فصليتي-ملجأي

البارت ١٢

السلام عليكم
--------------
فصليتي- ملجأي
------------------
ياسر صعدت وصعدت وراي ديلان تمددت وتمددت هي هم كلتلها
ياسر: باجر نروح للمدرسة لازم تباشرين هواي تاخرتي
ديلان☺: ان شاء الله تصبح على خير
ونمت كعدت بلخمسه صليت ونزلت نضفت البيت كلها نايمه بس شغلي لو شماصار ابقى اني الي انضف البيت وهذا واجبي كملت وكويت ملابس ياسر وحضرت الريوك وصعدت بل ٦ ونص كعدت ياسر وكام غسل وبدل ونزلنه كعدت الكل واجوي ع الريوك
الحجية : هاي منو نضف البيت
ديلان : اني ليش بي شي غلط
الحجيه : بيش ساعه كعدتي
ديلان : ويا الاذان صليت ونضفت
الحجيه :يمه عوفي التنضيف واهتمي بدراستج
ديلان: لاعادي ماما
الحجية: يمه تكعدين من الخمسه ميصير تتعبين وتروحين بلمدرسه متركزين ماريد مناقشه التنضيف بعد ماعليج بي حالج من حال سمر
ديلان : شكرا ماما
ياسر: يله تاخرتو كومو بدلو
سمر وديلان: كمنه
بدلت ونزلت ديلان: ها شلوني
الحجية : اللهم صل على محمد وال محمد عين الله تحرسج
ديلان : يله ماما موااح💋 بيباي
سمر : بيباي بيبي
ياسر: هوووب هووب
ديلان وسمر: نعم
ياسر :وين رايحين اني اوديكم
سمر: اني متاكدة مو علمودي دتوصلنه🤗
ياسر: سمر مو تحسين كاعد تتجاوزين بل حجي
سمر : اسفه بابا والله موقصدي
ياسر ضربتها على راسها : يله هبل امشو
صعدنه سمر ليورا وديلان بصفي واني اسوق وصلنه للمدرسه ونزلت وياهم طبيت للمديرة وديلان وسمر وراي
ياسر: السلام عليكم ست
المديرة وكفت : وعليكم السلام اهلا وسهلا شيخ ياسر نورت المدرسه بوجودك
ياسر : شكرا ست جايج بطلب
المديرة : اكيد تفضل شيخ خوما اكو مشكله ويا سمر ان شاء الله محد زاعجها
ياسر : لا الحمد لله بس زوجتي راح تداوم هنا ويا سمر ولو متأخر ادري بس جان عندي ضروف وماكدرت تداوم
المديرة : طبعآ اهلا وسهلآ بيها
ياسر: تفضلي ست هاي الوثيقه
المديرة : اللهم صل على محمد وال محمد ماشاء الله مستوها كلش زين مينخاف عليها
ياسر : شكرا ست استأذن اني وماوصيج بعد على ديلان
المديرة : بعيوني هلا بيك استاذ
وطلعت : يله راح اروح اني محتاجه شي ديلان وانتي سمر محتاجه شي
سمر وديلان : لا شكرا
ياسر: سمر ديري بالج عليها
ديلان: غير اني الجبيرة واني ادير بالي عليها
ياسر: هههه يله اني اروح
ديلان : مع السلامة
وطلعت واحس عفت كلبي اول مرة اعوفها وحدها برة ضليت عشر دقايق كدام المدرسه تالي صعدت سيارتي وطلعت للمصنع

ديلان داومت ورحت للمدرسه شعور كلش حلو واني اداوم عبالك الحياة ردت بيه الامتحانات الي فاتتني حسبوها ع الشهر الثاني مال شهرين وضليت اداوم صار ١٠ ايام وعادي من البيت للمدرسه وياسر يوميه يوصلنه ويرجعنة دامشي بلممر مال مدرسه اني وسمر انلطخت بوحده بلغلط
ديلان: اسفه
البنية : وثول شبيج متشوفين
ديلان: مو كتلج اسفه ليش تتجاوزين
البنية : اكلج انتي مو فصلية الشيخ ياسر
سمر : لا هاي مرته للشيخ ياسر
البنية : لا سمعت هاي الفصلية اليتيمة الي اخذوها لان ابن عمها كتل الشيخ وسام
ديلان اسمع البنات وكفن حولي ويكولن صدك هاي الفصلية عزززا صغيرة كمت ابجي ورحت بلساحه جتي سمر تركض وراي
سمر: معليج بيها هي تغار
ديلان: لا حجيها صحيح اني فصليه الشيخ ياسر ماحجت شي غلط
سمر: ديلان لتكوليلي تأثرتي بحجي هاي المايعه
دك الجرس وطلعت للشعبه مالتي وعيوني مورمة من البجي جتي المدرسه : شبيج ديلان
ديلان : مبيه ست
المدرسه : متاكده عبالك جنتي تبجين عينج حمرة
ديلان : متاكده ست
وخلص الدرس والورا والورا وحلينه طلعت لكيت ياسر دينتضرنه صعدت بصفه وسمر ليورا
ياسر: سلام شلون الدوام اليوم
سمر: عادي
ياسر وهو يسوق السيارة :شبيجن ضايجات
ديلان: مبينه
ياسر وكف السيارة ورفع وجه ديلان : هاي شبيج ليش عيونج مورمة
ديلان : مبيه بس مجاوبت بل امتحان
ياسر: سهله هي على الامتحان شدي حيلج بلشهر الجاي وشغلت السيارة ووصلنه للبيت وصعدت ديلان ضايجه وبدلت وبدون غدا نامت
الحجية : شبيها ديلان متتغدة
ياسر: ممجاوبة ب الامتحان وضايجه
الحجية : يمعود على شنو زعلانه هو امتحان
ياسر: عقليتها شسويلها يله اني اروح انام صعدت لكيتها فارشة بلكاع جيت كعدت بصفها نايمه  عجيبة ليش نايمه بلكاع ماردت اكعدها واضوجها تمددت بصفها بلكاع ونمت حسيت العصر هيه كامت وطلعت
اووف شبيها كالبة وجها علمود امتحان بدلت وطلعت لكيتها دتاكل بلمطبخ طلعت متفق ويا اصدقائي نطلع للصيد
عمار ( صديق ياسر) : يسوري شلون صار زوجتك
ياسر اعصابي فولت هذا شلون يسأل هيج سؤال ومنين يعرفها: ليش تسأل ومنين تعرفها😠
عمار: والله ماعرفها بس اليوم بت اخويه شايفه البنات مضوجاتها بلمدرسة وكايمه تبجي وضل بالي
ياسر: بشنو مضوجيها
عمار: اااا