غدر الزمان

عائلـه وليد😊

Bart 2

زيــزو:ولــيـد عيني گوم عرف عن نفسك
وليد:ماشـي عينـاي
زيــزو:تسلم عيناك😃
.....

هلاو..اني وليد...23 سـنه...ادرس اخر مرحله طب اسنان...

عندي اخ
واحد(حيدر) 26متزوج(بيداء) ومنرزق بطفل صار سنتين ونص ...بعدين هو يعرفكم عن نفسـه

وعنـدي اربعة خوات

(هدى 35سنه متزوجه بالبصره صار 6اشهر مشايفيه تشتغل محاميه وعده بنيه (زهراء) وولد(مهدي ) هدى شخصيه قويه كولش كوليتنه نطيعه ورغم بعده هم نخاف منه ونحترمه...بعدين تكلمكم عن نفسـه)

(تقـى 31 سنه متزوجه تشتغل مـدرسه حاسوب واسلاميه  عده بنيه (نرجس) وولد(حسن)وولد(حسين)الاخت الحنونه والطيوبه الي محد يخاف منه ويحترموها لحبهم اله الكل يشكي همومه اله وهي مبعيده عنه الشارع الي ورانه...بعدين تعرفكم عن نفسه)

(روءى 19 سنـه تداوم مرحله اولى طب اسنان (ع اخوها😉) دائما تكولي انه صرت طبيبه لان اقتديت بيك ...طبعا اني مشاد وي خواتي وخاصه الزغار بالعكس وي كل وحده من احچي وياه اصـير بعمره علمود اي شي يصير وياهن اكون اول من يعلم لان خليتهن يرتاحلي وهنه مربايات احسن تربيه وواثق بيهن هي بعدين تسولف عن نفسه)

(سرى 13  سنه اول متوسط باقي شهرين وتخلص هي اصغر فرد بعائلتنه لمدلله هي عاد هم حيكون اله دور بالقصه 😌 بعدين
تمدحلكم بنفسه)

مواصفاتـي (وليـد)
حنطاوي...طولي 180 ...وزني 72...شعري اسود...عيوني سود...خشمي حلوو مبي شي
حلكي همات حلوو ومبي شي ...اني صاك وحات والبنات مشاالله وي الزحف ممقصرات لاعبات بيه طوبه بالجامعه 😣 واني مدايرلهن بال حته مالط بقصه اللعب والتسليه هاي مالت الشباب ولا عندي علاقه سابقه ...اكيد
محصدگون لاا صدگوا هاي الحقيقه مااچذب
اني مغرور ومتكبـر صـح😏بـس هاذ الشي ع
نفسـي محد اله دخـل بـي حلوو واخبل ليش ماانغـر؟؟؟ يلا چاوو اشوفكم بالبارت الجاي)

زيـزو: هسـه اجه وقتچ هداوي
هدى:اوك زيزو

سلاام اني هدى عمري 35 سنه
متـزوجه من (محـمد) عمره 38 موظف بالـنفط
محـاميـه وعايشـه بالبصـره
عندي بيـنه (زهراء) عمره 12 صف سادس ابتدائي
وعنـدي ولــد (مهـدي) صف خامس ابتدائي

طبعا محمد ابن عـمتـي عايش بالبصره وخطبنـي  وهو يحبـني وقبلت وجيت وياه
البصـره عمري چان 23 سنه من تزوجت
علاقتنه جانت مثل السمنه ع العسل بس
قصتنه وي المشاكل بدت قـبل ثلاث سنين هوو راد طفل وانـي مچنت حابه وعارضت وهو گالي
انوو انتـي متردين طفل مني وبالچ وااحد وماعرف شنوو وهيچ صرت اصبح ع مشكله وانام ع مشكله كرهت حياتي كوليته حاولت
اطفي النار الي گامت بينه وقررت احمـل وصدگ حمـلت وگتله وبوقته طار من الفرح ودللني دلال مشفت مثله بحياتي حته اول متزوجت ومرت 5 شهور وعرفت انو جنس المولود ولد وهنا بده محمد اكثر واكثر يحبني
اكثر بهوايه من قبل من شفت فرحته وفرحت جهالي باخوهم الجاي فرحت كولش وياهم وضليت احسب الايام حته يجـي ابني
مرت اخو محمـد چانت عقيم ومتخلف
هي شافت هيچ السالفه وهي تغيرت وياي كولش بعد ماچنه اعز صديقات صارت تكرهني كره وبيوم دخلت ب‌شـهر السـادس
چان ثـاني يوم بشـهـر السـادس وانـي نازله
رايحه للدوام الساعه 8 الصبـح طلعت وچان
محمـد والجهال ناييميـن طبعا انـي شقتي فوك انزل درج ع ليت عمـي وبعديـن اطلع من الباب مالهم الرئيسي وداانزل ومااحس بشي
اله الـم قوي كولش طحت 11 بايه ليجوه
حته راسـي نفشخ بالدرج زلگت بس جنت متاكده انو اكو شي بالدرج ضليت اصيـح ومحد يسـمع ع مافقدت الوعي  وگعـدت  يمي محمد ومرت عمـي وحماتي بالمستشفى
وگالولي انو فقدت الجنـين ضليت اصرخ مااصدگ هيـچ صار بيـه يالله وبعد يومين
طلـعـت من المستشفى وگطعت الدوام شهر
ومحمد راواني الويـل يگلي انتي عمدا طيحتـي نفسچ مترديـن مني طفل انتي مجرمه انتي قتلتي لابنـي
واني اگله محمد صدگنـي اكو شي بالدرچ زلگت بي وطحت وچنت متاكده طرحي متعمد وكل ضني راح ع (زينـب) لانه باخر
فتره كرهتنـي كولش وحاولت مره هم
لان مره خلتني ادخل اغسـل الحمام وچانت
خاله شامبو بالارض ووگعت بي بس مصار بيه شي بس نزيف هل حچي شهر 4 من حملي
وگالت انو هي ماله غرض ومتدري
فهل مره چنت متاكده انوو هي وره السالفه
وهاي صار سنتين شايفه الويل من وره محمد
بس شغلي وجهالي مصبريني ...

