده صعبه عليا اوي
ادهم:طول ما معانا ربنا و مشاعرنا صادقه عمرها ما هتكون صعبه يا ايمي صدقيني خطي الخطوه معايا و الله ما هتندمي
في اللحظه ده واحده جت عند ادهم علي عنيه
......:انا مين
ايمي بصت و تنحت ومش قادره تتكلم
ادهم:"و هو بيشيل ادها":..............................
..........................................................
