تعالو احكي ليييكم??😂??😂
ه وقاعده بايره في البيت وما اشتغلتا
واحده لامي وابوي يعني انا ليهم البت والولد😂😂😂😂
ابوي بيقول لي انت بتي و ولدي اي شي معاهم هظار ونسه وضحك يلا يوم بنتونس انا وابوي قال لي يابتي ماعارفه ليك ود حلال نعرسو ليك وتتخارجي 😂😂😂😂😂قلت ليهو يا ابوي السنقله جنتله والارتباط احباط قالي كفاكي جنتله وجربي الاحباط دا ياخ😉😂😂😂😂😂
امي سامعانا من المطبخ جات شايله الكمشه 😂😂😂قاعدين لي كدا وانا اخدم فيكم زي المكنه والملاح دا مابتمو 😂😂😂ياحجه استهدي بالله انا بتمو وطبعا علاقتي بالمطبخ صفر...يلا ابوي قال لي بساعدك ارح المطبخ مشينا انا وابوي بقينا نتلفت لقيناها بس محمره البصل اها ياحاج نسوي شنو😂😂😂حمر دنقر صنقر قال لي جيبي طماطم جبتها وقطعيها قطعتها كبي البصل معاها كبيتو كبي ملح ياخ المهم جطناها كداااا واديناها الخلاطه وتلاته قرون شطه وصلصه وتوم ياااخ بي جاي بي جاي بقت دمعه كيف ما تسألوني جبناها ختيناها للحجه اكلت لمن اتكيفت😉😂😂😂😂😂ابوووي والله احنا طباخين اي والله يابتي ما هينين نحنا كان قمنا ع الطباخه كعبييييين😂😂😂😂 والحجه الساعه القامت كدي وسوت الجبنه وختتا لينا ياخ حسينا بي عظمه عظمه عجيبه😂😂😂😂😂متكيفه مننا قلت ليكم 😂😂😂
العصر مشينا ناس خالتي نسلم عليهم يلا خالتي دي كدا لله ف الله عندها لي ريييييده خاااصه ومن دخلنا هاك ياسلام ويا احضان قعدنا و طبعا جابو مويه وسمعت الخلاطه بييييي اضاني دي لكن جابو لينا شاي🐸🐸 ماحنك اتجاوزناهم 😂✋
اها قامت خالتي قالت لامي ست ابوها جارتنا دي بتها اتخرجت امس وماباركت ليها ورح معاي نبارك ليها طبعا امي بتعرف جارات خالتي وبواصلوها وبتواصلهم اها مشو ولد خالتي صغير عمرو 3سنه بعد امو مرقت كفلت كرعينو زي البطه ويااا باب الشارع جاك زول وانا ماجبت خبر اها لمن انتبهتا عاد جريت جري الولد وينو 😨😨😨😨الليله وووووووب مرقت الشارع الساعه الاسمع ليك طاااااخ كتفي ضرب حاجه اتلفت كدا القا ليك زول شايل الشافع شلتو منو قال لي اهدي اهدي انا لقيتو واقف جمب الباب شلتو اشتريت ليو حلاوه وهسي جايبو ليك ولدك دا؟؟ قلت ليو تلد واقف ولدي كيف يعني انا انسه 🐸دا ولد خالتي وشكرا ليك ويلا فكفك من هنا🐸😨قال لي القصر ياحكمه يا فتنه وانتي قصرك دا طولت لسان بس وضحك الساعه الوجناتو عملن طق😍😍😍😍انا قربتا ابووول عدييييل كدا😂😂😂توووشك خشيت البيت بقيت ماسكه الشافع اجضدم فيو احييييي الشي دا شالك واكيد باسك والريحه اتلصقت في فنيله الشافع 😂😂😂😂😂😂الشافع بقا متنح فيني التقول فاهمني يقول البايره دي مالا😂😂😂😂😂 اها قاااااامو كدي ناس امي جو😂😂😂😂 وريتم الحصل امي اول سؤال سمح يابت؟- قلت ليها سماحه ساي هي قالت لي وبي منظرك دا ؟؟ قلت ليها مالك يا اوووومي قالت لي بري بري دايره ليك صنفره 😂😂😂
