حظك اليوم

انتبه لحظك اليوم!

انا "محمود"
دكتور عظام في مستشفي في الاسكندريه
عمري 35سنه
مراتي اسمها "شيماء"
عندي ولد وبنت
يوسف 12 سنه
وملك 5 سنين
يومي عادي

بصحي الصبح البس هدومي واقرا الجورنال.. وحاجه مقدسه عندي وهي اني اشوف فقرة حظك اليوم في الجورنال واشوف حظي هيكون ايه انهارده
Ùˆ

بعدين اطلع علي المستشفي وارجع انام شويه واطلع علي العياده الخاصه بتاعتي بعدها
وارجع بالليل
قصتي بدأت من يوم كنت قاعد انا واحمد عبدالسلام دكتور صاحبي وكنت متأخر علي المستشفي ف خدت الجورنال معايا للمستشفي
وقعدت انا واحمد وقولتله
اقرالي كده وشوف حظي هيكون ايه انهارده
ضحك وقلي انت بتصدق الكلام ده
قلتله يا سيدي انت مالك اقرا بس وانت ساكت
وبدأ يقرا ويقول حظك اليوم :-
"يومك عادي زي اي يوم بس هتروح العياده بالليل وهترجع هتلاقي شقتك فيها حريقه "
قطعت كلامه وقلتله انت بتقول ايه ؟
هو:- يومك جميل ومشرق وملئ بالسعاده ولكن احذر فهناك من يدبر لك خطه للقضاء عليك
انا:- لالالا مش ده اللي انت قولته
هو :- هو ده والله اللي انا قولته
انا :- لالا انت قولت ان شقتي هتولع بعد م ارجع من العياده
هو :- لا انا مقولتش كده والله
خطفت الجورنال من ايده ولقيت مكتوب :-
"يومك جميل ومشرق وملئ بالسعاده ولكن احذر فهناك من يدبر لك خطه للقضاء عليك"
استغربت جدا وقولت ازاي ؟
بس طنشت وطلعت بالليل علي العياده وراجع الساعه 11 بالليل ورجعت لقيت حريقه في الشقه والمطافي بتطفي في الشقه بس محدش حصله حاجه
شفت شقه جديده في عماره قريبه مننا بعد ما الشقه بتاعتي كلها بقت فحم
سألت مراتي اللي حصل ده حصل ازاي
قالتلي مش عارفه
انا كنت في المطبخ والعيال بيسمعوا التلفزيون ولقينا اوضه النوم والحمام وكل مكان في البيت بيولع
قلتلها مش ممكن عيل من العيال يكون عمل كده
قالت لا مستحيل بقولك كانوا
قاعدين قدامي بيتفرجوا علي التلفزيون
تاني يوم صحيت ولبست ومسكت الجورنال وقريت
حظك اليوم :-
"هتروح المستشفي وهتنزل هتلاقي عربيتك بتولع ومش هتلحق تتطفي الحريقه "
اتعدلت كده وقريت تاني
حظك اليوم :-
يوم سعيد ومشرق سيفاجأك احدهم بشئ لم تتوقعه ولكن احذر ان يكون وراء المفاجأه شئ مطلوب"
استغربت جدا وقولت ازاي ده
طيب اللي حصل في الشقه وانها هتولع انا سمعت احمد قلهالي قبل كده وحصلت بس انا طنشت
واكيد كل ده مش حقيقي انا بس اللي حصل في الشقه مأثر عليا
طلعت علي المستشفي وخلصت شغل وسمعت صوت مطافي نزلت بسرعه لقيت المطافي بتطفي في عربيتي نزلت جري علي العربيه لكن ملحقتش حاجه
والعربيه خلاص باظت خالص
خدت تاكسي وروحت ومخنوق ومش طايق حد
حكيت لمراتي بس صبرتني وهدتني ومرضتش اروح العياده اليوم ده ونمت لغاية تاني يوم الصبح
تاني يوم لبست ومسكت الجورنال وانا متعود اقرا الجورنال بس حطيت الجورنال قدامي وكنت خايف افتحه واقرا "حظك اليوم"
ومش عارف اذا كان اللي بيحصل ده صدفه والا اللي بيحصل حد بيعمله والا ايه بالظبط مش عارف
فضول وعاده مش قادر ابطلها خلتني مسكت الجورنال وقولت اكيد مش هلاقي حاجه تانيه وان دي حاجه حصلت وخلاص ولازم اكبر دماغي شويه
بدأت اقرا
حظك اليوم :-
"مش هتروح المستشفي وانت ماشي في الطريق هيجيلك تليفون اخوك هيقولك ان ابوك مات "
عيني فتحت قوي وخفت جدا بصيت علي الساعه وانا متأخر علي المستشفي
خدت التليفون وجريت علي تحت وركبت العربيه وانا ماشي ولسه هتصل بأخويا لقيته هو بيتصل
ارد والا مردش والا ايه
خايف جدا مش عارف اتصرف ازاي او اعمل ايه
رديت ولقيت اخويا بيعيط وبيقولي محمود البقاء لله ابوك مات من شويه
الدموع نزلت من عيني وقلتله مات ازاي رد بسرعه مات ازاي
