ساحرة دخلت حياتنا ( قصه قصيره بالعاميه )

ساحره دخلت حياتنا

بتكلم عن شي صار بسبب غيره حريم وللحين أعاني منه بس قبل ما أبدى اتمنى من الكل يتحسب عليها حساب شديد واتمنى اقابلها عند ربي واخذ حقي منها
امي متزوجه من دكتور مشهور في المملكه ومن شهرته يعتبر دكتور خاص بالامراء في هذيك الفتره بعيدا عن ذكر اسماء هي ربه منزل عاديه وهو انسان مثقف حياته اغلبها عاشها برا للدراسه . تزوجو وهو مو طايقها ونتيجه الزواج كانت انا بعدها قالها بصريح العباره فرق المستوى بيني وبينك كبير ولولا اني انجبرت من اهلي ماخذيتك والحين معليش انا مابطلقك بس بتزوج عليك

بالوقت اللي اشوفه مناسب والقى البنت المناسبه امي حاولت بكل الطرق وراحت لاهلها بس بحكم الطلاق عيب وقتها رجعوها
" تكون جدار او أريكه بالبيت بس ما تتطلق"
استمرت حياته سفرات مؤتمرات ترفيه وانا وامي في بيت كبير مليان خدم بس بدون حياه . انا ما أنكر يعطيني كان يعطيني ويعطيها كل شي مادي نتمناه دخلني احسن مدرسه لبسني احسن لَبْس بس  تخيلو اني ماعرفت حنانه ولا مره في طفولتي ضمني ! . من شده القهر في قلب امي صارت عندها حاله نفسيه واكتئاب حاد من حبوب لحبوب من دكتور لدكتور وماتحسنت لحد ماصارت

حابسه نفسها في غرفتها وماصرت اشوفها
انحرمت من الام ومن الاب وانا عمري ٧ سنوات كنت عايشه مع الخدم او عند جدتي اللي اساسا مو متذكره انا مين ! ياخلق كنت احس البيت بيت اشباح قرايب محد يبي امي بعد كئابتها . اَهلها تركوها ومحد كان يزورها الا ابوها وامها ويدقون الباب ماتفتح الين يأسو وقلو الخلق ماصار يجينا احد . في يوم وانا احل واجباتي لحالي القاه داخل البيت ويغني وسعيد ويضمني ويقول وين امك وراح لها كنت متوقعه وَذَا اللي قالته لي الخدامه انهم راح يتصالحون بس صار العكس صوت صريخ وتهديد من امي انها تقتل نفسها وهوا يلعن