قلتهه امشي اجهز نفسي ..مشيت كويت ملابسي ..وجهزته حاجاتي والنفسيه ماشاءالله فللل ...مشيت والله من شده التعب اول ماغمضتهه نمته ..كان الا افكر واتقلب حتی يجيني النوم ...
صحيت الصباح بصوت المنبه كانت الساعه ٧ومحاضراتي تبدا من ٩ لكن انا بصحی بدري علی بال مااجهز واتمحرك وادخل من اوضه واطلع من اوضه لمن الساعه ٨ ونص جاءت ...طلعته ركبته ركشه ....
اثناء ما انا في الركشه تلفون ضرب ..يلا طبعا دي الشوم ديك😒👊 رديت اها خيير ...قالت لي اكيد خير ..قلته ليها عاوزه شنو ..قالت لي شوفي يا استاذه ريهام عاوزه تعرفي انا منو ثح ..قلته ليها ياريت ..قالت لي تمام بعد الجامعهه انا بضرب ليك بوصف ليك محل نتلاقی فيهو ..قلت تمام ....وقفلته الخط ..يلا انا متشوقه اعرف دي منو ....والليله اليوم الموعود ....وصلته الجامعه حاسبت بتاع الركشه ودخلته ...شافني عمو الحارس قال لي وين ياهومه انتي مختفيه كده ..(يلا طبعا زولتكن مشهوره بين الناس حتی بتاع البوفيه يعرفني 😹)
الموهييم ..قلته ليهو يازول انت شارب ولاشنو نحنا كنا في اجاازه ..خته يدو في راسوو قال لي اهاااا اي اي اتزكرته ..قلته ليهو اوعه يكون الظهايمر عملها فيك قال لي خلي الكلام الكتير وخشي محاضرتك قربت تبدا ....
يلا حسام ده الزول الزيت عمرو ٢٦ خلی الجامعهه عشان يشتغل ويقري اخواته المدرسه واشتغل حارس للجامعه ..والله حاجه مولمه ناس تستهتر بالقرايه وناس تجبرهم الظروف يخلو القرايهه 😔💔
يلا حسام ده ونااس انا لمن اكون زهجاانه بجي اتونس معاهو والله بفرق لي ...
دخلته علی القاعه الناس كلها شبكتني وين ياا ..وناس هيماا الحووب ..وناس نورتي الموهييم يلا انا عشان زوله ظريفه وماعندي شي اسمها مجامله يعني بديك الحاجهه في وشك ..عشان كده بقيت مشهوره بين الناس وخااصه دفعتي ...ملاز لوحه لي بيدهاا ريهام ريهام ..مشيت عليها ..سلمت علي وقالت لي وين انت يابت اختفيتي فجاءه ..قلته ليه والله قلته ابعد من الجوطه ومن زحمه الناس عشان كده كنت قافله تلفوني وماطلعته من البيت ..قالت لي اهااا لانه قلقته عليك
قلته ليها اها وانتي اخبارك ايه وكيف مع الحب ..قالت لي بخير ..وقصدك شنو بالحب ..قلتهه ليها بكار ..قالت لي والله بكار ده انا بحبو لكن هو من النوع الشكاك ماشه وين ? جايهه من وين? مشغوله مع منو? والله بي كترت اسالتو دي لمن بقيت مابرد علی مكالماتو يومي نحنا في حاله شكلهه ...قلته ليها وانتي قاعده تتكلم مع منو? قالت لي مع اولاد دفعتنا
قلته ليها طيب ليه بتكزبي وتقولي ليهو بتكلم مع ريهام?😒
طبعا هي اتخلعت انا كيف عرفتهه ..قالت لي القال ليك منو ..قلته ليها امس ضرب لي ..قالت لي اهااا كويس والله قلته ليها هو خاتي فيك الثقهه فاشنوو حلفتك بالله ماتخزليهو ...بقلبي قلته ليها انا بخاف عليهو ماتجرحي قلبو😔😩💔