قلي كنا قاعدين انا وهو نتكلم من الفجر وقلي روح هات فطار روحت جبت لقيت امك واختك واقفين جنبه وبيعيطوا وبيقولولي انه مات
لفيت بالعربيه وطلعت علي شقة بابا
وجريت علي اوضته لقيته متغطي بملايه جريت عليه بوست راسه وانا بعيط وبعدين طلعت وقفلت الباب عليه وانا مستفرب من الرسايل اللي بتجيلي في حظك اليوم
وازاي كده
دي صدفه والا حد بيعمل كده
لو حد بيعمل كده مش هرحمه بس هيعمل كده ازاي والرساله اللي بتوصل انا بس اللي بشوفها او اسمعها
بعدها بأسبوع مكنتش بقرا الجورنال في الايام دي بس كنت مخنوق جدا لاني مش بقراه بعد ما اتعودت فتره كبيره جدا اني اقراه بس مقدرتش
وصل الجورنال
فتحته
قولت طيب اشمعنا حظك اليوم اللي بتوصلني فيه الرساله انا هقرا باقي الجورنال
قريت الجورنال كله عادي جدا
متبقاش غير حظك اليوم
كنت متردد اقرا والا لا
لكن قريت
حظك اليوم :-
"هترجع من العياده بالليل مش هتلاقي مراتك في البيت علشان هي مع عشيقها في شقه الدكتور فؤاد صاحبك "
قريت الرساله دي وكنت هتجنن وقطعت الجورنال من الغيظ ولقيت مراتي طالعه من جوا وبتقولي صباح الخير يا حبيبي يعني لسه ممشتيش
باصصلها وانا كل نظراتي فيها شك
وبقولها انا ماشي حالا
رجعت من المستشفي منمتش من كتر ما انا متعصب من اللي قريته وهموت بمعني الكلمه
لبست وقلتلها انا رايح العياده ونزلت ركبت تاكسي لقيتها واقفه في البلكونه بتراقبني لغاية ما امشي
وقفت التاكسي علي اول الشارع
وكنت مستلف عربيه واحد صاحبي بالليل ومروحتش العياده
ووقفت مستنيها ومعايا مسدس
لقيتها نزلت ومعاها الولاد بصراحه شكيت في نفسي ازاي معاها الولاد
وقفت تاكسي مشيت وراهم
لقيتها ودت الولاد عند صاحبتها
وخدت تاكسي تاني مشيت وراهم لقيتها واقفه قدام عماره فؤاد صاحبي في المستشفي
وطلعت العماره
طلعت وراها لقيته فتح الباب ودخلت جو
كنت عايز اطلع اخلص عليهم هما الاتنين لكن مرضتش اعمل كده وكنت عايز اختبرهم علشان مندمش علي حاجه عملتها
روحت علي البيت بعدها بساعتين لقيتها دخلت وبصتلي وكأنها شافت عفريت
جريت علي البلكونه ولقيت عربيه فؤاد تحت ماشيه
دخلت تاني
انا :- كنتي فين ؟
هي :- كنت عند صاحبتي
انا :-والولاد فين
هي :- عند ماما هيباتوا هناك انهارده
انا :- طيب ومقولتيش لي انك خارجه
كانت متوتره جدا وهي بتتكلم
هي :- منا كنت هقولك بس انت مشيت علطول
انا :- خلاص حصل خير بس تاني مره تقولي علشان بقلق عليكوا
هي :- حاضر يا حبيبي
ودخلت نمت وانا هموت من الغيظ ومش عارف انام وانا مستريح الليل كله
وعايز اقوم اقتلها دلوقتي بس مش قادر
تاني يوم الساعه 5 الصبح
حسيت بيها قامت من علي السرير وطلعت في البلكونه وبتقول " بتتصل لي دلوقتي دا معاد حد يتصل فيه ... هو نايم جوه ولو صحي ممكن يقتلني ...يلا باي " وقفلت السكه وجت نامت تاني
صحيت ف معادي ولبست ومسكت الجورنال واول مره ابقي عايز اعرف ياترا هيحصل اي النهارده
ولقيت مكتوب
حظك اليوم :-
" مراتك هتروح انهارده تاني عند الدكتور فؤاد والدكتور فؤاد هيوصلها لغاية الشقه "
طلعت علي المستشفي وجهزت المسدس ونويت خلاص اني هقتلهم واغسل عاري بأيدي
رجعت من المستشفي وتاني يوم مروحتش العياده واستلفت العربيه من عبدالرحمن صديقي الصدوق لتاني مره وبالمناسبه صديقي ده كيميائي كبير
واستنيتها نزلت والولاد عند صاحبتها
بس فؤاد اللي جه خدها بعربيته وطلعوا علي شقته وبعدها بحوالي ساعه ونص نزلوا هما الاتنين وركبوا العربيه تاني وطلعوا علي شقتي انا ..طلعت وراهم وجهزت المسدس
لقيتهم دخلوا الشقه وانا علي باب العماره
طلعت فتحت الباب واتفاجأه ب فؤاد وشيماء مضروبين بالنار وواقعين في الارض
اتصدمت مع اني كنت ناوي وداخل علشان اعمل كده ومين اللي عمل كده ولحق يعمل كده امتي ؟
