💞غرور كسره العشق 💞 (بالهجة دزيرية)

😍end😍

السلام عليكم
واخيرا كملت كتبتها علبالي بلي طولت بصح انا ما كنتش حابة نكور و نعطي لعور اي نهردها على بيها طولت وزيد ماشي بغرضي قرايتي و لمشاكل على راسهم علابيها هادي اخر مرة مانكونش كاتبة حكاية و npublıyıha  سمحولي الله يفرقنا بلا دنوب يا من عاش ان شاء الله "

5دقائق تقلع طائرة يرجى ربط الأحزمة
سرين: اخيرا راح نولولبلاد ... امممم اياد
انا: واش
هي:زعمة سحر تكون عاودت حياتها يعني بلاك حب.......
انا: (بل عياط حتى كامل دارو غزرو فيا) ديري سانتور  و بلعي ما بقاش و تقلع طيارة و ماتزيديش تسقسي عليها
عند سحر :
"اشتاق الى راسك على ذراعي اشتاق الي رائحتك في فراشي يدي تشتاق الى يدك، العيش بدونك مستحيل غيابك لا يوصف، عيوني دائما ممتلئة بدموع "
😭😭😭😭😭😭😭😭😭😭😭😭😭😭😭😭
سحر ما لازمش تبكي هو لي راح و خلاك ...... هاد لكلمات نكررهم من نهار لي راح  6 سنين و انا نبين بلي راني مليحة و انا نار من داخل تاكل فيا... بصح مع لوقت والفت بلا بيه عمرت وقتي حبست قرايتي كامل و وليت نخدم مسؤلة على تسويق فشريكة صغيرة  فهاد لعوام تبدلو بزاف عفاسي ماوليتش سحر لي كامل يعرفوها ماولبتش نضحك دايمن مهمومة ...لدرجة توحشت لروحي لقديمة ....مالية كرهو اياد لدرجة انه كان نطلق منو يديرو عرس... ايه ما قدرتش نطلق  وين نروح يرفضو لقضية حتى وسيم ما قدر يدير والو  ايناس و مراد زاد عندهم ولد حلو  سماوه عليه كل ما ننطق اسمو نتفكرو ًاياد"وسيم خطب وعن قريب راح يتزوج اوسامة مزالو باير و ياسر ولا اب لطفل وطفلة لينا و انس
رحت للبيرو معلم على خاطش عيطلي
انا: فؤاد كاش ما سحقيت
هو: صباح لخير باطل علبالك
انا حشمت لهدرة فتلتلي
انا: صباح لخير 😳
هو: علبالك سكريتار ما احش جي راحت تزيد وعلبالك بلي غير نتي لي نقدر نتكل عليك كاين خدمة خلاتها تعيشي دريها
انا: داكوغ
هو: ايه و راه جاي صحبي من يمات لعسكر الاجتماعات و لمواعيد لي عندي غير الغيهم... نتكل عليك
انا: كونك مهني
هو: سحر
انا: انعم
هو: كان يولي راجلك ويجي يوقف قدامك واش ديري ?
ندربو نخبطو  ندڨدڨو نشرب من دمو نعيط عليه ونقولو علاش خليتني بهاد طريقة علاش ما ديتنيش معاك علاش ما خليتنيش نوقف معاك  و موراها نعنقو وندفن راسي فحضنو لي توحشتو 😥💓
هو: ايوووو سحر من الارض الى سحر جاوب
انا: هممم
هو: راني نسنى جاوبي
انا:  6 سنين و انا مربوطة  و مزلني نمشي ب اسمو لي كرهاتو يمال اول حاجة لي لازم تصرا هي طلاق
هو: امممم نشوفو..و  ماتنسايش جيبيلي لورق نسينيهم
عند اياد:
سرين: ماكنتش نتصور يجي نهار وين نمشي على رجلية ديك نعمة
هو: وانا ما كنتش نتصور يجي نهار وين تولي تهدري بزاف حتى يتحرڨ راسي ديك نقمة
هي: وين نروحو دوركا
انا: نوصلك و انا نروح نفري شغالي
