قمتهه من مكاني ومشيت عليهم
اسمعني ياعمر ده شنو البتعمل فيهو ده
عاين وهو مستغراب
ريهام😳 الجابك هنا شنو؟
قلته ليهو يمكن جابني القدر عشان اشوفك
قال لي يابت انتي فاهمهه غلط ..قلتهه ليهو طيب فهمني ..قال لي وطي صوتك الناس بتعاين لينا ..قمتهه انا باعلى صوت عشان الفت الناس ذياده قلته ليهو مايعاينو يعني شنو ...البت كانت بتعاين بالله التقول شايفه حشره قدامها 😂 قلتهه ليها بتعايني لي مالك 😒 قالت ليهو عموور دي منو ....بالله بالله يارووح عمور ..قال عمور قال الهي عماره تقع فيك تهدك يابعيده😂 وطبعا الكلام ده كلو بقلبي ..عمر قال ليها دي وحده انا بعرفها ...(شنو شنو تعرف السرقه) 😒
قالت ليهو م قايلاك بتعرف اشكالي زي دي يااااي 🤧...قلتهه ليها شوفي حبيبه لا بعرفك لابتعرفيني انا ماسكهه نفسي منك بالرجاله فاشنووو اتلهي احسن 😒👊 .... قالت لي اها وكان ابيت ح تعملي شنو ياجون سينا 😒..قلتهه ليها جون سينا ده منو ..ابوك ولاشنو😂😂😂
قالت ليهو عمر البت دي بتعرفها منو ..ولا اصلا لقيتها وين في خور القلعه ولاشنو (الهي قلعه تقلع سنونك من محلها 😒) قلت ليها خور القلعه ده شنو ..بيتكم قصدك😂 ...عمر قال لي ريهام خلينا نطلع برا نتفاهم ..الناس كلها بتعاين لينا كدهه م صح (انت بقيت تعرف الصح من متين ياروح امك😳) قلتهه ليهو من هنا م طالعهه الليله بس متلصقهه هنا 😏✋ قامت فجاءه جاءت ملاز مسكتني من يدي قالت ليهم معليش ياجماعه (دي جات من وين كمان 😂) قالت لي ريهام اسمعي كلامي كده م صح ...فلانهه ديك طنطنت تحت تحت لكن سمعتها قالت اااي احسن اتخارجو ..طوالي فكيت يد ملاز وجدعت شنطتي بعيييده وركبته فوق الطربيزه وخلفته رجل على رجل قلتهه ليها كده عاجبك ولا ارقد ليك 😂
عمر شغال لي انزلي وبتاع ..قلته ليهو انت اسكت ..حسابك براهو يابيبي😒 قال لي خليني افهمك ..وحاتك انت فاهمه غلط قلتهه ليهو ح تسكت ولا احشر ليك الجزمه دي في خشمك 😏طبعا هو طواالي سكت عارفني مجنونه بعملها😂 وطبعا الناس كلهم كانو بعاينو لينا
قالت لي هسي الناس يقولو عليك شنو
قلتهه ليها يقول مجنونه انت مالك 😒
عمر قال لي انتي عارفهه دي منو ..قلتهه ليهو م عارفه ولاعايزه اعرف😏 قال لي متاااااكده 😉 طبعا طوووالي جريت وااطي 😂 قلتهه ليهو م بهمني لكن احكي ...قال لي دي اختي الحكيت ليك عنها جاءت امس من السعوديه
يلا تعالو شوفو طبعا الكلام بقى لي مر مر 😂عاااد يايمه احراج السرور م عرفتهه اودي راسي وين والله التفاف م قدرته ابلعو 😂 ...نزلته سرعهه سرعهه من الطربيزه قلتهه ليهو عليك انت جاادي مالك م وريتني انها جاءت السودان 😐..قال لي انتي اديتيني فرصهه اصلا ....يلا طبعا من ماعرفته انها ابو النسب زي مابقولو اتغيرته 180 درجه ولا كانه عملتهه حاجه وزي الكاني يدابي شفتها ..قلتهه ليها اهلين بيك رتاج نورتي السودان ...عاين لي كده نظره ماااا في محلها وقالت لي منور بناسو ..يلا طبعا قالت لي بدون نفس😂 ..كان اخير عدمها