جريت علي الشباك مش لاقي حد وعلي المنور وفي الاوض كلها مش لاقي حد
قررت اني اخفي المسدس اللي معايا
اتصلت بالبوليس ونزلت حطيت المسدس في عربيه عبدالرحمن واتصلت عليه يجيلي البيت
جه البوليس لقيوني بعيط واتصلت علي اخواتي وامي واهل فؤاد ونسايبي كلهم جم
البوليس منعنا من اننا ندخل الشقه علشان البصمات وحكيتلهم علي كل حاجه من ساعه من دخلت الشقه
"اني مروحتش العياده واستلفت عربيه عبدالرحمن لفيت بيها شويه ورجعت فتحت الباب لقيتهم كده"
عبدالرحمن قلي تعالي اقعد عندي في الشقه لغاية ما يخلصوا
رحت شقه عبدالرحمن وبص في عربيته لقي المسدس.. قال ايه اللي جاب المسدس ده هنه
قلتله ده بتاعي
بصلي كده زي اللي بيقول هو انت اللي قتلتهم والا ايه
قلتله من غير ما تفكر مش انا اللي عملت كده
انا صحيح كنت طالع اعمل كده بس طلعت لقيتهم خلصانين اصلا
قلي انا مش فاهم حاجه
قلتله طيب اطلع علي الشقه وانا هحكيلك كل حاجه
طلعنا علي الشقه وحكيتله
وقلي طيب دا كلام يدخل العقل
قلتله الكلام ده مش داخل عقلي انا
قلي امال ايه
قلتله اهو اللي حصل وخلاص بقا
بعدها بأسبوع والولاد روحت وديتهم عند ماما واخواتي يومها مكنتش قادر ابص في وشهم كل ما ابصلهم اعيط
الطب الشرعي ملقيوش بصمات اي حد في الشقه
رجعت الشقه بس لوحدي من غير الولاد علشان كنت خايف عليهم علشان اللي قدر يعمل كده في اتنين كبار في السرعه دي واختفي بالسرعه دي من غير ما حد يحس بيه مش هيغلب في اتنين اطفال
روحت الشقه ودخلت نمت بعد ما نضفناها من الدم والحاجات اللي كانت فيها
وصحيت جهزت نفسي وبقي الجورنال بالنسبه ليا بعد ما كنت بعشقه بقا عدو ليا بخاف منه وبدأت اقرا
حظك اليوم :-
"اخوك هيدخل في غيبوبه طويله من النهارده بالليل "
خدت تاكسي وجريت علي البيت لقيت علي اخويا بيذاكر في تانيه ثانوي
سلمت عليهم وسلمت علي الولاد وقلتله انت متخانق يا علي
ضحك وقلي لا وهتخانق ليه
قلتله طيب يا حبيبي اوعي تتخانق احنا مش بتوع مشاكل
قلي عارف يعم انا مش بحب الخناقات اصلا
طلعت خدت تاكسي وروحت المستشفي ورجعت بالليل وانا مرعوب
قولت لا مش هينفع كده انا هاروح اجيبه عندي في الشقه واقفل عليه
خدت تاكسي وروحتلهم بالليل وانا نازل سمعت صوت اسعاف بتجري ولقيت امي واختي والولاد واقفين علي باب العماره بيعيطوا
جريت عليهم ... قلتلهم في ايه
قالولي علي نزلنا لقيناه واقع هنه قدام العماره ومش عايز يفوق
قلتلهم طيب تعالوا
صاحب التاكسي راجل جدع اوي مرضيش يمشي وخدنا وصلنا للمستشفي ومرضيش ياخد فلوس
جرينا لفوق وبعدها بنص ساعه جوا غرفه العمليات لقيت الدكتور طالع وقال اخوك دخل في غيبوبه كبيره جدا ومش لاقيين اي اثار ضرب او حاجه علي دماغه واحتمال انه يفوق منها لازم وقت طويل جدا ممكن تقعد عشر سنين حتي
امي واختي بيعيطيوا ويقروا قرءان وانا بقي عندي احساس لامبالاه رهيب
ولقيت عبدالرحمن جه عندي وقعدت لغاية الصبح
الدكتور قال ملهوش لزوم انكوا تقعدوا هنه
اخوك هيطول يا دكتور واي حاجه هتحصل هنبلغكم علطول ياريت تروحوا احسنلكم
روحنا وصلتهم وطلعت علي الشقه ومعايا عبدالرحمن وصلني ومشي
وطلعت وانا شبه متدمر
'الشقه ، والعربيه ،وبابا ، ومراتي ، وصاحبي ، واخويا
مبقتش عارف الدور الجاي علي مين ودوري انا هيكون امتي
تاني يوم جهزت ومسكت الجورنال وانا مرعوب بس لازم اشوف هيحصل ايه
حظك اليوم :-
" هتروح مشوار انهارده هترجع منه بمصيبه "
قريت دي واول حاجه كنت ناوي اعملها اني مخرجش من البيت بس لو مخرجتش في عمليات وناس مستنياني واكل عيشي هيقف
خرجت وروحت المستشفي وانا قاعد افتكرت حاجه كنت غبي اني مفكرتش فيها قبل كده
