#قضية_عشق
للكاتبة ميار الشمري
الجزء 11
سلطانة،،،انفجرت مثل بركان نار صارلي صابرة 5 سنين على واحد مثل فارس حتى رجولة ماعندة حتى تالي يجي يطلكني حتى يزوج هاي الخرسة بنت الشوارع لا حسب ولا نسب
ظليت اصرخ واكسر بأغراض غرفتي وارجف بس دموعي متقبل تنزل
تمنيت تلزمها ايدي اقسم بالله احركها بمية نار بس حبست نفسها بنت الحرام بغرفتها ظليت افتر بالغرفة واطكطك بأصابيعي ومااعرف شنو اسوي ماعرفت شلون فتحت الكنتور ولبست عباتي والبوشية وطلعت من البيت اتصلت بقصي واجة اخذني من بيتنة وظل يفتر بية بالبساتين
قصي،،،شبيج سلطانة الله خبلج وتصرخين الا تجي
جان يمي فارس جان هسة اني مرمي للجلاب شصايرلج
سلطانة،،،،اضرب على رجلي طلكني الحقير طلكني الي مابي خير اااااااه ياحركة كلبي امدي احركهم حرك
قصي،،،،اهااا من هذا غير رائية وكال اسافر لعمان اخذ اهلي واجيب الحجية
سلطانة،،،كمت ابجي اي حتى يزوج بنت الشوارع هنادي
قصي،،،سلطانة انتي على شنو تبجين من عرفتج وعرفتيني انتي تكرهين فارس وجنتي متمنية تطلكين منة ودائما تحجيلي ودكولين مابي رجولة وماصار بينكم اي علاقة
لونسيتي دائما من تكونين بفراشي وبين احضاني شنو تحجين؟
سلطانة،،،كرهتة لان مابي رجولة حرمني ودمرني ووصلني للي اني بي
بس مو يطلكني حتى يزوج خادمة عدنا لمها من الشوارع
لزمت ايدة قصي انت اكثر انسان اثق بي اريد منك خدمة وروحي ترخصلك ذهبي وكلشي جوة ايدي من فلوس
قصي ،،،خدمتيش سلطانة ولو انتي كل افكارج مخبلة
سلطانة،،،اريد رجولة فارس او شرف هنادي وبس انت تكدر تحققلي هالشي
قصي ،،،وكفت السيارة لا انتي تخبلتي رسمي نزلي من السيارة
سلطانة،،،لزمت ايدة ورفعت البوشية من جهة قصي الله يخليك انت كلبك قوي ورجال من صدك ينشد الظهر بي والوحيد الي اكدر اعتمد او اثق بي
قصي،،،يولي هاي بيها كص ركاب اذا خلصت من فارس مااخلص من عشاير الدليم تريدين تجيبين اخرتي الله لايوفقج
سلطانة،،،هذا اخر كلام عندك يعني ماشي علي وعلى اعدائي اني بعد ميهمني شي وكمت اشتم بالموت واتمناه ومدأحصلة
راح احجي كلشي عن علاقتنا لفارس وكون طلقة جلب بروسنا اثنينة قصي فتحت الباب ودفرتها وشخطت بالسيارة واني اصرخ بنت الحرام ايدج ومتنطيج
سلطانة،،،نزلت ابجي وحسيت بحركة قلب جبيرة
وصلت البيت وصارت بوجهي ام غزوان دفرتها وصعدت لغرفتي لميت اغراضي وملابسي واني اتصل بقصي وميرد كمت ادزلة مسجات واتوسل بي يحرك قلب فارس مثل ماحركلي كلبي
قصي،،،، بيومها حسيت نفسي خايف ومرتبك كل ماتجي عيني بعين فارس
فارس،،،بأي ساعة نطلع ان شاء الله
قصي،،، ب3 الفجر منا الى ان تصلون حدود طريبيل طالع الصبح والحدود مفتوحة
فارس،،،اي ان شاء الله الله كريم ... ماوصيك بعد يخوي
قصي ،،،لتوصيني يا شيخ
فارس،،،ونعم سيف المجرب وطبطبت على كتفة يلا تصبح على خير
