حكاية قمر

البارت 7

الكاتبة_عسل

احمد : اجة دوري اعرفكم عن نفسي اني احمد مواليد ٩٥ ابوية ميت واني وامي عايشين بيت وحدنة هي عدها صالون واني عندي قاعة حديد لذلك دائماً معتني بجسمي وبأكلي ياهو الي تشوفني تنعجب بية يعني ( صاك ) 😌😌 الحقيقة اني هم اموت ع البنات بس اريد اخذ نصيبي منها واعوفها بيوم من الايام طلعنة اني وصاحبي دنتمشى جان بنات ثنين يصيحولة وحدة اختة اعرفها والثانية اويلي يابة آية من الجمال عبالك گمر ١٤ والشعر اسود طويل يمة اموت ع الشعر بس انصدمت صدمة عمري هاي البنية الي دا اتمناها نفسها الي حجيتلي عليها نور وهي هم تحبني يمة اروح فدوة لرويحتي 🤤🤤

قمر : خلص العيد وعادي نفس كل سنة كلمن حاير بروحة لا طلعة لا طبة فخابرت على نور حتى تجي يمي لان صارلها شهر مجاية

الو هلو نور
هلا قموورر شونج
الحمدلله تمام وانتي شونج حتكليلي زينة شخبارج راح اكول ماعندي اخبار جديدة شكو ماكو راح اكول ماكو شي وانتي هم حتكولين ماكو شي وشكراً ملينة من هالاسطوانة خل انطيج الزبدة تجين يمي اليوم ؟؟؟
يمة بسم الله شبيج شاربة شي ماكلة شي بالعة شي حلمانة بية اكلتيني وشربتيني من الصبح مشتاقتلي لو خاااااف ع المصلحة 😉😉😉
لج لا والله مشتاقتلج وتعرفين هالعيد گضينا بالبيت لاطلعة ولا طبة صديقاتي افتروا الوطن العربي واني كاعدة وهم ع المصلحة لعد شلون 😁😁
اي ادري بيج مو خالية يلا حضري روحج اليوم اجي وعندي الج مفاجأة
عاااا مفاجأة صار شكد محد مفاجأني 😃😃😃
ديلا يلا باي انتضرج
اوكي باي هلو حبي هلو
اي هلو هلو مو 😻😂
لج دولي تدعبلي يلا هههه
باي
باي

نرجس : طبعاً قمر هاي الايام ابد مجاي ارتاحلها صح هي بتي وصغيرة وادري بيها ماعدها شي بس شو تصرفاتها غريبة صايرة تتصفن هواية ع غفلة تضحك ع غفلة تبجي خاف تخبلت البنية يربي شلون لازم احجي وياها

دق دق دق ( دكت الباب )

تفضل
نرجس : حبيبتي ماماتي اريد احجي وياج
قمر : كولي يوم
نرجس : يمة شبيج هالايام هاي مو على بعضج شصاير وياج
قمر : ليش شبية لا لا مصاير شي
نرجس : سمعي ماما تدرين بية شگد احبج اني وابوج وصح اكثر الاوقات مشغولين عنكم بس صدگي هذا الشي مراح يقلل من حبنة الكم انتي ومروة اختج
قمر : ادري ماما بس الاهمال صاير بشكل ومروة عبالك عدوتي مو اختي ماعرف ليش هيج تعاملني دائماً وتكرهني
نرجس : بنتي ليش اني مقصرة بحقج شو الاكل اني اجهزة والبيت مداخليج تنطفين كلة على مروة وابوج بالاسواق قابل شيسويلج يعني
قمر : هاهية ماما هاهية مرايدة منة يسويلي شي المهم هو موجود فوك راسنة الله يخلي النة
نرجس : فديت بنتي ام عقل الچبير
قمر : بس اكلج ماما
نرجس: كولي بنيتي
قمر : ليش بس انتي تحبيني بهذا البيت
نرجس : ش ش شون ي يعني بنتي
قمر : يعني بابا ما يديرلي بال واذا اغلط غلطة صغيرة يظل يرزل بية
ومروة هم نفس الحالة تكرهني وميعجبها تباوع بوجهي ماما كليلي مسويتلكم شي اني هااا مرات حتى احس روحي اني مو بتكم
نرجس : ك كولي يا الله ماما شنو هالحچي هذا عيوني انتي بتنة وعزيزتنة شعندي غيركم اني هو بس انتي ومروة
قمر : اوك ماما

** ممرتاحة لأمي من حجيت وياها شو كامت تمتمت و وجها كام ينطي الوان هيج اني اخرع مثلاً 😂😂😂