اني اشوف الجورنال ده جاي منين والشركه دي حكايتها ايه
فعلا عرفت مكان صحاب الجورنال وروحت هناك ودخلت عن الصحفي صاحب فكره حظك اليوم
وكلمته كان كلام عادي جدا يعني ازاي بيكتبها وكده
قلي عادي دي مجرد بنحفز الناس مش اكتر وهزار مش بجد كمان
مشيت ومستفدتش حاجه
لكن اتفاجأه ب احمد صاحبي بيقولي سيب البيت وامشي بسرعه
انا :- ليه في ايه
احمد :- اطلع وسيب البيت وهحكيلك
خرجت وسبت البيت وقلي تعلالي الشقه
انا :- في ايه ؟
احمد :- الحكومه بتدور عليك في كل مكان
انا :- حكومه ؟بتدور عليا انا ؟ ليه؟
احمد :- الصحفي اللي روحناله انهارده مات
انا :- ما يموت انا مالي
احمد:- قبل ما يموت قال ان انت اللي قتلته
انا :- انا مقتلتش حد وبعدين انا اعرف منين او بيني وبينه ايه علشان اقتله
احمد :- مش عارف بقا بس اهم حاجه انك تختفي ومتظهرش تاني
انا :- حاضر
اتصلت علي عبدالرحمن قلتله قلي انا جايلك بالعربيه
جالي بالعربيه وركبنا وقلي ملكش دعوه بأي حاجه سيب كل حاجه عليا انا
قلتله طيب وهعمل ايه دلوقتي انا مقتلتش حد
قلي عارف
قلي بس انت لازم تسلم نفسك بصراحه وتقولهم انك معملتش كده وده اشرفلك
قلتله معاك حق وطلعت علي القسم وسلمت نفسي وقلتلهم اني معملتش اي حاجه بس الغريب اني لقيت صحابي بيقولوا كلام غريب جدا وهو اني كنت غريب الفتره اللي فاتت وشاكين فيا اني انا اللي قتلت مراتي علشان دايما كنت شاكك فيها انها بتخونني
الكلام ده وصلني من الظابط
قلتله مين قال كده
قلي الشهود
قلتله شهود ايه محدش يعرف الكلام ده غير عبدالرحمن
قضيت في القسم 3 ايام قرف وتحقيق بكل الطرق
ضرب وهدوء وكهرباء وكل حاجه عملوها معايا عشان اعترف بحاجه معملتهاش
لغاية في يوم قالوا هيرحلوني علي النيابه
واحنا طالعين قولت للعسكري اللي معايا : معلش ممكن تاخد الفلوس دي وتجبلي الجورنال ده
جاب الجورنال
خدته واحنا جوه البوكس وطالعين علي النيابه
قريت
حظك اليوم :-
"هتهرب كمان شويه وبعدين هتشوف طريقك"
مبقتش عارف افرح والا ازعل علي الضرب اللي خدته في القسم
لكن بعدها بشويه في عربيه وقفت قدام البوكس مره واحده كأنها ظهرت من العدم والبوكس اتقلب بينا
اغمي علينا كلنا
صحيت لقيت الدنيا ليل خرجت برا البوكس ومشيت بعيد عن البوكس علشان اوقف اي حاجه اركبها
وقفت عربيه وقلتله خدني معاك طلعني بعيد عن هنه والنبي
ركبت معاه ومشينا لغاية ما وصلنا ل بنزينه
قلتله متشكر جدا انا هكمل طريقي من هنه
مشيت مبقتش عارف هاروح فين .
الرسايل بتاعت حظك اليوم دي من يوم ما شفتها وانا مشوفتش يوم عدل
قررت اني اسافر اي مكان بعيد عن الاسكندريه
طلعت علي الشقه لقيت حوالين الشقه حكومه
بس كانت ليا طريقه ادخل بيها الشقه
المنور ورا العماره
لفيت من ورا العماره ودخلت الشقه خدت فلوس من الشقه ونزلت من نفس المكان طلعت علي الاتوبيسات اللي كانت مسافره لقيت اتوبيس رايح "السويس"
ركبت الاتوبيس ووصلت السويس
خدت تاكسي وسألته اذا يعرف شقه اسكن فيها
بتاع التاكسي قلي موجوده ووداني شقه وقلي هي دي الشقه
اديته ايجار شهر وقعدت في الشقه مش عارف اعمل ايه
ولا ايه بيحصل معايا
دخلت نمت ...وصحيت تاني يوم نزلت جبت فطار وجبت الجورنال اشوف حظك اليوم
وقريت
حظك اليوم :-
"انتقم من اللي باعوك"
قلت يعني ايه انتقم من اللي باعوني
اللي باعتني مراتي وفؤاد والاتنين ماتوا
لكن جت في دماغي حد اكلمه
كلمت واحد صاحبي ظابط بس ميعرفش حاجه عن موضوعي وحكيتله علي كل حاجه وخليته عرفلي الشهود اللي شهدوا عليا بأني قتلت مراتي وفؤاد واني قتلت الصحفي
وجابلي اسمائهم في ورقه
بس اتصدمت لما قريت اسمائهم 'فاطمه سليمان محمد' ، 'احمد محسن محمود '
ازاي ؟؟
امي وصاحبي !!
