ﻧﺺ ﺍﻟﻤﺘﺠﻮﺯﻳﻦ ﻣﺴﺘﺤﻤﻠﻴﻦ ﺑﻌﺾ ﺑﺲ ﻋﺸﺎﻥ ﺍﻟﻮﻻﺩ , ﻳﻌﻨﻰ ﺍﺗﻨﻴﻦ ﻋﺎﻳﺸﻴﻦ ﺗﺤﺖ ﺳﻘﻒ ﻭﺍﺣﺪ ﻛﻞ ﻭﺍﺣﺪ ﻓﺎﻫﻢ ﺍﻧﻪ ﻋﺎﻣﻞ ﺟﻤﻴﻠﻪ ﻋﻠﻰ ﺍﻟﺘﺎﻧﻲ ﻭﻛﺎﺗﻢ ﻓﻲ ﻗﻠﺒﻪ ﻭﺷﺎﻳﻞ , ﻃﺐ ﻭﺩﻯ ﺗﺒﻘﻰ ﺣﻴﺎﺓ , ﻟﻤﺎ ﻛﻞ ﻭﺍﺣﺪ ﺑﻤﺠﺮﺩ ﻣﺎ ﺑﻴﺪﻱ ﺿﻬﺮﻩ ﻟﺘﺎﻧﻲ ﻳﺠﺰ ﻋﻠﻰ ﺳﻨﺎﻧﻪ ﻣﻦ ﺍﻟﻐﻴﻆ ﻭﻫﻮ ﺑﻴﻘﻮﻝ ﺍﺳﻜﺖ ﻳﺎ ﻟﺴﺎﻧﻲ . ﻋﺸﺎﻥ ﻛﺪﻩ ﻫﺘﻼﻗﻲ ﺍﻟﻠﻰ ﻣﺘﺠﻮﺯﺵ ﻣﺤﺴﻮﺩ ﻣﻦ ﺍﻟﻠﻰ ﺍﺗﺠﻮﺯ ﻭﺑﻴﻘﻮﻟﻪ ﺍﻧﺖ ﻛﺪﻩ ﺍﺣﺴﻦ , ﻣﻊ ﺍﻥ ﺍﻟﻠﻰ ﻣﺶ ﻣﺘﺠﻮﺯ ﻓﺎﻛﺮ ﺍﻧﻪ ﺑﻴﻘﻮﻟﻪ ﻛﺪﻩ ﻋﺸﺎﻥ ﻳﺨﺰﻯ ﻋﻨﻪ ﺍﻟﻌﻴﻦ . ﺍﺗﻨﻴﻦ ﻣﺴﺘﺤﻤﻠﻴﻦ ﺑﻌﺾ ﻋﺸﺎﻥ ﺍﻟﻮﻻﺩ , ﻣﻌﻨﺎﻫﺎ ﺍﻥ ﻛﻞ ﻭﺍﺣﺪ ﻗﺒﻞ ﺍﻟﺠﻮﺍﺯ ﻛﺎﻥ ﺑﻴﺸﻮﻑ ﺣﺎﺟﺎﺕ ﻣﺶ ﻋﺠﺒﺎﻩ ﺑﺲ ﻃﻨﺶ ﻭﻗﺎﻝ ﺍﻥ ﺍﻟﺠﻮﺍﺯ ﻫﻴﻐﻴﺮﻫﺎ , ﺩﻩ ﻃﺒﻌﺎ ﺑﻤﺴﺎﻋﺪﺓ ﺍﻟﻨﺎﺱ ﺍﻟﺠﻤﻴﻠﺔ ﺍﻟﻠﻰ ﻛﺎﻧﺖ ﺑﺘﻘﻮﻝ ﻧﻔﺲ ﺍﻟﺠﻤﻠﺔ ﺍﺻﺒﺮ ﺍﺻﺒﺮﻯ ﻫﻴﺘﻐﻴﺮ ﺑﻌﺪ ﺍﻟﺠﻮﺍﺯ , ﻫﻰ ﻫﻰ ﻧﻔﺲ ﺍﻟﻨﺎﺱ ﺍﻟﻠﻰ ﻟﻤﺎ ﺗﻴﺠﻲ ﺗﺸﻜﻠﻴﻬﻢ ﻣﻦ ﺍﻟﺠﻮﺍﺯ ﺗﻘﻮﻝ ﺍﻟﺮﺟﺎﻟﺔ ﻛﻠﻬﺎ ﻛﺪﻩ , ﺍﻟﺴﺘﺎﺕ ﻛﻠﻬﺎ ﻛﺪﻩ , ﺍﻟﺠﻮﺍﺯ ﺍﺻﻼ ﻛﺪﻩ . # ﻣﻠﻮﺣﻈﺔ : ﻣﺤﺪﺵ ﺑﻴﺘﻐﻴﺮ ﺑﻌﺪ ﺍﻟﺠﻮﺍﺯ؟ ﻭﻟﻮ ﺣﺼﻞ ﻫﻴﻜﻮﻥ ﺗﻐﻴﺮﻟﻼﺳﻮﺃ " ﻋﺼﻴﺮ ﻟﺐ " ﻳﻌﻨﻲ . ﻣﻴﻨﻔﻌﺶ ﺍﺧﺘﻴﺎﺭﻙ ﻟﺸﺨﺺ ﻫﺘﻌﻴﺶ ﻣﻌﺎﻩ ﺑﺎﻗﻰ ﺣﻴﺎﺗﻚ , ﻳﻜﻮﻥ ﻧﺎﻗﺼﻪ ﺍﺣﺴﺎﺳﻚ ﺑﺎﻟﺮﺍﺣﻪ ﺍﻟﻜﺎﻣﻠﺔ , ﺑﺴﺒﺐ ﺍﻧﻜﻢ ﺑﺘﻜﻤﻠﻮﺍ ﺑﻌﺾ ﻣﺶ ﺷﺒﻪ ﺑﻌﺾ , ﺍﻟﺤﻴﺎﺓ ﺻﻌﺒﺔ ﺟﺪﺍ , ﻭﻣﺴﺆﻭﻟﻴﺔ ﺍﻟﺠﻮﺍﺯ ﻛﺒﻴﺮﺓ ﻭﻛﻞ ﻳﻮﻡ ﺑﺘﻜﺒﺮ ﺍﻛﺘﺮ ﻣﻦ ﺍﻟﻴﻮﻡ ﺍﻟﻠﻰ ﻗﺒﻠﻪ , ﻑ ﻟﻮ ﻛﻞ ﻃﺮﻑ ﻣﺶ ﺑﻴﻜﻤﻞ ﺍﻟﺘﺎﻧﻲ , ﻫﺘﻔﻀﻞ ﺍﻟﻤﺴﺆﻭﻟﻴﺔ ﻣﻠﻬﺎﺵ ﺍﺏ ﺷﺮﻋﻰ ﺗﻨﺘﺴﺐ ﻟﻴﻪ ﻋﺸﺎﻥ ﻛﻞ ﻭﺍﺣﺪ ﻫﻴﺸﻮﻑ ﺍﻥ ﺍﻟﺘﺎﻧﻲ ﻣﺶ ﻗﺎﺩﺭ ﻳﺤﺲ ﺑﻴﻪ ﻭﺳﺎﻳﺒﻪ ﻏﺮﻗﺎﻥ ﻟﻮﺣﺪﻩ , ﻭﻣﻴﻨﻔﻌﺶ ﻣﺎ ﻳﻜﻮﻧﻮﺵ ﻓﺎﻫﻤﻴﻦ ﺍﻥ ﺍﻻﻭﻻﺩ ﺍﻟﻠﻰ ﻫﻴﺨﻠﻔﻮﻫﻢ ﻫﻤﺎ ﻧﺘﺎﺝ ﻟﺤﻈﺎﺕ ﺣﺐ ﺑﻴﻨﻬﻢ , ﻣﺶ ﻣﺠﺮﺩ ﻏﻠﻄﺔ ﻭﺗﻮﺭﻳﻄﺔ ﻭﺍﻫﻢ ﺍﺩﺑﺴﻮﺍ ﻭﺧﻼﺹ . ﺍﻟﻤﻠﻞ ﺑﺘﺎﻉ ﺍﻟﺠﻮﺍﺯ ﺍﺻﻌﺐ ﻣﻠﻞ ﻣﻤﻜﻦ ﺗﻌﻴﺸﻪ ﻓﻲ ﺣﻴﺎﺗﻚ , ﺑﺴﺒﺐ ﻓﻜﺮﺓ ﺍﻥ ﻛﻞ ﻃﺮﻑ ﺣﺲ ﺍﻧﻪ ﺟﺎﺏ ﺍﺧﺮ ﺍﻟﺘﺎﻧﻲ , ﻭﺷﺎﻑ ﻣﻨﻪ ﺣﺎﺟﺎﺕ ﻣﺴﺘﺤﻴﻞ ﻛﺎﻥ ﻳﺸﻮﻓﻬﺎ ﻟﻮ ﻣﻜﻨﺶ ﺣﺼﻞ ﺟﻮﺍﺯ , ﻋﺸﺎﻥ ﻛﺪﻩ ﻻﺯﻡ ﺗﺨﺘﺎﺭﻭﺍ ﺍﻟﻨﺎﺱ ﺍﻟﻠﻰ ﻫﺘﻜﻤﻠﻮﺍ ﻣﻌﺎﻫﻢ ﺣﻴﺎﺗﻜﻢ ﺑﻌﻨﺎﻳﺔ ﺷﺪﻳﺪﺓ , ﻭﺗﺘﻜﻠﻤﻮﺍ ﻣﻌﺎﻫﻢ ﻓﻲ ﺍﻟﻮﺣﺶ ﻗﺒﻞ ﺍﻟﺤﻠﻮ , ﺍﻟﺠﻮﺍﺯ ﺍﻻﺻﻞ ﻓﻴﻪ ﺍﻧﻪ ﻳﻌﻤﻞ ﺍﺳﺘﻘﺮﺍﺭ ﻭﻫﺪﻭﺀ ﻭﺳﻼﻡ ﻧﻔﺴﻲ ﻟﻄﺮﻓﻴﻦ , ﺍﻟﻠﻰ ﺑﻴﻬﺎ ﻳﻘﺪﺭﻭﺍ ﻳﻄﻮﺭﻭﺍ ﻣﻦ ﻧﻔﺴﻬﻢ ﻭﻳﻜﻮﻧﻮﺍ ﺍﺣﺴﻦ ﻣﻦ ﺍﺣﺴﻦ ﻭﻗﺖ ﻛﺎﻧﻮﺍ ﻓﻴﻪ ﻗﺒﻞ ﺍﻟﺠﻮﺍﺯ , ﻋﺸﺎﻥ ﻓﻴﻪ ﺣﺐ ﻭﺍﻟﺤﺐ ﺑﻴﺨﻠﻖ ﺍﻓﻜﺎﺭ ﺗﻘﻀﻰ ﻋﻠﻰ ﺍﻯ ﻣﻠﻞ , ﻻﻥ ﺍﻟﻠﻰ ﺑﻴﺤﺒﻪ ﺑﻴﻜﻮﻥ ﻛﻞ ﻫﻤﻪ , ﻭﻳﺒﻘﻰ ﻫﺪﻓﻪ ﺍﺯﺍﻯ ﻳﺮﺿﻰ ﺍﻟﻠﻰ ﺑﻴﺤﺒﻪ , ﺟﻤﻌﻴﺔ ﻛﻞ ﻭﺍﺣﺪ ﺑﻴﺎﺧﺪﻫﺎ ﺩﻭﺭ . ﻭﻣﻦ ﺷﺮﻭﻁ ﺍﻟﺠﻤﻴﻌﺔ ﻫﻲ ﺣﺴﻦ ﺳﻴﺮ ﻭﺳﻠﻮﻙ ﻭﺍﺧﻼﺹ ﺍﻟﻨﻴﻪ ﺑﻴﻦ ﺍﻃﺮﻓﻬﺎ . ﺭﺑﻨﺎ ﻟﻤﺎ ﻭﺻﻒ ﺍﻟﺠﻮﺍﺯ ﻗﺎﻝ " ﻭَﺟَﻌَﻞَ ﺑَﻴْﻨَﻜُﻢْ ﻣَﻮَﺩَّﺓً ﻭَﺭَﺣْﻤَﺔً ﺇِﻥَّ ﻓِﻲ ﺫَﻟِﻚَ ﻟَﺂَﻳَﺎﺕٍ ﻟِﻘَﻮْﻡٍ ﻳَﺘَﻔَﻜَّﺮُﻭﻥَ " ﻣﻮﺩﺓ ﺗﻘﺮﺑﻬﻢ ﻣﻦ ﺑﻌﺾ , ﻳﺨﺎﻓﻮﺍ ﻋﻠﻰ ﺑﻌﺾ , ﻳﺤﺴﻮﺍ ﺑﺒﻌﺾ , ﺩﺍﻳﻤﺎ ﻓﻲ ﺷﻮﻕ ﺑﺎﺳﺘﻤﺮﺍﺭ , ﺍﻟﻤﻮﺩﺓ ﺍﺻﻞ ﺍﻟﺤﺐ , ﻭﺍﻟﺮﺣﻤﺔ ﻣﺮﺍﻋﺎﺓ ﺍﻻﺧﺘﻼﻑ ﺑﻴﻦ ﺍﻟﺠﻨﺴﻴﻦ , ﻭﺍﻟﺘﻤﺎﺱ ﺍﻻﻋﺬﺍﺭ , ﻭﺍﻟﻌﻘﻞ ﻓﻲ ﺍﻟﺘﺼﺮﻓﺎﺕ ﻣﺶ ﺍﻟﻬﻤﺠﻴﺔ ﻭﺍﻟﺼﻮﺕ ﺍﻟﻌﺎﻟﻲ ﻭﺍﻟﺨﻨﺎﻕ , ﺩﻯ ﺍﻟﺤﻴﺎﺓ ﺍﻟﻨﺎﺟﺤﻪ ﺍﻟﻠﻰ ﻗﻮﺍﻣﻬﺎ ﺍﻟﺤﺐ ﺍﻟﻤﺴﺘﻤﺮ . ﻟﻮ ﻫﺘﺘﺠﻮﺯﻭﺍ ﻋﺸﺎﻥ ﻛﻼﻡ ﺍﻟﻨﺎﺱ ﻣﺘﺠﻮﺯﻭﺵ ﻟﻮ ﺧﻮﻑ ﺍﻥ ﺍﻟﻘﻄﺮ ﻳﻌﺪﻱ ﺧﻠﻴﻪ ﻳﻌﺪﻱ , ﺑﺪﻝ ﺣﻴﺎﺗﻚ ﻣﺎ ﺗﺘﺤﻮﻝ ﻟﺤﺎﻟﺔ ﻧﺪﻡ , ﻋﻠﻰ ﺷﺒﺎﺑﻚ ﻭﻋﻤﺮﻙ ﺍﻟﻠﻰ ﺿﺎﻉ , ﺩﻩ ﻏﻴﺮ ﺍﺣﻼﻣﻚ ﻭﺍﻣﺎﻧﻴﻚ ﺍﻥ ﺍﻟﺰﻣﻦ ﻳﺮﺟﻊ ﺑﻴﻚ ﻟﻮﺭﺍ , ﻋﺸﺎﻥ ﻣﺘﻜﺮﺭﺵ ﺍﻟﻐﻠﻄﺔ ﺩﻯ . ﻟﻮ ﻫﺘﺘﺠﻮﺯﻭﺍ ﻣﻦ ﻏﻴﺮ ﻣﺎ ﺗﻜﻮﻧﻮﺍ ﺑﺘﻜﻤﻠﻮﺍ ﺑﻌﺾ ﻣﺘﺠﻮﺯﻭﺵ ﺍﻃﻔﺎﻟﻜﻢ ﻻﺯﻡ ﻳﻜﻮﻧﻮﺍ ﻧﺘﺎﺝ ﻋﻼﻗﺔ ﺣﺐ , ﻋﺸﺎﻥ ﻳﻄﻠﻌﻮﺍ ﻣﻦ ﻏﻴﺮ ﻋﻘﺪ , ﻭﺍﺧﻴﺮﺍ ﺍﻧﺖ ﺑﺘﺠﻮﺯ ﻋﺸﺎﻥ ﺗﺨﺶ ﺩﻧﻴﺎ ﻳﺒﻘﻰ ﻻﺯﻡ ﺗﻜﻮﻥ ﺍﺣﻠﻰ ﺩﻧﻴﺎ , ﻭﻟﻮ ﻣﺶ ﺣﺎﺳﺲ ﺩﻩ ﺧﻠﻴﻚ ﻓﻲ ﺩﻧﻴﺘﻚ ﻟﺤﺪ ﺭﺑﻨﺎ ﻣﺎ ﻳﻜﺮﻣﻚ ﻭﻳﺒﻌﺘﻠﻚ ﺍﻟﻠﻰ ﻳﻘﺪﺭﻙ . #
