لمن وصلت البيت لقيت ابوي بيسقي ف الشجر 💓💓سلمت عليهو قال لي اها جهزتي مع صحبتك ؟ قلت ليو كلووو ف السسليييم😊قال لي عقبال نجهز ليك🐸يا ابوووي متشغلا لي انا مشاعري بتتكرمش ياخ😭😭😭قال لي بلاي 😂طوالي خشيت جوه لامي سلمتا وقعدتا حبه كدا قمت اخدت حمام وجيت لقيتا عملت القراصه والملاح جاهز يلا ختينا الصينيه وبدينا ناكل يلا ابوي قال لي الملاح دا ناقص ليو شطه امي قالت ليو الشطه جيت لقيتا كملت يلا انة بدون ما اشعر وشغاله باكل قلت ليهم اي انا يومداك كبيتها كلها لي عمر ف الشاي😂😂😂😂😂الساعه الامي كوركت كيييييييف تكبي ليو الشطه قلت ليها معليش🐸ابوي اتففففقع بالضحك قال لي ليهو حق الولد يكب مويه ويشرب الجك كلو 😂😂😂😂😂اها خلصنا وظبطنا شاي بي مزاج
يلا لبست توبي وشلت جهاز الدلك ختيتو في الحوش وجبت كرسي وبنبر ومشيت لابو عمر سلمت عليهم و الشافع البطه من شافني جرا قال لي متقرصيني😂😂😂😂😂قلت ليو يلا زاتو ما جاياك ..مشيت لابو عمر سلمت عليهو وقلت ليو سايقاك البيت😇قال لي وانا جاهز سقتو وقعدتو تحت الشجره وجبت ممويه وناديت ابوي قعد جمبنا جريت البنبر قعدت فيهو وبديت بالجهاز ادلك رجلو قال لي ماحاسي بيها قلت ليهو الله كريييم بتتسهل😍😍😍😍
ودقيناها ونسه وضحك ومره يتزكر ايام كان بي صحتو ياخد ليهو سرحه كدا وببتسم
قال لابوي بتك دي سبب اني اقتنعتا للعلاج الطبيعي الله يديها علي قدر نيتها😍😍😍اميييييين يارب
قلت ليهو ياعمو انا ما حسيبك الا وانت واقف وبتمش 😊😊😊
ابتسم ابتسامه حته كدا وانو كأنو شايف انو ماحيقدر يمش مستسلم شديد😩😩😩😩
يتبع.....
