حكاية قمر

البارت 2

#الكاتبة_عسل

سما : قمر قمر قمر تعاي تعاي

قمر : هاا مو دتشوفيني اشتغل بت الاوادم راح يجي بابا

سما : ولج بسسسس تعااي شوفي

قمر : جيت مديت راسي ع التلفون وچان اشووووف ... شوون شاب فدوة لربه الي خلقه
شون جسم وطول وشعر ههههه

سما : هااا وين صفنتتي اكلتي للولد 😂

قمر : منو هذا ولج منين تعرفي

سما : شبيج بعد تعاي هفيني براشدي 👋🏻

قمر : 😂😂هههههه لج لا مو هيج بس انصدمت لتگوليلي حبيبج ،،، شون هيج يباوع لشكولات زفره هههههه

سما : هااا صارت اني شكولاتي زفرة انننن

قمر : لا حبيبي اشاقه وياج بس منو هذا ؟؟؟

سما : هذا صديق اخوية من همة جهال ولحد هسة

قمر : يا شو اني مادري ابن خالي عنده هيج صديق طاك صاك 😂

سما : ههههه انجبي لج اصلاً اخويه احلى 😉

قمر : يابه دطيري انتي واخوج الاچلح الاملح باعي الجمال هنا ءاخ الله ربي مسوي بمسطرة وقلم

سما : لك لك لك هاااي منوو ديحجي يلا عيني ان الحب 😂

نرجس : ها كملتوا العشةة بنااات

قمر : عززززةة اجتي ماما كومي كومي عاونيني اخذته السوالف من الله ياخذج

سما : ديلا مبقه شي ونكمل راح يجي ابوج هسة مو

قمر : اي اي هسة على جية

سما : يلا اليوم اخير يوم باچر رمضاااان ونخلص من الريوك والغده والعشة

قمر: ولج لتخبصيني هو لو اي لو لا شمدرينا غير يشوفون الهلال يلا نتأكد

سما : اي ميخالف اذا باچر لو عكبه هو جاي جاي قابل مهزوم

قمر : شكد حجيتي يا سما بس شوفي اشتغلتي بگد ما حجيتي خررب راح اهفج بالچطل

طنننن طننن (الجرس مال بيت)

نرجس : الكوة عيني الگوة قمرررر قمررر

قمر : نعم ماماا

نرجس : اجة أبوج يلا فضيها شدتسوون قوزي

سما : كملنا عمة كملنا مبقه شي هااا اهاا وهاي طفيت الطاوة

كعدنا تعشينا وسولفنا وضحكنا وتونسنا وصار الليل

سما : لج قمر هاي بس انتو هلگد تتعشون باعي بطني راح تنفجر من الاكل

قمر : هههه شكد مگديه قابل شماكلين احنه استغفرالله 😂😂

مروة : باااابا مامااا قمرر سمااا

سما : يمةةة اسم الله شبيها مروه دتعيط

قمر : كومي كومي ركضي خل نشوف شكو

رحنا كلنا نركض ع الصالةة ،،، چان نشوف مروة مطلعه الشرقيه واعلنوا باجر اول ايام شهر رمضان المبارك

سما : هيييي وفرحنا واليحبنا يفرح ويانه

قمر : هههه شبيج سما شنو زفوج واني مادري

سما : صار الليل وكمنا سوينه سحوووررر واكلنا كلنا وگمنه صلينا وناموا اهل قمر وبقت بس قمر ويايه

قمر : الصفنه مو الج لابو اذانات وين بالج وهفيتها بالمخده على وججها

سما : عمة شبيج طيرتي خشمي متخلين واحد يعيش اللحظه شويه

قمر : يا لحظه هااا ها ها دتحبين من ورايه 😉

سما : ههههه دنجبي لج بالي يم هذا الحات

قمر : متعرفين اسمه او فيسه او الانستا او التليكرام

سما : بلي اسمه احمد صديق اخويه ويجي ياكل ويبات يمنة

قمر : هاااا امورج عدلة الظاهر 😉😉

سما : هههه ولج يا عدله واني شگدر اسوي وهو صديق اخويه

قمر : اي والله هم صدگ يلا يلا نامي ورانه صيام باجر

* نمنا وكعدنا ثاني يوم لگيت امي بالمطبخ دتسوي شوربه عدس وبرياني وابويه جايب كباب شوي

نرجس : صح النوم حياتاتي تعالوا عاونوني صارت بالسته

قمر : گولي يمن شتحتاجين

نرجس : سوي سلطة مال كولسلو وسلطة جاجيك

قمر : حاضر لعد سما شتسوي

سما : اي عمة شسوي اني

نرجس : تعاي نظفي البصل والطماطة الشوي مال كباب

سما : اوك عمة

*كملنا الشغل وصار الفطور واكلنا الحمدلله اليوم اول يوم وماكو اي اثار جانبيه مال صيام هههه جانت كل مره يصير عندي صداع هالمره ماكو شي همزين خلص هذا اليوم ومابي اي احداث رجعنا بليل تسحرنا ونمنا حسينا ثاني يوم اني دتگعدنا

نرجس : يا بنات گومن وياية حبابات يلا همتچن

قمر : ماما مو بعد وكت والله اذا اكوم هسة تلحگ حتى معدتي تنخرط من الجوع

نرجس : كومي وبلا حجي زايد يلا ساعه ٣

سما : الله يخليج عمه والله بعد وكت بس نص ساعه ونگوم

نرجس : مو راح يجون بيت عمتج يا قمر دگوميي نضفي حتى نلحك نسوي فطور

قمر : رفعت راسي الضحكة تارسه وجهي ،، شنوو راح يجون بيت عمه 😃

نرجس : اي على فطور

قمر : ونور راح تجي وياهم 😍

نرجس : اي يا يمة اي قابل يعوفوها بوحدها 😑

سما وقمر : هييييي وكاموا يكمزون ع الفراشات

نرجس : هاي صايمات ومنعسات ومابيچن حيل وهيج تگمزن لعد لو بيچن حيل شتسون

* كمنا نضحك كلنا على سوالف امي وخبالاتنا

ولهنا ينتهي البااا ت الثاني واسفه ع التأخير بس صارت عندي ضروف والنت چان مگطوع