هلاو ورجعتلكم بقصة جديدة من كتاباتي اتمنى تعجبكم ....
مرحبا اعرفكم عن نفسي اني اسمي قمر من مواليد 1998 عيوني سود وشعري اسود بسواد الليل وبيضة كلش وجسمي مربرب يعني لا سمينة ولا ضعيفة تاركة الدراسة لأن ما الي واهسها عكس اختي
عائلتي متكونة من ماما نرجس وبابا احمد واختي الاكبر مني بسنة مروة احنا عائلة غنية تقريبا لان ماما موظفة بدائرة وبابا تاجر مواد غذائية والحمدلله امورنا ماشية زين
وهنا راح تبدي قصتي
قمر: ماما ماما خابري خالو خل يجيب سما والله ضايجة بوحدي
نرجس: مو اختج موجودة روحي كعدي وياها سولفوا صيروا صديقات شبيكم يحظي عبالك مخلفة ضراير اني
قمر: يمة مشايفتها شلون متكبرة وتتفلسف براسي عبالك بس هي الداخلة كليه بالوطن العربي عابتلها ميعجبني اكعد وياها
نرجس: ديلا يلا لتبجين بوجهي من الصباحيات هسة اخابر خالج يجيبها
قمر: اموووواح فدوة اروحلج يا احلى ام
نرجس: اشتغلت لواكة البنات ههههه
كمت اني وعزلت الغرفة مالتي ونظفت البيت عاونت ماما بالغدة لان اليوم جمعة ماعدها دوام هي تطبخلنا وطبيت سبحت وشسورت شعري وكعدت صار العصر اندكت الباب ....
قمر: هلاو خالو حبيبي شلونك مشتاقتلك
عمر(خال قمر): ادري مو علمودي بس مصلحة موو
قمر: هههههه لا خالو صدك مشتاقتلك لعد وين سما
عمر: هسة تجي دتنزل هدومها من السيارة
رحت اني وطلعت لكيتها جايبة وياها هدومها كلها ومدنجة مشافتني كمزت علها وفززتها
قمر: هييلااااووو
سما: خرب يومج قمر فززتيني شلونج حياتي
قمر: زينة الحمدلله يلا امشي خل نطب راح نبقة منا لباجر شلونج وزينة
سما: ههههه عابتلج مو مال احترام والله
طبينا للبيت وباجر راح يكون اول يوم بشهر رمضان المبارك
وسما راح تبقة شهر كامل يمنة لان هي الوحيدة عند خالو ماعدها اخت بس اخ واحد ودائما تجي يمنة تضوج بوحدها بالبيت وان عدي اخت يحظي هي والماكو سوة
المهم طبينا وكعدنا شوية وية خالو وسولفنا ورة مراح صعدنا وصعدنة الهدوم ويانة وكعدنا وحدة تدغدغ بالثانية ونتمضحك لحد مترزلنا من نبع الحنان هههه
نرجس: صوووتكم وين كاعدييين بالشااارع
قمر: يمة نعيط بالبيت تكولون وين كاعدين بالشارع نعيط بالشارع تكولون وين كاعدين بالبيت مفتهمنة وين نعيط هسة
نرجس: باع باع ام السان شون تجاوب اجيتج ولج
قمر: لككك اركض خووية عامر اركض طفري سما اجت امي وسلاحها الخارق الجفجير مال تمن
سما: خرررب هههههههه
نرجس: ها ولجن وينكم اله اصمطكم اليوم
سما: هاي شنو عمة هم بيج حيل تركضين وتكمزين هههههه
نرجس: ها ولج طلع لسانج شنو قابل اني عجوزة
سما: لا عمة فدوة اروحلج ماكواحلى منج حياتي اموووواح
قمر: هاي شكو شو كلة بوس وحضن ترى اني اغار
نرجس وسما : تعاي تعاي حضنة جماعية يلا
قمر: فدوة اروحلج يا يمة يا شمعه البيت اموت عليج امواح
نرجس: ديلا راويني همتج وتعاي سوي العشة
قمر: هسة راح نجي اني وسما منتأخر
نرجس: ماشي يلا بسرعه راح يرجع ابوج جوعان ترى
قمر: لعد وين مروة خانم متكوم تتحرك شوية
نرجس: عدها قراية هسة ...يلا كومي وبلا لغوة
قمر: اوف يلا يلا كمنة
رحنا اني وسما ع المطبخ وبدينا بتحضير العشة لان اليوم اخر يوم نتعشة باجر راح نفطر من وكت هييييي واخلص من الغدة ومواعينة .... بدينا بتحضير العشة واني واكفة اكطع البتيتة جان سما تصيحني وبيدها التلفون
سما: قمر قمر قمر تعاي تعاي
قمر: هااا مو دتشوفيني اشتغل بت الاوادم راح يرجع بابا
سما: ولج بسسسس دتعاااي بااعي
قمر: اجيت مديت راسي ع التلفون وجان اشوووف....
تن تن تن وخلص البارت الاول شاركوني بتوقعاتكم .....
ومو تنسون تقرون روايتي ( حياتي معاناتي )
أنت تقرأ
حكاية قمر
Romanceفتاة تركض نحو مشاعرها ولا تعلم ما يخبأه لها القدر.... تابعوا وياية حكاية قمر وراح تعرفون قصتها