سألته اذا كان متأكد من الكلام ده
قلي طبعا متأكد انا جبتهم من المحضر نفسه
تاني يوم وانا مش مصدق ان امي وصاحبي بيشهدوا عليا زور وبيقولوا اني قتلت
تاني يوم نزلت جبت الجورنال
حظك اليوم :-
"باعوك بسهوله يبقي بيعهم بسهوله "
فهمت انه يقصد ان احمد وامي باعوني يبقي انا لازم ابيعهم
فعلا معاه حق
هما كانوا عايزين حبل المشنقه يتلف حوالين رقبتي ومزعلوش يبقي انا لازم اقتلهم ومش هزعل
بصيت في الشنطه بتاعتي اللي فيها الفلوس لقيت مسدس
نفس المسدس اللي كنت هقتل بيه مراتي وهو هو اللي جابهولي عبدالرحمن صاحبي هديه في عيد ميلادي
خدت المسدس والساعه 12 بالليل كنت واقف تحت عماره احمد صاحبي
طلعت قدام الشقه وخبطت علي الباب ....
فتح الباب ولقيته اتفاجأ وقلي ادخل بسرعه
دخلت وقفلت الباب وكنت جايب منوم وانا رايح من الصيدليه
ورشيته في وشه ...نام
جبت حبل وربطته في كرسي وحطيت علي بوئه بلاستر وفوقته
فضل يبصلي وهو مستغرب
قلتله انت اللي عملت في نفسك كده
انت اللي خليتني اعمل كده
بتساعدني من ناحيه وبتكسرني من الناحيه التانيه
انت شهدت عليا اني قتلت مراتي وفؤاد وكنت هتلف حبل المشنقه حوالين رقبتي ولازم تدفع تمن ده
طلعت المسدس وحطيته علي دماغه وضربته بالنار
خدت الشنطه والحبل ومشيت بس مش هينفع اروح من غير ما اكمل خطتي وهي اني اقتل امي ..ايوه هقتل امي
راقبت العماره من بعيد لقيت بوكس واقف تحت العماره
لفيت من ورا العماره وطلعت من علي المواسير ودخلت اوضه النوم لقيت امي وفي حضنها الولاد يوسف وملك
اول ما شفتهم عيطت وكنت هغير رأيي وامشي بس رجعت تاني وقولت كان سهل عليها اموت يبقي سهل عليا انها تموت
مبقتش عارف انا جبت القلب الحجر ده منين ؟؟
ضربتها وهي نايمه علشان لو صحيت من النوم وكلمتها مش هقدر ابص في عنيها
ضربتها وهي في حضنها ولادي وانا نازل من علي المواسير ابني يوسف شافني
قال بابا بصيتله ورجعت تاني
اكيد لو حد طلع هيقوله عليا
خدته معايا وشيلته ونزلت
طلعت علي الشقه وقلتله نام هنه واوعي تتكلم ولا تقول حاجه
بقيت بستني الرساله واشوف هعمل ايه ؟
خلاص بقيت دميه في ايد الرساله دي
بقيت لعبه في ايديها
اللي بتؤمر بيه بعمله
لكن مفكرتش قبل كده اعرف مين ورا الرساله دي او بتيجي منين
كل اللي كنت بعمله اني بنفذ اللي بتطلبه مني مهما كان
نزلت تاني يوم اجيب الجورنال وقريت
حظك اليوم :-
"اخلص من كل دليل هيأذيك"
يقصد ايه بالكلام ده
يعني ايه اخلص من كل دليل هيأذيني
يعني اقتل ابني !
مستحيل
نزلت اشتريت شاي وطلعت عملت كبايه شاي بعد ما كنت دايما باروح عند عبدالرحمن وادمنت الشاي معاه افتكرت ايام كبايه الشاي اللي كان بيعملهالي
خلصت كباية الشاي وفكرت ازاي هقتل ابني بس قولت وليه مقتلهوش
منا قتلت امي بسهوله يبقي ابني كمان سهل
خدت يوسف وطلعت علي الاسكندريه تاني ووقفت علي البحر وحطيته قدامي صحيح كنت بعيط بس لازم اخلص من كل دليل بيأذيني ورميته في المايه ومشيت
بسهوله جدا وكأني رميت اي حاجه في المايه ورجعت علي السويس كان تاني يوم الصبح روحت نمت وكنت خلاص اعتبر محدش عارف يجيبني وبقدر اتحرك واروح اي مكان براحتي لغاية في قررت اني اعرف مين اللي ورا الرسايل دي
جبت كشكول وقلم وقعدت احلل مين اللي يعرف كل حاجه عني كده وازاي بيخليني اقدر اشوف رساله " حظك اليوم" زي ما هو عايز
دا اكيد عفريت بس انا مسمعتش عفريت عمل كده العفريت كان يقدر يلبسي ويقتلني ويخلص
لكن دا حد بيكرهني وعايز يدمرني وبيخليني اعمل حاجات مش عارف بعملها ازاي