هي: اوف خدمة خدمة خدمة ريح شوية راك بنادم  ماشي روبو صح شريكاتك كبرو ولاو عندك فروع فكل جيه بصح ريح شوية والله ما مليح ليك... لتما سرين شدتني من يدي و حبستني
انا:(بلعياط) ياك راني نسمع علاه  تحبسي فيا
هي: وقتاش تروح تشوفها
انا: مانروحش
وكملت طريقي
كي نتلقاها واش نقولها هربت بلا ما نودعها ما عطيتهاش ممبا حريتها خليتها مربوطة بيا....باش ماتقدرش تكمل حياتها
هي: يمال انا نروح ليها
انا: واش معنتها لهدرة ديالك
هي: اياد 6 سنين و نتوما بعاد على بعضاكم ودرت لمستحيل ديالك باش ما تتطلقوش نتا و سحر و جي دوركا تقولي ما نروحش ادا ماشي راك رايح ليها و ديجا واش عمباتلك كنت راقدة على ودنيا شحال من خطرة نسمع هدرتك مع وسيم  شحال تحبها و نهار لي قالك وسيم راهي حابة طلق شريت كامل دنيا باش يرفضو لقضية ديالها
انا:  خلاص خلاص صار ودنيك كانو دايمن يكاپتيو
هي : باينة 😏
انا: اركبي اركبي مانيش نتخايل كان تتلقاو نتي وسحر كيفاه راح نولي شكارة هدرة مع قفة حس
هي: صحة قولي كان تتلقاو واش دير
انا: نركع على رجليا و نجبدلها خاتم و نطلب سماح
هي؛ :صح😍
انا: هه بلا جدها ترجع حبت و لا كرهت ماكانش لي يقولي لالا
هي: اووووووف  مسموم
عند سحر:
كنت قاعدة غارفة فل ورق لي قدامي حتى يصوني تليفون لبيرو
انا: وي فؤاد
هو:  جيبينا 2 قهاوي
انا: اوكي
رحت للماشينة جبت لقهوة و رحت
انا غير حليت لباب يقابلني صاحبو بظهرو و هاد لهيئة جاتني مألوفة 😠😠😠😠
عند اياد:
انا: كاين خبز يابس
فؤاد : وليت تربي لحمير
انا: ايه علبيها جيت نشريك
فؤاد : فن صرف يا حبيبي
تعانقنا وقاعدين نخبطو في ظهر بعضانة 
هو: صافي بليزير كي وقفت على رجليك
انا: بعد معناة الحمد لله
هو: تشرب قهوة
انا: دير فيا مزية راسي راح يطرطق بسلامتها سرين ولات ماتسكنش من لهدرة
هو: ههههههههههه ماتخممش عندي دواك 😎😎😎
انا: دوايا راهو في بلاصة وحدوخرا
هو: ماتعرف قادر يكون غير هنا يدور
انا: جيبلي قهوتي وبركا ما تشعر عليا
عيطلها لسوكريتار ديالو و كملنا لهدرة
هو: ايه كيفاش
انا: مانطولش عليك  و ندخل معاك فل مفيد
هو: ايه راني نسمع فيك
انا: علبالك نتا صحبي ولقيتك في وقت لي مكان عندي حتى واحد
هو: واش بديت توليلي كي نسا بركانا من تقدام وزرع واش عندك
انا: علبالي بلي......
حتى نسمع طبطيب وهداك صوت لي شحال من سنة و انا نستنى نسمعو 😍😍😍😍😍😍😍😍😍😍😍
عند سحر :
انا: سمحولي طولت علي....  حتى جات عيني ف عينو متقابلين انا وياه عينيه لكحولة لي توحشتهم  لحيتو كبرت و فيها شعرات تاع شيب باين عندو شحال مانقصلهاش كبر وزيان.... فطنت من شرود ديالي كي طاحت من يدي سنيوة تاع لقهوة
اياد: اسطار
طابست رفدت لكيسان و رحت نجري وين كاين كوزينة مانيش مأمنة بلي شفتو ياك هو مانيش نتخايل
انا: ماشي هو... يشبهلو... اياد راح مايزيدش يولي
كنت فحالة هسترية واش سوفريت نهارات لولين كي راح كامل ولاولي كنت نحاول نرجع  انفاسي حتى نسمع صوتو
هو: سحر
انا:.........
