· البارت 22 "رحله الحب"
"اليوم التالي "
طبعا حمزة عرف السنتر و المعاد الي هتاخد فيه هبه نزل ووصل قدام السنتر و كان في عربيته مستنيها تخرج لغايه ما خرجت هبه و كان حوليها بنات كتير
وقفت عشان تركب العربيه بس فاجأها ان
شخص:هبه يا هبه لو سمحتي عايزك لحظه
هبه:افندم
الشخص:انا بس كنت عايزك تشرحيلي الحته ده لاحسن مش فهمتها من المستر كويس
هبه:بص حضرتك انا جوه السنتر معنديش مانع اني اشرحلك لكن براه لا انت تعرفني و لا انا اعرفك عشان محدش حيوان يقول عني كلمه غلط
حمزة اول ما سمعها ابتسم و فرح اوي
الشخص:ماشي اوك
هبه وقفت و ركبت العربيه حمزة طلع ورا العربيه اتاكد انها وصلت لبيتها و بعد كدا روح
بعد ساعتين كان وصل لبيته
ايه:شرفت يا اخويا
حمزة:انتي ليه محسساني انك مراتي او مراه ابويا
ايه:هههههههههههه كنت فين
حمزة:بتمشي
ايه:و معاك العربيه
حمزة:اه لاحظت انها طخنت قولت اخسسها لو مشيت
ايه:خفيف
حمزة:تقيله انا طالع
طلع اول سلمتين و بعد كدا قال:ايه بابا جه و لا لسه
ايه:لسه مجاش
حمزة:طيب سلام
ايه:في داهيه
حمزة:واطيه
طلع حمزة و فتح الفيس لقي هبه فاتحه
حمزة:جيتي من الدرس
هبه:اها لسه من ساعتين تلاته كدا
حمزة:اممممممم و عملتي ايه فيه
هبه :ابدا اخدت الدرس و كان طويل جدا و بعد كدا روحت
حمزة:تعرفي يا هبه انا لما كنت في ثانوي كنت اعرف بنوته زي العسل كانت في الدرس تحب ترد علي الناس و الي يسالها تجاوبه لكن برا السنتر تلقيها عم عبده البواب متكلمش و لا تعبر حد
هبه:طب ما هو دا الصح
حمزة:بس ليه مش تحننها شويه يعني
هبه:لو حننت يا اخويا تبقي بنت مش كويسه
حمزة:اممممم بس مقولكيش كانت قمر يا بنتي
هبه:ايوا يعني انا اعملك ايه
حمزة:انا بفضفض معاكي
هبه:اقفل يا حمزة انا هقوم اذاكر
حمزة:طب ربنا معاكي و لما تخلصي ابقي قوليلي
هبه:اشطه يلا سلام
حمزة:سلام
بعد ما قفل معاها نام علي السرير و حط ايده ورا راسه :هبه ده بت كدا معرفش مكتمله من كل حاجه حاجه كدا غريبه دا انا لو كنت بتخيل واحده مش هتكون بنفس مواصفتها هي ده البت التمام الي تقدر ........و لا بلاش احلام انام احسن ليا
هبه كانت بتذاكر و بتفكر في حمزة و ان المعامله اتغيرت مبقاش زي الاول
هبه:غريبه يعني هو ليه بقي كدا و انا ايه الي ضايقني لما قالي عن البنت ده هو مش بتاع بنات يبقي اكيد يعرف اكتر من مليون واحده .............يووووه انا اذاكر احسن ليا و ابطل تخريف
"عند بابا حمزة و مامته"
بابا حمزة:لا انا سمعته و هو بيكلم واحده بيقولها انه بيحبها و بيموت فيها و بيعشها
مامه حمزة:متاكد يا دياب
دياب:ايوة
حمزة"دخل عندهم":ايه يا بابا في ايه
بابا حمزة:شوف يا ابني سمعت يوسف بيكلم واحده علي الفون وبيقولها انه بيحبها و بيعشقها ينفع كدا و انت عارف ان المفروض لما اختك تكبر يتجوزها دا اتفاقي انا و باباه و اختك دلوقتي داخله 1 ثانوي يعني الفرق مش كبير بينهم
حمزة:يوسف؟؟؟ طب يا بابا كدا كدا ايه لسه صغيرة علي الكلام دا و كمان انت ليه مصمم
بابا حمزة:يا حبيبي انت عارف ان احنا لازم كل حد يتجوز من العيله مش من برا عشان محدش يخون
حمزة:بابا شخصيه يوسف و عمه مش كدا متنساش ان انتوا التلاته الي صممتوا الشركات و المصانع ده يعني مش هيخونوا و لا حاجه و كمان سيب كل واحد علي راحته
بابا حمزة:طيب يا حمزة انت معاك حق ان فعلا هما اكتر ناس اثق فيهم بس انت هتزعل من يوسف لو محصلش نصيب
حمزة:لا طبعا يا بابا دا اخويا قبل ما يكون صاحبي عمري ما ازعل منه ابدا
بابا حمزة:ربنا يديم الاخوه بينكوا يا ابني
حمزة:ان شاء الله
اول لما طلع كان عايز يكلم يوسف
حمزة:يوسف انت فاضي
يوسف:طبعا يا ابني و لو مش فاضي افضالك
حمزة:ماشي عايز اسالك سؤال
يوسف:اتفضل
حمزة:انت بتكلم اميرة فون
يوسف:ليه بتسال
حمزة:جاوب بس
يوسف:معلش مش هقدر اقولك
حمزة:لا لازم تقولي
يوسف:مين الي قالك هبه
حمزة:لا ابويا
يوسف:كنت متاكد انه هيقولك
حمزة:متقلقش يا صاحبي بس هو ايه الي حصل
يوسف:مفيش يعني بس انت
حمزة:كل واحد حر يا ابني انت تحب الي انت عايزة بس سؤال هي فعلا كانت اميرة الي كنت بتكلمها في المطار
يوسف:امممممم
حمزة:كنت متاكد عشان كدا دافعت عنك قدام بابا بس انا عايز اعرف هي تسليه عندك و لا ايه و نصيحه مني بلاش اميرة يا يوسف البنت مؤدبه و محترمه و بنت ناس و كفايه الي هي فيه مش تبقي انت و الزمن عليها
يوسف:انت اجننت يا حمزة انت اساسا تعرفني ان انا كدا دا نت امتر واحد حاسس بيا و عارف اميرة عندي ايه انا هموت نفسي عشانها
"حكاله يوسف الي هيعمله"
حمزة فرح جدا من تفكير يوسف
حمزة:ربنا يوفقك و هتقدر ان شاء الله تعمل كل الي انت عايزة و اميرة تستاهل كل حاجه حلوه
يوسف:مش من طبعك يا حمزة الحنيه ده انا حاسس اني بكلم حد تاني انت دايما بتكره الارتباط الدائم و مش بتؤمن بحاجه اسمها حب و دايما لو حد فكر فينا تكون عايز تولع فيه
حمزة:سيبك من دا كله انت هتبتدي الدراسه من امتي
يوسف:بعد يومين
حمزة:احنا ااسبوع الي جاي
يوسف:بتحور عليا يا حمزة دا انا اخوك يا تعترف يا اما هاخد اول طيارة و ارجعلك
حمزة:اتنيل هيقولوا طردوك يا شيخ اتلهي و النبي
يوسف:انا هقول كلمه واحده و لو الكلمه ده هي السبب قول اه بس و انا مش هطلب تفسير علي الاقل عشان اطمن عليك
حمزة:ايه هي يا عم الفيلسوف
يوسف:من غير تريقه
حمزة:ماشي مش هتكلم
يوسف:هبه
حمزة سكت شويه و بعد كدا قال:هي في حاجات كتير اوي لغبطت معايا بس مش هنكر انها السبب الاكبر
يوسف:لا استني هنا بقي لما ارجعلك ان شاء الله هنشوف الموضوع دا
حمزة:هو انت فين
يوسف:عند صاحب المصنع الي باباه بعتني عنده و درش بيسلم عليك و بيقولك السكرتيرة قمر
حمزة:يا ابن الايه طب مش تقولولي صورهالي يلا
يوسف:ايوة كدا دا حمزة الي اعرفه انا قولت انك عيان او فيك حاجه الله يخربيتك امشي
حمزة:ههههههههههههههه
قفل يوسف الفيس
حمزة فضل يفكر في كلام يوسف هل هو فعلا اتغير بس استحاله انه يتغير في الوقت القصير دا عشان خاطر حد و بعد كدا افتكر بلاوي هبه الي كانت بتعملها فيه فضل يضحك
صوت من وراه:انت اتجننت يا حمزة
حمزة:يخربيتك علي يخربيت اليوم الي عرفت فيه انك اختي كان يوم اخضر
ايه:اصل بتضحك كدا لوحدك يعني قلت اتجننت
حمزة:لا يا قلبي انتي لسه شوفتي جنان
قام وراها و شالها و كان بيزغزها
ايه:الله يخربيتك سيبني
حمزة:مش انا اتجننت
ايه:لا انت سيدي العاقلين
حمزة:ما كان من الاول
""عند مالك"
مالك كان قاعد مع باباه
مالك:بابا هو الواحد لو عارف انه معجب بشخص و خايف يقوله يعمل ايه"مالك و باباه صحاب اوي"
بابا مالك:امممممم و الله يا ابني انا عن نفسي بقول علي طول بس ليه يعني السؤال ها"و غمزه"
مالك:يوووه يا بابا دايما فاهمني اصل .....يعني
بابا مالك:انت يلا انا ابني مش يتردد في كلامه قول علي طول و خليك جامد
مالك:بص يا بابا انا لما كنت في شرم رحله المدرسه ده حصل"حكاله كل حاجه"
بابا مالك:و انت بقي حبيتها
مالك:جدا يا بابا او مش عارف ممكن يكون اعجاب بس بس مش عارف
بابا مالك:كل الي انت بتقوله دا مش اعجاب بس دا حب يا حبيبي بس لازم تتاكد منمشاعرك قبل مشاعرها
مالك:ازاي يا بابا
بابا مالك:ده حاجه انت تاخد بالها انت يا مالك حاسس ان في اي تغيير في حياتك حاجه غيرتك للاحسن حاجه قوتك يعني لان الحب بيقوي مش بيضعف
ساعتها افتكر مالك لما كان خايف من الكليه و بسمه قوته انه يدخلها و ادته باور قوي انه يكمل و انها مش صعبه عليه و انها ساندته في اهم قرار في حياته
بابا مالك:ايه سرحان في ايه
مالك:تصدق عندك حق يا بابا
بابا مالك:ازاي يعني مش فاهم
مالك:الواحد لما بيحب حد بيحتجله لما بيكون في اهم مرحله في حياته و لما الحد دا بيكون خايف عليه و علي مصلحته و بيقويه يبقي هو الي استهله زي ما قولت الحب بيقوي مش بيضعف معاك حق
بابا مالك:ههههههههههههه تعالي يا ابني
خده في حضنه و قاله:و الله و كبرت يا مالك و ابتديت تحب بس يا تري هي بتبادلك نفس الشعور
سكت مالك فترة و قال:انا حاسس بكدا
بابا مالك:الاحساس مش كفايه يا حبيبي لازم تتاكد
مالك:طب ازاي اتاكد
بابا مالك:سيبها للايام هي الي هتاكدلك ان كانت بتبادلك نفس الشعور و لا لأ بس خد بالك المواقف بينكوا هي الي هتثبتلك اكتر حبها ليك بس دلوقتي اهم حاجه مستقبلك هو الي هتقدر تعمل بيه كل الي انت عايزة
قام مالك و باس باباه من خده و قال:ربنا ما يحرمني منك يا اعظم اب في الدنيا
دخل اوضته بعد كدا
بابا مالك"مسك صورة مراته"ماما مالك":يا ريتني يا ابني اقدر اعوضك 1% من فقدانك لامك
و بعد كدا عيط لانه كان بيحبها اوي عشان كدا مرضيش يرتبط باي حد من بعدها و دعا ربنا انه يكون الي بيحبها مالك تشبه مامته في طيبتها و حنيتها عشان علي الاقل تعوضه الي هو فقده
"في المانيا"
يوسف و مصطفي رجعوا البيت و هما ميتين من التعب
مصطفي:مكنتش اعرف ابدا يا جو ان الموضوع صعب اوي كدا
يوسف:احنا قدها يا درش انت جي تشجعني و لا جي تكسر من عزمتي ايه يا عم
مصطفي:احنا بس لفينا ربع المصنع تقريبا و رجعين مكسحين كدا يا لهوي امال لو اشتغلنا بقي ايه الي خلاك تصمم نروح المصنع قبل الكليه
يوسف:حاجه في دماغي يا درش عايز اعرف لو انا نجحت في الكليه هوصل لايه زي ما تقول كدا باور خدتها كدا يعني
مصطفي:ايه الكلام الكبير دا انت اه عاقل عننا شويه بس مش للدرجه ده يا جو مش تحسسني ان عندك عيال في مصر عايز تربيهم
يوسف:ههههههههههههههههههههه طب يلا بينا بقي نستريح
مرت الايام و ابتدت الكليات