كل ده كتبته في الكشكول علشان اعرف مين ممكن يعمل كده
وحطيت كل الاحتمالات قدامي
اختي
اخويا
عبدالرحمن صاحبي
حاليا مفيش غير التلاته دول لقيتهم
اول حاجه قولت ان سهل عليا اراقبها هي اخويا
دخلت المستشفي وانا مخبي وشي وببعد عن الكاميرات وعارف مكان كل كاميرا وهبعد عنها ازاي بما اني شغال في المستشفي دي
دخلت الاوضه اللي فيها اخويا اتفاجأت اني ملقيتهوش
ندهت علي واحد في الحمام وقلتله علي اسم الاوضه وقلتله يروح يسأل المريض اللي فيها راح فين
وطلعت برا المستشفي مستنيه
جه قلي لما سألتهم بيقولوا انه اختفي من شويه والمستشفي كلها مقلوبه علشانه
طلعت علي السويس تاني وبقت مشاويري كلها سفر ما بين الاسكندريه والسويس
وقولت دلوقتي اخويا راح فين
وافتكرت اني نسيت اجيب الجورنال انهارده
نزلت بسرعه اجيبه
وطلعت
قريت
حظك اليوم :-
"اخوك بيمثل خطر .... اخوك متخطفش .... اخوك مات "
اتصدمت لما قريت الرساله وقعدت اعيط وعملت كبايه شاي قلبي تقل وشطبت علي اسم اخويا
يبقي كده مفيش غير
اختي .. وعبدالرحمن
طلعت علي العماره بتاعتنا وكنت براقب تحركات اختي بس هي لغاية دلوقتي مش عارفه ان اخويا مات
هي فكراه انه مختفي بس
كنت براقبها كل يوم والتاني تروح المستشفي وترجع
لكن اتفاجأت بيها قعدت فتره متروحش المستشفي وبتنزل من غير البنت وبتسيب البنت فوق
لغاية ما في يوم روحت لقيتها واخده ملك معاها وركبت تاكسي لكن مراحتش المستشفي
راحت مكان غريب جدا وضلمه
خدت تاكسي وراها وهي نزلت وانا نزلت وراقبتهم من بعيد
ولقيتها فضلت ماشيه كتييير في الضلمه ومعاها البنت
وفضلت ماشيه في مكان عامل زي الغابة ومفيش فيه غير نور القمر وانا طول الطريق خايف انور كشاف الموبيل لتاخد بالها مني
وانا ماشي في المكان ده بس مش عارف امشي فيه من اغصان الشجر والنخل المرميه في الارض دخلت حاجه في رجلي جرحتني جامد ونزفت
وقفت مكاني مقدرتش امشي وراهم بس قطعت التيشرت اللي لابسه وربطت بيه رجلي بس كانوا هما اختفوا في الضلمه بس سمعت صوت رجل جايه نحيتي من هناك
طلعت المسدس واستخبيت ورا الشجر بس لقيتها هي اللي كانت خارجه بس المره دي خارجه من غير البنت بس مش خارجه فاضيه برضو .... لا انا شوفتها ماسكه حاجه في ايديها بس الدنيا كانت ضلمه مقدرتش احدد ايه اللي هي مسكاه ده بس انا كل خوفي كان علي البنت
بس خرجت وراها ولما ظهر النور شويه قدرت احدد ايه اللي مسكاه
دي راس اخويا علي
يبقي اختي اللي بتعمل كل ده
يعني اختي اللي قتلت اخويا .... واختي اللي بتبعتلي الرسايل .. طب ازاي ..والبنت ودتها فين ..
لقيتا خلعت الجاكت اللي كانت لبساه وحطت فيه الراس وغطت الراس وركبت تاكسي وطلعت علي البيت
نزلت من التاكسي وطلعت وراها من المنور وشوفتها بتعمل ايه من شباك المنور ...
دي بتطلع عين اخويا وقطعت لسانه وودانه وكسرت راسه بالساطور وسلقتهم وحطت ملح وفلفل عليهم وبدأت تاكل في راس اخويا
روحت تاني يوم علي الشقه في السويس ونزلت في الصبح اشتريت الجورنال لكن ملقتش رساله
بصيت كده واستغربت جدا وبدات اقرا مره واتنين وتلاته لقيتها رساله عاديه زي اللي كنت بقراها زمان
طلعت في العصر علي الاسكندريه ولقيت اختي نزلت من الشقه بس مفيش معاها حاجه وخدت تاكسي وفي نفس المكان راحت ومشيت بس المره دي مشيت وراها لقيتها وصلت لمكان مهجور جدا ولقيتها دخلت بيت مش عارف موجود هنه ازاي
بيت مبني من خشب وسط شجر كتييير ومكان مفيهوش حد زي غابه بالظبط ودخلت البيت وطلعت ومعاها المره دي 'رجل'
انا عارف دي رجل مين !
دي رجل مراتي !
