أحببت أبن خالتي موقفه حالياً

Part 1 نظرات غريبة 👀

هاي كيف حالكم شن أخباركم 😊

أن شاء الله تكونو بخير 😄

هذي روايتي الجديدة و أن شاء الله تحبوها

-_-_-_-_-_-_-_-♡_-_-_-_-_-_-_-_

في الصبح 🌞

أمي :- أرين يا أرين نوضي

اني بكسل 😪 :- اففففف باهي توا انوض

أمي :- هي نوضي اني بنعدي لي المصنع و انتي وتي الفطور لي بوك و خوتك

اني :- تي سيبيه المصنع هذا وانتي يا ماما يفوت النهار و مانروش فيك

أمي :- غير نوضي توا بوك يرفعني لمصنع و بيجي

اني :- افف باهي

و نضت مشيت لي الحمام (حشاكم ) و صليت صلاتي و طول على المطبخ و قعدت انوتي في الفطور خش عليا رواد خوي

رواد بملل:- هي يودي هذا كله اديري في فطور

(الفرخ خوي هذا ديما ايحب يعصبني 😠 )

اني بعصبية 😠 :- تي درق وجهك اني نقصتك اصلا

رواد يسخف 😂 :- يالطيف

و مشي رواد طلع و اني وتيت الفطور و نديت عليهم

باتي بابتسامة :- صباح الخير يا ارونة ☺

اني بابتسامة أجمل :- صباح النور يا باتي 😊😄

باتي :- تعبناك يا ارونة

اني :- لا عادي 😊

عبدالمنعم (الأخ ما بعد الكبير ) :- تي تعب شنو ..؟ يا باتي هي هذا وجبها 😒 ...بس غير انت مدلعها واجد و ماترضاش فيها شي

باتي :- هذي بنتي الكبيرة و أكيدة بندلعها امالا شنو

اني بفرح :- سلم باتي يارب ما تحرمني منه

عبدالمنعم :- ايييي 🐸

اني :- باتي اليوم نبيك ترفعنا لي خوالي بعد متروح ماما من المصنع

باتي :- علاش شن عندهم خوالك انتم الجمعة أحدهم

اني :- يا باتي الجمعة ليها أربعة أيام فايته راهو اليوم الثلاثاء

باتي :- باهي خلاص بعدين بعد العصر توا نرفعكم

اني :- باهي تمام 😊