طبيت للبيت وكالعادة دتصب بالعشة ام غزوان
سألتها عن هنادي كالت بغرفتها ماطلعت ابد
رحت لغرفتي واتصلت بأهلي وحجيتلهم الي صار
امي ،،،لا يافارس مو هيج يمة تبقى سلطانة بنت عمك وحرمتك اخذ عليها حرمة بس لطلكها
فارس،،،يمة صار سنين تعرفون سالفتي مع سلطانة وظلمتوني بهل زيجة اني مو بس مااشتهيها مااحسها مرة واكرهة كره العمى
ام فارس،،،استهدي بالرحمن ونام يمة ساعتين 3 وراك طريق الله يحرسك وتوصلنة بالسلامة وعود نحجي بهل موضوع
فارس،،،ان شاء الله تصبحين على خير يمة
ظليت مدد والعب بالجهاز على بطني
هنادي،،،جنت خايفة بيومها ومجنت راح احس بالامان الا اذا طلعت سلطانة من البيت
بقيت انتظر فارس يجيني لغرفتي مااجى صعدت عليه بس من الخوف سرعت بسرعة حتى متشوفني سلطانة دخلت بلا ماادك الباب
فارس،،،فزيت وضحكت هلا بشمعتي
هنادي،،،قفلت الباب وكلبي يدك
فارس خايفة هدوء سلطانة مو طبيعي
فارس،،،ههههه جريتها من ايدها وكعدتها يمي يولوا هم رجعنا على المعثورة مااعرف ليش هالكد مخوفتج سلطانة
ترة سلطانة بس لسان مابأيدها شي
هنادي،،،ظليت اهز براسي بس مامقتنعة بكلامة
جانت جنطتة مفتوحة وكفت وهمست حبيبي وشيخي خلي احضرلك ملابسك
فارس،،،مددت خليت ايدي جوة راسي واباوعلها ترتب بملابسي صدقة لألله
هنادي ،،،انقهرت واني ارتب بملابسة وحاولت احبس دموعي عنة وجان يحاجيني وفجأة سكت تأملتة هو ونايم وبستة من جبينة ونزلت لغرفتي
سلطانة،،،بقيت الليل كلة على اتصال بقصي واتوسلة يدوس على شرف هاي بنت الشوارع
سلطانة،،،تكدر انت وملثم وجهك ماراح تعرفك بس ادوس على شرفها اريد اكسرها واكسر فارس واحرك كلوبهم واذا كدرت تصورها لتقصر
قصي ،،،تعبت من الحجي وياها وبعد مااردلها بالرغم كان المقابل مغري حيل حتى قطعة كاع بأسمها وعدتني تنقلها بأسمي من عدا الفلوس والذهب
بس جنت اخاف من فارس العب وياه خطر وهاي البنية ماخذة عقلة والبيت كلة حرس وغزوان وام غزوان موجودين
هنادي،،،،مااجاني نوم بيومها وبقيت ادكلب وب2 ونص نزل فارس علية والجنطة بأيد والجواز بأيد
فارس،،،توقعتج نمتي ياعمري
هنادي،،،نزل الجنطة وخلة الجواز على الميز وحضني دمعت عيني وكل ميبعد عني ارجع احضنة اكثر همست تروح وترجعلي بالسلامة
فارس،،،يولوا ليش هالدموع هاي ترة ابطل مااسافر وتبقى سلطانة بوجهنا دوم وضحكت
هنادي،،،ابتسمت ومسحلي دمعتي وكرصني من خدي
فارس،،بستها من راسها وهمست يلا حبي اروح وتصبحين على خير اقفلي الباب ونامي
هنادي،،،ان شاء الله ...الله وياك محفوظ بأيات الرحمن
طلع واخذ جنطتة وياه قفلت الباب وجنت حتى مكدر اطلع اودعة برة حتى مااشوف سلطانة وتصير مشكلة
سلطانة،،،طلعنا وركبت بلا ميباوع بوجهي فارس خليت نفسي ابجي الطريق كلة كلت بلكي يحن كلبة علية ويرجعلي
فارس،،،غمضت واتجيت حاولت انام وهنادي ماراحت من بالي