طلعت علي الشقه وعقبال ما وصلت كان بالليل طلعت وراها من المنور لقيتها بتقطع في رجل مراتي وبتسلقها ونفس اللي عملته في راس اخويا عملته في رجل مراتي
نزلت وروحت علي السويس وكده فهمت اللعبه كلها
يبقي اختي اللي بتعمل كل ده وخلتني قتلت كل دول علشان تاخد جثثهم هي وتاكلها
بس ازاي وكل دول برضو اذوني وانا كده انتقمت منهم
اختي بتعمل كده ليه ! تاني يوم بقا جبت الجورنال وبرضو مفيش اي رساله علشان تقريبا كده اللعبه انتهت واختي خدت اللي هي عيزاه
خدت شنطتي وطلعت علي الاسكندريه بس المره دي مروحتش اراقب اختي .. لا
انا رحت اراقب المكان اللي اختي بتروحه
طلعت وخدت تاكسي وروحت علي المكان وفضلت قاعد قريب من البيت اشوف مين اللي هيدخل ومين اللي هيخرج
فضلت قاعد من الساعه 10 الصبح لحد الساعه 11 بالليل وكنت عامل حسابي في اكل وشرب وشاي والمسدس والبنج اللي نيمت بيه احمد قبل كده قبل ما اقتله
بس مفيش اي حاجه حصلت
مفيش غير اختي بتدخل تاخد اللي هي عيزاه وبتمشي علطول
قررت اني ادخل البيت ده واشوف ايه اللي جو
دخلت البيت بس من الشباك علشان الباب كان مققول بقفل قديم ودي معملوله بالقصد علشان محدش يعرف ان حد بيدخل البيت
دخلت بس مكانش في نور واختي كانت بتنور النور لما تدخل بس اول ما دخلت سمعت صوت حد بيفتح القفل
معقوله تكون اختي رجعت تاني .. اكيد نسيت حاجه او جت تاخد حاجه تاني
نطيت من الشباك ولقيت الباب اتفتح وحد دخل انا في دماغي ان اللي دخل اختي لكن اتصدمت لما النور نور
اي ده ؟؟
بيعمل ايه ده هنه ؟
دا الظابط اللي جابلي اسم اللي شهدوا عليا في المحضر
بيعمل ايه هنه ده ؟
معقوله يكون مشترك مع اختي
مستحيل دا محترم جدا وميعملش حاجه زي كده
بس مستحيل ليه ؟
لما اختي اللي من لحمي ودمي عملت كده .. ده مش هيعمل كده ليه ؟؟
طلعت من الشباك من غير صوت ودخلت وراه وحطيت المسدس علي دماغه من ورا وقلتله لو اتحركت لورا هطير دماغك ؟
كان في كرسي جنبي حطيته وراه وقلتله اقعد واعي تبص وراك خدت من المسدس
وقعد... وطلعت بلاستر من الشنطه وحطيته علي عنيه وبوئه
وطلعت الحبل وربطته وطفيت النور وجبت وقفلت الباب بالقفل من برا ودخلت تاني من الشباك وجبت كرسي وقعدت قدامه
حشت البلاستر وكده كده مكنش هيشوفني علشان الدنيا كانت ضلمه علي الاخر
قلتله اوعي تتكلم انا هسألك وانت تجاوب بس والا هقطع رقبتك اديته حاجه يشربها قبل ما اسأله والحاجه دي هي مايه ومحطوط فيها عقار يخلي المخ ميفكرش كتير
يعني لو شربت من ده وحد سألك دماغك مش هيبقي عندها مساحه تخترع حوار نتجيه الاجهاد اللي بيعمله العقار في دماغك ف كل الاجابات هتكون صحيحه وده بيستخدموه في امن الدوله والكلام ده عرفته من عبدالرحمن صاحبي بما انه كيميائي شاطر جدا
انا :- انت مين ؟
هو :- انا ظابط
انا:- اسمك ايه؟
هو :- اسمي حمدي
انا :- بتعمل ايه هنه؟
هو :- دا مكان بنحط فيه الجثث بتاعتنا
انا :- جثث ايه ؟
هو :- جثث ناس بنقتلها علشان ناكلها
انا :- وجاي تعمل ايه هنه ؟
هو :- جاي اخد دراع وامشي
سجلتله كل كلمه قالها بالتليفون
وخدت تليفونه وقلبت في الارقام ودورت علي اخر ارقام اتصل بيها
لقيت رقمين :
اختي ودي بقت عادي اكيد
بس اللي مش عادي اني لقيت رقم عبدالرحمن صاحبي
واللي اعرفه عن الظابط ده انه ميعرفش عبدالرحمن خالص
بس ازاي جاب رقمه
قلتله مين صاحب المكان ده؟ :- قلي انا واتنين تانيين
قلتله مين هما ؟
قلي بنت بس مش بترضي تقول اسمها وواحد تاني اسمه عبدالرحمن
قلي ممكن اسألك سؤال ؟
قلتله اسأل
قلي انت مين علشان صوتك مش غريب عليا ؟
فتحت النور من وراه ولفيت الكرسي علي وشي
وقلتله انا "محمود "
بصلي كأنه شاف عفريت وقلي انا مليش دعوه يا محمود هما اللي عملوا كل حاجه .... انا مليش دعوه والله
بكل برود بصيتله قلتله شششش مش عايز اسمع نفس... كلمه تانيه وهصفي دمك
رنيت علي اختي وقلتله يقولها تيجي علشان هو عامل سهره في المكان وهياكلوا جثث ويتصل ب عبدالرحمن برضو علشان نفس الحاجه
قعدت اتفرج واشوف الجثث اللي موجوده لقيت (مراتي ، فؤاد ، امي ، وابني ، وبنتي ، واخويا وناس تانيين كتيير في منهم اشبه عليه وفي منهم معرفهوش ولقيت سكاكين وسواطير وبوتاجاز وحلل والمكان كله دم والجثث متعلقه وريحه اصلا بشعه بس خلاص انا اتعودت بقت كل حاجه عادي
