يلا العصر جهزتا شاي سااااده👌ولبست توب ربط وجريت كحل وطلعتا وعمر لابس جلابيه "علي الله" مشينا البحر قعدنا بمزاج يلا بقيت اتفلسف ليهو😂😂😂 ياعمر انا ما عاوزه علاقه وهميه زائفه زات تفاصيل مبهمه ورؤيه غير واضحه ☺انا عاوز اي شي يكون واضح قال لي مافهمت اتكلمي عربي🐸قلت ليو ما وقتك يلا احكي لي بالتفاصيل عنك عاوزه اعرف لييييه اخترتني وليه انا بالزات
قال لي طيب كبي الشاي كبيتو قام شال الكبايه وسرررررح مسااااافه قال لي انا لمن حبيتك ما عاينتا لاي شي بس شفت فيك مرتي وام اولادي واي شي قلت ليو استخرتا؟؟؟ قال لي انتي ما بستخيرو فيك انتي بختاروك وبيصلو ركعتين شكر وحمد لله لانك في حياتي نعمه من رب السماء انتي الزوووله الفرحه الفي حياتي انا اتعذبتا كتير والدنيا لطشتني ولطشت اهلي معاي انا معاك لقيت نفسي👌بلعتا ريقي وقلت ليو الله كلام حلو شديد 😍 قال لي انا قبل كدا كنت ف علاقه وحكا لي الحكاهو لي ابوه كلووووو ياخ لمن حسيت بيهو انو اتجاوز الموضوع انا نفسيآ ارتحتا شديد
قال لي اها وانتي قلت ليو انا شنو🐸قال لي ما حصل دخلتي في علاقه اخدت لي ضحككككه قلت ليو انا حبيت بس كان من طرف واحد وكنت يداااااب برلوووومه ف الجامعه وللمن لقيت انو سنيري وحبيبتو معاه نسيت الفهم وبقيت ما شايله الماده دي كتير بشوف اولاد حلوين بعلق وبنبرش وكلوووو لكن علاقه حب ما دخلتا فيها والله قال لي وانا قلت ليهو انت مالك😂قال لي ما بتعتبريها علاقه؟ قلت ليهو ياداب في اول سلم احنا 😉😉😉 شفتو اختكم شفته كيييف😂😂😂👋
اتونسنا قام قال لي تسكني مع اهلي ولا نأجر برانا
قلت ليهو شوف امي وابوي ديل ما بفارقم شبر واحسن لي اسكن مع اهلك عشان اكون قريبه لامي وابووي قال لي بس كدا؟ قلت ليهو امك بعتبرا امي وبختها فيييي عيووووني واصلا ابوك دا زوووولي يعني ما يحتاج اقول شي عنو .. قام شال نفس وختاهو حسيتو ارتااااااح
قال لي خلاص يومين تلاته ونجي لابوك رسمييي قلت ليهو خير
يتبع.....