بعد اول يوم في الكليه رامز رجع البيت
رامز:وربنا انا عايز اشوف الحيوان الي قال تخلص من الثانويه العامه ترتاح في الجامعه هجيبوا من قفاه
مامه رامز:ايه يا ابني دا لسه اول يوم
رامز:يا ماما دا احنا اتسحلنا انا و مالك و حمزة و مراد دا احنا فضلنا طالعين نازلين عقبال ما نلاقي سكشن او مكان محاضرة
ندي:كنت صايع يلا
رامز:مقولكيش يا ندي ارقام في كل حته
ندي:معلش اصلك دخلت اعلام فلازم كنت تلافي مذيعين
رامز:يخربيت ظرافه دمك
ندي:هههههههههههههههههههه
رامز:لا بجد تعبت انا هقوم انام قرن و اجي
ندي:غور
رامز:حظك اني مش قادر من الطلوع و النزول
طلع رامز اوضته و حاول ينام معرفشي
رامز:بحس اني لو مش كلمتها في حاجه غلط حتي لو بموت
قام فتح الفون و كتب
"ميار"
:انت يا بت افتحي"
"وربنا مش قادر افتحي بقي"
ميار فتحت من كتر الرسايل
ميار:ايه يا رامز مالك
رامز:بمووووووووت
ميار"بخضه":ليه في ايه مالك
رامز:خايفه عليا
ميار:اكيد طبعا يا ابني مالك بقي
رامز:"عاش في الدور"مش قادر يا ميار حاسس اني قربت خلاص اموت انهرده كنت تقريبا هعمل حادثه
ميار:بجد لا لا لا انت بتقلقني ليه طب انت كويس دلوقتي و لا في حاجه تعباك
رامز:الدكتور قالي
ميار:قالك ايه قول
رامز:الدواء الي المفروض اخده انتي بس الي تقدري تجبيه
ميار:اوكي ايه هو و انا اجيبه
رامز:مش هتعرفي اه يا ميار تعبان اوي
ميار:طب قول وربنا هجيبه
رامز:انك تفضلي تكلميني و مش تبعدي عني خالص
ميار سكتت و كان في عنيها دموع خوف عليه
رامز:هههههههههههههههه الدوا دا دائم
ميار:و الله انت رخم و بارد
رامز:هههههههههه المقلب كلتيه يا ميورة
ميار:بس بقي و الله صدقتك
رامز:طب خلاص متزعليش مني بس متنسيش الدوا ها عشان هحتاجه لما اقوم من النوم و بعد ما اقوم و انا حتي بذاكر هحتاجه في كل حياتي
ميار:سلام يا رامز
"عند اميرة"
كانت عايزة تطمن علي يوسف بس هو للاسف مش فتح من بدري سرحت بخيالها ان هو في بلد غير البلد و كمانمش اي بلد ده المانيا يعني بنات جميله و حلوه لا لا يوسف مش كدا هو وعدني انه مش هيبص لاي بنت بس ان مش عارفه اعمل ايه انا خايفه معني انه مش كلمني من الصبح اكيد في حاجه شغلته عني علي قد ما بحس ان يوسف اعقل ما في صحابه ان انا بحس ان حمزة هو الي واضح انه بتاع بنات بس يوسف الواحد كدا يحس انه من تحت لتحت كدا حاجه مش طبيعيه يكنش بيخبي عليا مرة واحده لقت افيس بتاعه فتح
يوسف:اميرة وحشتيني جدا
اميرة:"بتفكير"ارد و لا لا هرد بقي
اميرة:كنت فين يا استاذ و كل دا و متكلمتنيش ايه عجبتك المانيا و جو المانيا اوي و لا ايه يعني
يوسف:ههههههههههههه مجنونه انتي و لا مليون المانيا تقدر تنسيني اجمل و احلي ميرو في الدنيا
اميرة:الله بقي لا انا بكلم بجد مش هزار
يوسف:و حياتك عندي اا ما بهزر
اميرة:كنت فين و اعترف فورا
يوسف:يا ستي هقولك علي كل حاجه بس اهدي عليا
اميرة:هاديه اناخالص علي فكرة
يوسف:حصل انهرده موقف في الجامعه مقولكيش حبيبك قضي علي كل الي كانوا موجودين بصي يا ستي...................................
............................................................