قعدت انا وهو فضل يتكلم اتخنقت منه حطيت علي بوئه بلاستر علشان يسكت وطول الوقت مش بيسندني غير الشاي
عدت ساعه والتانيه وانا قدام الشباك مستنيهم لما يجوا
شوفت من بعيد علي ضوء القمر اختي جايه
طفيت النور واستنيتها لما فتحت الباب واستخبيت وخبيت الظابط وهو مربوط دخلت وفتحت النور وقفتها بالمسدس صرخت بس رشيت في وشها البنج نامت
وربطبتها في كرسي هي كمان وحطيت علي بوئها وعنيها بلاستر واستنيت الاخير وهو صاحبي الاكتر من اخويا يجي
شوفت عربيته من بعيد
واستنيته لما دخل وبنفس الطريقه بنجته وربطته في الكرسي
وجبت كرسي وحطيتلهم من نفس العقار اللي شربت منه الظابط وبدأت مع اختي وسألتها
انا :- انتي ليه بتعملي كده ؟
هي :- علشان انا كده
انا :- ليه خليتيني اقتل امك واقتل ابني ها ؟
هي :- علشان احنا عايزين كده
انا :- مين اللي قتل بابا وعلي ؟
هي :- انا
انا :- ازاي ؟
هي :- عبدالرحمن عطاني سم صانعه بنفسه ومفعوله سريع في اربعين ثانيه بيكون الانسان ميت
سجلتلها برضو اللي قالته
وكلمت عبدالرحمن:
انا :- ليه عملت كده بعد ما وثقت فيك وحكيتلك كل حاجه ؟
هو :- علشان انا بكرهك
انا :- بتكرهني ليه وانا بعتبرك اكتر من اخويا ؟
هو :- علشان انت دايما احسن مني حتي في التعليم دخلت انت طب ودخلت انا علوم بس انا بقيت كيميائي كبير وبعلمي دمرت حياتك
قلتله طيب ازاي كنتوا بتوصلولي الرساله وانتوا مش موجودين
هو :- في الاول اختك اللي كانت بتشتغل
وكنت بديها عقار كانت بتبخهولك في الجو وانت نايم وكنت بتيجي جنبك كل كل بنقولها كنت لازم تنفذها زي انك تقتل امك وانك تشتري الجورنال كل يوم وزي انك تقرا الرساله كل يوم وفي يوم اتأخرنا ف خليناك نسيت تشتري الجورنال في الصبح واشتريته بالليل لما قولنالك ان اخوك ميت مش مخطوف
ولما عرفنا انك هتهرب قولنالك تكلم الظابط علشان يساعدك ويجيلك وانت مش عارف ان الظابط ده معانا وعرف مكانك وروحنالك هناك وكنا بنحطلك عقار في الشاي علشان تجمد قلبك لما روحت تقتل امك وابنك علشان قبلك ميضعفش
بصيت علي كباية الشاي اللي في ايدي وقلتله طيب كويس علشان اجمد قلبي اكتر شربت الشاي اللي معايا كله
وقال ان مراتي مكانتش بتخونني لا دا كلام قلتهولك انا بعد ما حقنتك بالعقار وخليتك تشك في مراتك علشان لما اقتلها الجريمه تلبسك انت
وفؤاد كان طالع مع مراتك علشان كانوا طالعين يركبوا زينه في البيت علشان عيد ميلادك اللي قرب اللي انا سبقتهم وجبتلك هديته المسدس اللي قتلت بيه امك
عنيا كانت قربت تطلع من الغيظ من الكلام اللي سمعته
ازاي دول يعملوا كده ؟
ازاي اقرب الناس ليا بيعملوا كده
شربت الشاي وقلبي تقل وبدأت انتقم
قلتله ايه العقار المضاد لعقار الصراحه اللي قلتلي عليه اللي مفروض انهم متبنجين بيه دلوقتي
قلي علي العقار حضرته وبنجتهم وفاقوا
قلتلهم زي ما خليتوني اقتل اهلي هقتلكوا بس قبل ما اقتلكوا لازم اعمل فيكوا زي ما عملتوا فيهم
جبت مقص وقصيت لسانهم وجبت حله وحطيتهم فيها وقصيت ودانهم وطلعت عنيهم وقطعت ايديهم ورجلهم بالساطور وهما بيصرخوا وبيتصفوا في دمهم ...قطعتهم زي ما شفت اختي بتقطع رجل مراتي وراس اخويا وسلقتهم وحطيت عليهم ملح وفلفل زيها بالظبط وبكل برود بدأت اكل واكلمهم وكأنهم قاعدين معايا زي ما كنا بنقعد قبل كده نهزر ونضحك
خلصت اكل وخدت شنطتي والحبال والتسجيل وطلعت علي القسم وكتبت ورقه فيها عنوان المكان اللي هما فيه وحطيت التسجيل والورقه في علبه وزينتها وبعتها للظابط اللي ماسك قضيتي
وكتبت في الورقه :-
"انا محمود عمري 40 سنه يوم عيد ميلادي انهارده من غير اهلي ولا صحابي
اتخدعت في اهلي وصحابي وحصل معايا حاجات محصلتش مع حد قبل كده
اتمني منك تقفل القضيه بتاعتي لاني خلاص مبقتش موجود اصلا ومتتعبش نفسك وتدور عليا لاني مش معاكوا في العالم بتاعكوا
انا في عالم تاني احسن من ده مفيهوش صحاب بيخدعوا بعض ولا اهل بيضحوا علي بعض
سلام يا باشا "
بعد ذلك
اصدر قرار بهدم المنزل الذي وجد فيه الجثث
وتم اغلاق القضيه لعدم وجود جاني
ولحد دلوقتي لم يتم العثور علي محمود وكأنه ليس موجودا معنا في عالمنا .