هو: كيفاه حتى وصلتي هنا
معلباليش كيفاش ستجمعت روحي وكامل لقوة لي عندي و درت ليه و قلتلو
انا: ما عندك ما دخلك ( بتزيار على كل حرف) 
وجيت رايحة زعمة مشنفة ڨاع و كل شي بصح مع من راني نلعب..... شدني من يدي وزير عليا
انا: اطلقني خليني نروح
هو: علاه حبستي قرايتك
انا: اياد اطلقني
هو: ماشي هادي هي لاجابة لي راني نحوس عليها
زاد زير عليا لدرجة ما قدرتش نوقف
انا: ماعندك ما دخلاااااااك اطلقنيييي يدي هو لتما شدني و بدا يكركر فيا قدام كامل لخدامين  حتى وصلنا لمور لبنايان وين ما كاين حتى واحد
هو غير طلقني جيت رايحة مولية حتى يعاود يحكمني من يدي
هو: سحر (بحنية)
لتما انا وليت نسوطي وحدي رميتلو يدو و نضت نعيط
انا: (بل عياط)  مات زيدتش تقولي اسمي مكاش سحر خلاص سحر... يا نتا رحت اياد نتا رحت بلا ما تقول نتا لي خليتني خلاص انا وياك ما بقاش اياد و سحر  انا خلاص
هو: (بل عياط)  حتى انا ماخليتكش بلا سبة  كنت قادر ما نمشيش طول حياتي كنت قادر طول حياتي نقعد معوق و نقعد فكرسي متحرك ماكنتش قادر  نشوفك دايمن تسوفري معايا .......(صوتو كان يرعش)  ماكنتش قادر نشوفك تذبالي قدامي
هو: سحر......  وبدا يقرب مني  حتى بقا 1 ملم بيناتنا كي جا راح يمس وجهي
انا: ما تمسنيش علاخطش خلاص كلش كان بيناتنا
و رحت نجري.. كنت كي لمهبولة نجري و نبكي  حتى وصلت للبيرو...  غلقت لباب باش واحد ما يقلقني وف
قعدت مع روحي  نخمم  اه يا ربي دورك واش ندير ما لازمش نخلي قلبي يتحكم فيا  لازم نوريلو بلي انا قوية حتى يصوني تليفون
فؤاد : سحر ارواحي لازم نهدر معاك
انا: راهو لتما
هو: لالا راح
رحت ليه قعدت فل كرسي
هو: راكي مليحة
انا: كان علبالك بلي هو
فؤاد: هو ايه و يكون في علمك لي وصاني عليك باش تدخلي عندي هو وسيم وحكالي كامل لحكاية  بلا ما اياد يعرف يعني اياد كي جا هنا ماكانش علبالو بلي راكي تخدمي عندي
انا: 5 سنين و نتا علبالك بكلشي
هو: ايه.... شوفي سحر ما يحقليش ندخل بصح علبالك بلي اياد ما راحش و خلاك بلا سبة علبالك بلي كان احتمال ضئيل باش يمشي  و يولي كيما كان
انا: كي كان احتمال ضئيل و راح وخلاني 6 سنين علاش ما طلقنيش ياك ماشي سور يولي علاش ما عطانيش حريتي
فؤاد : لي يقدر يجاوبك هو وحدو اياد .....وسحر ما تظلميش روحك بل قرار لي راح تاخديه
انا: ان شاء الله.. اسمحلي نروح
هو: معليش مي غدوة ارواحي بكري كاين اجتماع
انا: ok
رحت ديت ساكي و خرجت.... شحال ماجازش عليا نهار هكدا..... كنت نمشي و نخمم برجعت اياد و واش راح ندير حتى نتفكر هدرتو ليومة يعني مزالو يحبني مجرد فكرة انه يحبني خلاتني نضحك وحدي فطريق ....حتى نسمع
...: مزالك كي لمهبولة ماكبرتيش
كيما عرفتو باينة اياد... زعمة مادرتش كملت طريقي وزربت مشيتي  بصح كيف كيف لاحقني لاحقني ولينا كيما لمراهقين كي تعجبو وحدة يقعد يسمط عليها فطريق
هو: واش ماتقيمينيش راني نهدر معاك 
انا:..........
هو: بسسبس زين
انا:......
هو: شينتي راكي كي شغول 2 مطارق يمشو
انا: ......
هو: واقيل ما راهمش يوكلوك في داركم 
هو: بسبس راني معاك
انا: واش... واش تسحق من عندي
هو: نسحق بزااااااااف حاجات ماتتصوريش شحال وقعد يغزر بغزرة خارج طريق و يكيل من لغوق للتحت
انا:(قاعدة نهدد بصبعي )  غير نحي واش راه يدور في راسك علاخطش راح..... قاطعني وشدلي يديا بين 2 و دناني ليه شوية باش يهدرلي في ودني
هو: يا توليلي ب ارادتك يا تولي بسيف عليك مكاش حاجة وحدوخرة و شدني من يدي و قعد يكركر فيا اي عادة حليمة لي عادتها لقديمة
انا: اياد ناس راهم يشوفو فينا اطلقني خليني نروح
و قاعدة نقاوم فيه ونسيي نحي يدي منو  كي شفت والو حكمت يدو عضيتها غرست سناني مليح فيها حتى طلقني و زعمة جيت هاربة بكامل واش عندي حتى يشدني من شعري و يكركرني منو
انا: ايييييي اياد سمحلي خلاص والله مانزيد نعضك
هو: انتي جبتيها لعمرك ماشي مليح لواحد يكون عاقل معاك  حتى وصلنا لطنوبيل
هو: اطلعي
انا: مانجيش معاك
هو: ماپوزيتلكش كيستيون كي قتلك اطلعي معناتو اطلعي و فتح باب من لور و رماني  لداخل ......اوووووه بداية جيدة سحر
انا: وين راك دايني
هو:
انا: اياد دورك دارنا يتقلقو عليا قولي وين رانا رايحني
هو: تپوزي بزاف ليكيستيون
انا: (بلاكريز)  اياد ماتهبلنيش وين راك دايني
هو: دورك تشوفي
انا😡😡😡😡😡
موراها انا ماهدرت  و هو ماهدر مي شحال من خطرة نشوفو يخزر فيا من ليطروفيزور  .....حتى كره و دار لبوست وبدا يغني معا
chanteur  James arther