مواصفاتي
بيضـه...شعري اصفر...عيوني كبار صفر...طولي 165 ...وزني 59...حلگي وخشمي متناسقات
وجهي مدور...وعندي رمووش طوال ...

زيــزو:شـكرا هـداوي يلا تقاوي صار دورج
تقـى:امرچ كاتبتنه 😉

هلااو انـي تقـى عمري 31 سنه
متزوجـه مـن (علـي) مهنـدس ديكور
اشتغل مدرسـه حاسـوب واسلاميـه
عندي بنيـه (نرجـس) 13 سنـه واكثر شي عند اهلي تروح تدرس وي اختـط الصغيره سرى لان نفـس المرحلــن ونفـس المدرسـه
وعنـدي ولد(حسـن) 11 سنه خامس ابتدائي
وولـد (حسين)  9 سنوات ثالث ابتدائي
...
طبعـا اني وعلط تزوجنه عن حب شفته بحفلة التخرج مالنه صممه وشفته بحفلات الجامعه وصار حچي اجتماعي ونطاني الكارت مالته وخليته يصمم حفله الخطوبه
والحنه والعرس مالت حيدوري اخوي وهيج
وصار الزواج وتكونت العائله الحلوه الله يديم السعاده بينه ياارب ماگولكم متصير مشاحنات بس بكل مره تصير مشكله نتخطاها ومنخليه تاثر ع اطفالنه ونفسيتهم
وتخلي الحب الي بينه يكبر وتماسك العائله يقوه انشاالله نبقه هيـچ ومـنفترق ياارب

مواصفاتي
بيـضـه...شعري طويل اسـود...عيوني عسلي
طولي 155...وزني60...حلگي مدور صغير وعندي شفايف☺وخشمي متناسق وي وجهي المدور وبس هاي مواصفـاتي ترانـي حاته 😃
حنونه ع اولادي واخوتي وميضمون علي شي ابدا حته رجلي هم ياخذ نصيحتي وميضم
عنـي شي  ابدا موعصبيـه اني الفرد الوحيد بعائلتي كوله موعصبيه اخوتي كوليتهم عصبيين حته رجلي واطفالي😣

طبعا انـي وحيدر ووليد وروءى طالعين ع بابا
وهدى وسرى ع بيت جدي شقر وعيونهن ملونات وبنتي نرجس عليهم وحته علي عيونه ملونه واشگر ...بس حسن وحسين علي اني واهلـي....
وبس هاي اني وبيتي الصغير اشوفكم البارت الجاي

مرحـباا
حيـدر اسمـي
عمري 23 متزوج بنت خالتي زواج تقليدي
مبيـناتنه حـب بالعكـس كلـه مشاكل حته طفل مصار عندي وصار سنتين ع هاي الحاله
مع ذلك بعمري مفكرت اتزوج.وحده ثانيه ع مرتي بس ولا تقـدر حته اهلي ممحتويتهم
وتكره خواتي ودائما تحچي عليهن گدامي
ع اساس يحچن عليه واحذره وغير تتوب😒
وهاي حياتي لعبان نفس من الشغل للبيت
اتغده انام واگعد لصحباني ماارجع اله نص الليل علمود لااسمع نگها
..
اني اشتغل مدرس احياء وبنات المدرسه يزحفن حضراتهن ويدرن بيه متزوج بس هيچ
طايحات حظ وهمات ملتفتت لغير وحده لوفكرت اخون مرتي مع انو حياتي وياها
زباله حشه القـارئ ... عايش وي اهلي ببيتهم چبير وواسعـنه ماشاء الله....

مواصفتـي
اسـمر...عيوني سود...شعري رصاصي ع اسود
موشيب😒لونـه هيـچ...خشمي&حلگي متناسقات وي بعضهن وبس ...هاي حياتي السعيده 😒 الحمد لله اشكر ربي مع كول شي😔 طبعا اني مومعقد لااضحك وانكت
بس حاليا علي ضغط شووي من كول شي...
وهاذ اني اشوفكم البارت الجااي

يتبع...عائـله ولـيد

بقلـم الكاتـبه
مشـاعر_انثـى

1034 كلمـه