اقدار مكتوبه (قدري انت)

البارت الرابع ((مشكله))

  تيم:::لج احجي يا سكط  حقيره 😡😡 مدلليلج دلال مصاير تالي متالي تخونينه  ويامن  واني اكول اختي فقيره ماعده هيج سوالف  تالي متاليج طلعين خاينه ...وبده يضرب اريج نهااهه من شعرهه فلسه تفلس وزورك وجهه

اريج بعد ماضل يانبني تيم واني بس ابجي كمت اشهك من البجي 😢😢 وضل يسألني منو هذا  واني مااجاوب   موتني من الكتل وشمرني بلكاع و سحب المبايل مني وشاف رقم  دخله بتلفونه طلع رقم سامر

تيم :::سامر !!!!!!!!لا مستحيل 
ضل سامر يصيح ويعيط ويكول يا كلب يا سامر تطعني بظهري واني معتبرك اكثر من اخ لك زين الزاد والملح  وين ماغزر ... ضل تيم يتصل بسامر وميرد ويتصل وميرد دزله رساله " اذا مترد هسه اجي افلش البيت ع راسك وراس الخلفوك يا سكط ""
تيم :الو احجي استاذ سامر يا خاين لك جان استحيت من الزاد والملح  جان خجلت من عرض اخوك بمثابة عرضك عوفك مني جان استحيت من اهلي الي همه اكثر من اهل وياكم وبلمره والحلوه سوه ماغزر لك ليش  ليش كلي ليش
سامر؛:اسفه تيم اعرف الي سويته  مو هين عليك بس والله وداعت كل عزيز  قصدي شريف وياهه واذا تريد باجر اخطب
تيم::اسكت اغبر نذل يخطب باجر  الكلب يكلك راح اوافق اسمع  ..بعد لاعرفك ولا تعرفني والبينه انتهه  واذا بيوم من الايام اشوفك متقرب الاريج الله كتبهه عليك اسحلك  سحل بشوارع يله ديي  وخلي بالك لخاطر اهلك راح اعوفك واعتبرك جاهل 

وطبك تيم التلفون بوجه سامر ودفرني برجله واخذ تلفوني وطلع
صار صبح واني عيني  ماغمضت اجتي ماما تكعدني  للدوام شافتني هيج تخبلت ضلت تصيح 😲😲اشبيج ماما منو سوه بيج هيج اجه بابا ع صوت ماما  يركض شافني تخبل واني لااحرك ايد ولا رجل  وصاحوا تيم وحجالهم السالفه كله ماما كامت تبجي وتكول بيش قصرت وياج حته هيج سوين ماعرفت اربيج  وبابا يكلي صوج الدلال  البارحه اكله لمج اريج مثل البلوره مستحيل تأذينه بشي اليوم طلعتي سم علينه  اني انتهيت من البجي وعافوني وراحو كلهم بقيت وحدي بلغرفه جتي مروه خطيه حضنتني حيل واني ابجي بحظنه مثل الطفل 😭😭😭
سمعت صوت الباب اندك  راحت مروه وره شويه اجتني كالت هذا سامر وامه وافنان جوي علينه
كتله مروه بداعتي روحي سمعيهم شيحجون
سامر
من سمعت صوت تيم طب ع اريج ويصيح منو هذا كبل طبكت التلفون وضليت خايف ع اريج كلت هسه يموته هذا
وراهه خابرني يغلط ويصيح حقه اني غلطت وغلط جبير المفروض اتقدملهه بلحلال اكيد ميعارضون  بس نزوه وخطا
ماعولت يصير الصبح خابرت افنان وسولفت لماما وبابا بقوا يحجون عليه ويرزلوني وضلوا يصيحون عله افنان كالوله مكان متعقلي وتكليه ع خطا توكفين ويا 
بس هيه خطيه مالله دخل اني جبرتهه  المهم اقترح باابا انروحلهم ونعتذر منهم رحنه اني وماما وافنان طلع تيم شافنه طبك الباب ورجع فتح كال لماما خاله انتي والاخت ع راسي بس سامر مااستقبله لو عله كص ركبتي  ماما كالتله خاله اعرف خطأن واكسرلك راسه بس اجينه نحل الخلاف بداعتي عندك فوته لخاطري  ادري بي حقير وارعن
اني ضليت صافن فوك متصير وياي تصير ضدي😕😕بس اهلي اعرفهم ميرضون بلخطأ
المهم طبينه وبدينه نحجي وماما حجتلهم شون رزلتني وماقبلت ع تصرفي ومن هل حجي واني كلت لبوهه امي اني بهل لحظه مستعد اتقدمله والي تريده يصير تكرم عيونكم اني خطأت والكم حق عليه  والي تريدوا اني حاضر
ابوهه صفن وواني كلش ارتبكت من صفنته جان يكول مالك مره عندي
اني بعد مااتحمل كمت اطي الوان كلت لمهه خاله مروتج حاجي لعمو  مروتج الي تردوا  يصير امهه حته ماباوعت بخلقتي كالت لسه محترمتك لخاطر امك ومدخلتك بيتي اكرمنه بسكوتك اهنا اني عصبت صح تحب اريج واموت عليه بس مو عله حساب كرامتي اني ابد ما منزل نفسي لشخص بحياتي كله لان مدلل اهلي وتعرفون اني ولد وكرامتي فوق كل شيء وبس بدي اتعارك وياهم لان منين مااجيبهم قافين كفرنه خو ما كفرنه الله يسامح انتو جرد بشر مسامحون  اشرتلي افنان انو اطلع  وهمه يحاجوههم براحتهم واني  لحيت عليهه كتله ضروري تشوفين اريج كالتلي اوك واني طلعت كتلهم عن اذنكم
ضلت ماما تحاجيهم وهوه هيج ومستعجل ومندري بي  وشاب وكل شباب طايشه واعتبروا ابنكم زغير وخطأ....الخ
المهم ابوهه وصصل حل  كال بعد مايتقربله وماله علاقه بيهه لان هيه بعدهي طفله ومتعرف شتتصرف وراهه دراسه عود تكبر تقرر مصيرهه  ماما مالحت عليهم عافتهم فتره يهدؤن وعود نشوف شنسوي  افنان اختي طلبت تشوف اريج عارضوا اهلله كالت بس اشوفه مشتاقتله حته ومااحاجيه وهم رفضواا ضلت تلح وياهم لحد ما ودته مروه لغرفت اريج  ..
افنان:من شفت اريج انصدمت وين راح هل جمال نايمه بلكاع ووجهه ازرك وخشمه احمر دم  وايديه مجلغه وشعرهه منتف خطيه تبجي الصخر سلمت عليهه وكلت اله انحلت ان شاء الله ونزلت  ...من رجعنه للبيت سولفت لهلي ع حالت اريج سامر تخبل وصعد لغرغته وطبك الباب
اريج ::
وره ماجوي اهل سامر سولفتلي مروه حبيبتي عن كل الي دار بينهم وجتي افنان شافتني ونزلت تقريباا صار اسبوع عن  المشكله واني ممداومه ومااكل قليل  تتوسل بيه مروه اكل واغلب الوقت بغرفتي ومن انزل ماما وتيم يستلموني رزايل وصياح ويبسمرون بيه  واني منا مفاركه سامر روحي طالعه  عديت اسبوع حته يتحسن وجهي وكمت اداوم  سلمن عليه زميلاتي  وسالني كتلهم وكعت من درج