قبل ٧ سنوات بالضبط كنت بنت مراهقه في بدايه ال ١٤ سنه وقتها كنت بالمتوسط . أيام المتوسط كانت الفتره بين البلوغ والطفوله كنّا نبي نكون الاجمل وكل شي غريب نسويه حتى لو كان شين بس عشان ينقال اننا سوينا كذا وكذا.
انا كثير اسمع قصص عن الجن وكنت مهووسه فيها بشكل غريب قبل ذَا الشي كنت مهتمه بالملابس والفساتين والجزم بس بعد ما انغمست بالقصص صرت غير ، تفكيري غير كل بعد فتره اجمع من مصروفي وأشتري لي كتاب او اشتري لي فلم او اي شي له علاقه بهم وغرفتي تحولت
من غرفه بنت في مرحله المراهقه بألوان زاهيه لغرفه كلها كئابه وألوان كئيبه سوداويه الجدران كلها رسومات لكائنات بعين وحده وبعضها فيها حروف داخلها اشكال جماجم كنت بكل بساطه مجنونه . هذي اقل كلمه تنقال عني . كبرت وحب ذَا الشي في قلبي يكبر انا ماانكر كنت اخاف بس بنفس الوقت الفضول ذابحني بشكل . مرت الايام وصار عندي لابتوب وجوال وانترنت وصرت ادخل كثير لمنتديات الأعضاء واقرا قصص وكنت اتضايق لما اكتشف ان كل القصص قريتها !. بعد فتره عرفت من شخص في منتدى معين ان فيه مكان في مدينتنا يبيع كتب.
كان في البلد القديم اذا احد راح هناك بيلاحظ ان الكتب بكثره على بسطات تنباع اول مارحت هناك عيوني لمعت كتب كتب كتب انا ماكان يهمني اي شي فيهم كل اللي كنت ابيه قصص أساطير اشياء قديمه خاصه لما شفت اغلب الكتب عباره عن اوراق مخيوطه في بعض بحبل قديم ولونهم مايل للاصفر مع مرور الوقت رحت من محل لمحل اسأل عن كتب لقصص وأساطير عالم الجن او على الاقل قصص مخيفه وكانو يستغربون طفله وجايه هنا عشان الشغلات ذي! مليت من المشي وانا ادور على غايتي كنت القى بصراحه كتب جميله بس لا مو نفس الشي اللي كنت متوقعته
ابي شي غريب . جلست على زاويه وانا اتصل على السواق تعال بسرعه وقتها قاطعني شخص جاي من محل صغير وهوا يأشرلي بيده استغربت ورفضت اروح الين جا بنفسه وهوا يقول بأبتسامه تبين كتب عن الجن ؟ محلي مليان من ذي الاشياء قلتله ايه ابي ورحت وراه وانا كلي فرح ، فعلا لقيت كتب كثير طلعها من جدار داخلي قريب من المخزن وانا اسأله بحسن نيه ليش ماتعرض الكتب برا قدام الكل قال بعضها ممنوع بيعه لانهم قديمين هوا يتكلم كذا وانا مبسوطه
مبسوووطه بشكل فضيع خاصه لما لمحت كتاب الكل كان يحذر منه اسمه "***" قلتله هذا صدق يعني الاصلي قال ايه قلتله ممنوع هنا كيف جبته قال بابتسامه انا مجرد بائع احيانا اشتري الكتب من المارين وأحيان القاها عند باب محلي وهذا الكتاب كان مربوط مع كتاب ثاني وراح اعطيك الاثنين بمبلغ ١٥٠٠ ريال قلتله انت من جدك قال ايه وتراه اغلى بس لانك صغيره رخصته لك الادمي ذَا كان بشكل او بأخر يدري ان كل اللي في محفظتي ١٥٠٠ ريال قال المبلغ الموجود في المحفظه بالضبط وَذَا الشي خلاني اطالع فيه لمده كنت اطالع في عيونه
وهوا ابد مارمش كنت اشوف عيونه فيها كلام احس ان وراه شي بس وقتها استسلمت وعطيته اللي في محفطتي كله واخذت الكتابين ورجعت البيت . بقولكم شي وصدقوني كان وقتها مخيف اول مادخلت بيتي وفتحت الباب حسّيت ان شخص ورايا دخل كيف ! ما اعرف انا حسّيت احساس داخلي اني فتحت الباب وشخص ورايا دخل البيت وان البيت للحظه صار كأنه جهنم وبعدها رجع الشعور والبروده الطبيعيه بس الى الآن احس احد معاي وكأنه يدور عن غرفتي ! كنت على وشك افتح غرفتي بس فجأه وقفت فجأه عقلي بدا يشتغل للحظه حسّيت بالخوووووف لو اقولك
