#علاسة الدورة
البارت السابع
ام عثمان .. ورة مجبت كرايبي كلهم لحي الشرطة حطينا ولدنا براس الشارع يحرسون المنطقة اي غريب يدخللها نشوف هويته واذا يطلع من ذاك الصوب ولدي يسلموه للمجاهدين النقطة مال الحرس الوطني يخافون يحجون ويانا صرنا الاغلبية واذا احد يفك حلگه نسفره لجهنم لعبت بالفلوس لعب غيرت الاثاث كله وخطبت لعثمان وزوجته بواحد من بيوت الجوارين الي راحوا وعافوها وكسرت قفالة بيت لاخ ورانا بيت ابو علي لان ورة مكتلوا ابنهم سافروا وعافوه وداازوج حمودي بي لان لگيتله مرة حلوة امها رافضية كظماوية بس هيلة تفتح حلكها وصارت اتصلي مثلنا مااعرف عاد دتمثل ماادري صدك احنة النسوان مالنا شغلة بيهن ،، اتفقت وية صايغ وكمت اصوغلي ذهب وگمت كل عملية اينفذوها الولد الي نسبة بيها يگولون يمة حگ صبرج ،، وسام اتعين خوش تعيين وية المجاهدين گام يزرع عبوات على طريق ابو غريب واخذ نادية وريان وراحوا بالعرب گعدوا ونادية مگمت اشوفها يمكن كل 6 اشهر مرة بناتي كبروا والولد التهوا بشغلهم واني گمت اكعد المغربية والم حبايبي كرايبي اباب البيت واكرز حب ونسولف وصرت الكل بالكل والكل يحسبولي الف حساب بس يمكن هاي الفرحة مدامتلنا هواية بسنة 2008 صارت حملة فرض القانون يعني شوية الدولة صار بيها حظ نص الليل واحنة نايمين وجانت ندو صدفة هي ووسام زوجها يمنا اندفرت الباب ووگعوها وهمرات وگفت اباب البيت وطلعوا كل ولدي ووياهم وسام حطوا الكلبچات بايدهم واخذوهم گمت اصرخ واعيط يمة وليداتي يمة حمودي لان اعرف محمد اكثرهم عنده عمليات منفذها قسم من القوات الامنية دخلولنا من السطح وقسم من الهول وناس من المطبخ حتى ملحگوا الولد ينهزمون ريان راح لابوه يبجي يريده الضابط دفعه قوي كال هذا هم مصيره ارهابي ولي منا فأخذته ندو واني محسيت روحي الا ديغسلولي وجهي بالمي كعدت واني الحسرة كاتلتني وين وليداتي وين راح الي انتچي عليه جنت اصيح اكثر شي حمودي حمودي راحوا ولدي بشربة مي بس لو اعرف شنو الي سووه ومنو الي بلغ عليهم الا انتقم من ولدهم وشبابهم واحد واحد رحت ثاني يوم للگهوة داريد اطلع الفلوس مال الدخل ومستمسكات الولد لان جانوا يضموها بالگهوة رحت اتغشيت بعباتي ووكفت كبال الكهوة والگي الشرطة الاتحادية والحرس الوطني واكفين يم الكهوة ومزنجليها بزنجيل جبير وحاطين علامة اكس على القطعة المكتوب عليها مقهى محمد ابو رطوبة وبين قوسين كاتبين محمد العلاس اني تذبحوني متلگون قطرة دم بجسمي اخ يايمة هاي انت الي دافعت عن الحق وكتلت الكفرة يكتبون عليك العلاس سويت نفسي رايحة اشتري بيض من الاسواق واسمعهم يحجون بيناتهم يستاهلون ولد الزنا كون اگطع لحمهم وصلة وصلة واللاخ يكول لو اشرب من دمهم ماارتاح كتلوا كل ولدنا فجعوا كل امهاتنا يارب امهم اتشوف يومهم وتعرف الله حق اني حبست نفسي وكمت اركض ركض للبيت هذا الحجي الي سمعته هيج لعد وليداتي بالسجن شراح يسوون بيهم
