فصليتي-ملجأي

البارت١١

السلام عليكم
---------------
فصليتي - ملجأي
-------------------
ياسر: شبيج صفنتي
ديلان: هاي .. لي..ليش .ملا.ملابس .تيشت.رت ؟
ياسر : عجبني ليش
ديلان: كوم البس تيشرت
ياسر : وشعليج بيه
ديلان : شنو شعليه بيك مانام بصف واحد مصلخ
ياسر : ما اكلج تعاي نامي عاد تعبت
ديلان: ما انام اذا متلبس
ياسر: واذا مالبست شتسوين😈
ديلان : تصبح على خير و اركض 🏃‍♀️
ياسر: وكفت عالسريع وركضت قبلها دتفتح الباب سديتها قبل لتطلع ووكفت كبالها
ياسر: وين تروحين
ديلان: ااا..روح..يم.سم....رر
ياسر : وليش تروحين يم سمر😕 المرة تبقى يم رجلها😉 موو
ديلان ودموعها تنزل : عفيه..عوف..عوفني..
ياسر : شبيج تبجين والله ما اكلج
ديلان : فد...فدوةة.عوفني
ياسر : استغفر الله ماشي راح البس بس متطلعين تبقين هنا تنامين ماشي
ديلان: مممم
ياسر : ماشي؟
ديلان: اي افتهمت
ياسر رحت وبدلت وتمددت
ياسر: ها رتاحيتي يله تعاي
ديلان وهي واكفه يم الباب:😌 اي بس متسوي شي اذا جيت مو
ياسر: ديلان من النهاية تجين لو اجيبج بطريقتي
ديلان: لا والله جيت
رحت تمددت بعيد عنه هو اجه اقترب وحضني اني دابتعد
ياسر: ديلان اخر مرة اكولها تنامين لو اتصرف تصرف ميعجبج
ديلان: مممم بس
ياسر: نامي
ونمت وكعت الساعه بل٧ على صوت سمر تدك الباب
ياسر بنعاس : اهوووو منو هذا
سمر😩: منو ؟

سمر : اني عمو احمد كال كعدي عمو ياسر عدنه طلعه للمصنع
ياسر: اهوو نسيت بعد وكت شعدهم من هسه بيش ساعه؟
ديلان : بلسبعة وعشرة
ياسر: شلون اخذتني نومه غير تكعديني تاخرت
ديلان: ماحسيت على نفسي
ياسر : كله من وراج اخرتينه بلنوم
ديلان😑: فكني دراوح احضر ملابسك
بعد ايده وكمت طلعت دشداشتة
ياسر: لا اليوم البس بنطرون وتيشيرت السمائي
ديلان: ماشي هسه اكويهن
هو طب يسبح واني كويت ملابسة طلع من الحمام لاف المنشفه على خصرة
ديلان:😳 كم...كملت ال..كويي
ونزلت ركض شكد ميستحي
الكل متريكين سويت ع السريع ونزل هوة مبدل اول مرة اشوفه لابس بنطرون طالع حلوو😻
ديلان : حضرت الريوك
ياسر: اشوف الحجيه وجيبي للصالة ع السريع تاخرت
ديلان : ماشي
وحضرتله الريوك ووديته للصاله تريك وطلع ويا اخوته للمصنع اني نضفت البيت صارت بل١٢ حضرت الغدا واجه تغدينه وصعد ينام غسلت المواعين وصعدت انام لان نعسانه طبيت لكيته نايم نمت بصفه وضليت اباوع بوجهة احس نفسي صرت متعلقه بي من يتأخر اشتاقله معقولة حبيته لا هاي اني دهلوس لان سمر كاعد تقرة براسي نمت وحسيت عليه يكعدني فتحت عيني
ياسر: يله بل٤ كومي
ديلان : نعسانه عوفني
ياسر: كومي نروح نشتريلج ملابس المدرسه
ديلان : ها اي صدك نسيت يله كمت
وكامت ع السريع لبست عباية اسلاميه وشال نيلي وطلعنه بلسيارة وصلت للكراج خليت السيارة ومشيت اني وياها طبينه للمحل شافت الصداري كدرتهن
ياسر: كدري هاي
ديلان ماشي وطبيت لبستها طلعت واني افتر ها شلونها حلوة
ياسر: لا
ديلان : ليش لا حلوة والله
ياسر: كلت لا ( بكلبي اكول كصيفه)
لبست الثانيه هم ماعجبتني والثالثه هم لو تطلع كصيفه لو كصيرة لو مخصرة لو تطلع بيها تخبل
ديلان : ياسر والله تعبت ليش ميعجبنك ولا وحده بعدين اني لو انته تلبسها اني وعاجبتني بعد شكو
ياسر: اي واشدلي كرون واكعد بباب مدرستج واسمع حجي الناس وهي تكول كصيفه وعريضه ويتفننون بجسمج 😒ماعندي عرض اجسام
ديلان: ماشي بس لتعصب اختار الي تعجبك
ياسر : لبسي ذيج👈
ديلان : عريضه هواي بس المهم تعجبك بدلت ها شكلت
ياسر : اوووف يله اخذيها
ديلان: الحمد لله واخيرآ
طلعنه واخذت القميس وتكرمون الحذاء وباقي المستلزمات ودفاتر واقلام وجنطه كملنه ورجعنه بلطريق
ديلان : ماعرف شلون اشكرك هواي صرفت عليه
ياسر : عادي انتي مرتي اذا عليج ما اصرف عليمن اصرف
ديلان:😳 شكرا
ياسر وكفت السيارة : يله نزلي
ديلان: شنسوي هنا مارحنه للبيت
ياسر :نتعشه ونطلع للبيت
تعشينه وطلعنه ورحنه اكلنه ايس كريم ورجعنه للبيت الساعه بل٨ ونص صدك طلعه حلوة
ياسر وديلان: السلام عليكم
الكل : وعليكم السلام
الحجيه : شو تاخرتو ضل بالي عليكم تعالو تعشو
ياسر: بلعافية يمه تعشينه بلمطعم
الحجيه : الف عافيه ها يمه دلو شخذتي ما اأخذتي
ياسر: دلو؟؟
سمر : اي دلو دلع ديلان
ياسر: اهااا والله حلوة واني بحياتج ممدلعتني
الحجية : غير انته يسوري مال كلبي
ياسر: اي هيج الحجي اريده
طلعت ملابسها وتشوفها للكل شكد فرحانه عبالك طفله صدك جننتني
ياسر: يله اترخص تصبحون على خير تعبان اروح انام
الكل :وانت بخير
ياسر صعدت وصعدت وراي ديلان