من كثر الضغط النفسي والآلم الحسيت بي تمنيت اموت حاولت انتحر ماكدرت طفله واخاف من الموت والدنيا كلهة ضدي ردت اخلص نفسي قررت ان انهزم منهم بس المشكله ماعندي احد اصلا بلدنيا كلهة ما الي احد غير اهلي اليموتوني بليوم الف موته عبالك اجرمت موحبيت رغم همة يعرفون كلشط زين ملامس حتى ايدي ابد
وبيوم الكل راحو للدوام بابا كانت عنده شغله ابغداد وخالو كان مريض رحت ويه ماما انشوفه كتلهة بس اسلم على بيبيتي ورجعت لبيتنه بسرعه غيرت ملابسي واخذت فلوس ماعرف شكد بس جانن هوايه ربطات من خزنه بابا وطلعت
وهنا وحرت وين اروح لان ماعندي احد توجهت للسوق اتسوقت اغراض بعثرت بكيفي رغم اني ارجف ومبين عليه اني مسويه شي واول مره اطلع وحدي اخر شي انهاريت بمحل ملابس تخربطت وصاحب المحل ولد شاب عيونه جوزي فاتح واصلع كعدت لكيت نفسي بلمخزن مال محل بحضن الولد يكعد بيه بس ممسويلي اي شي يعني حجابي وملابسي كلشي مابيه
حيل ارجف وخفت منه كال شبيج مبينه مو طبيعيه اني جنت مافهم سولفت اله وهو طمع بلفلوس لزم ايدي وحاول يطمني توسلت يشوفلي مكان لان اذا رجعت يذبحوني كال ماعندي مكان وسمعت صوت دك وره المخزن وكلي بس باوعي من زرف الباب شكو وحسيت بي من اخذ من الفلوس هوايه اخذ بس ماكدرت احجي كلش خايفه خفت يذبحني من اخذ الفلوس حتى نبره صوته تغيرت ويريد بس يطردني عفته وطلعت حايره مادري وين اروح وارجف صار المغرب واني بس افتر كعدت اباب عماره قديمه صارت كدامي شافني واحد سالني اذا محتاجه شي كتله برجفه ايهت وحيجي اخويه ياخذني طلعت مره جبيره بلعمر نزلت من الدرج هية وبنيه شابه تطلع شويه اكبر مني شافتني كاعده بلشارع كالت تعالي يمنه ماعدنه احد بلبيت بس اني وجنتي رحت وياها ارتاحيت شويه واندك الباب ولد شرطي كال نزلي يردوج الشرطه واني ابجي وارجف وماعرف شحكللهم خفت لا اهلي وياهم ويذبحوني .نزلت بلشارع سالني واحد لازم لاسلكي انتي منين كتله على مكاني وتمنيت بهلحضه يصير ويايه اي شي من الاقراه بلقصص والله يعثرني بواحد ينقذني بس ماصار علشي واحد من الشرطه من خلال الاسئله عرف اهلي وخابرهم اجو اخذوني /ماكللكم شنو الكتل والعذاب التعذبته وكلهم بحلكهم سؤال واحد بعدج بنيه واحلف وابجي محد يصدك عبالهم متواعده ونهزمت ويه واحد واني من كثر القهر والالم ماحس بلضرب بيه طبيعه من انقهر حيل اتجرد من الاحساس لو يكطعوني بسكين هم ماحس انضرب بلحزام ودفرات وبس صافنه وماحجي اهلي ممخبرين احد وكالو للشرطه شويه عقلها مو تمام واول مره تغافلنه وتطلع سووني مخبله ههه عدت هاي الشغله وزاد كرهم الي وبغض اهلي بلمختصر صرت بس جسد يمشي جانو هوايه يتقدمولي وبابا يرفض ميقبل لان جانت حالتي النفسيه توحي الهم اني تخبلت لان بس ساكته وابجي واشتغل اي احد يحجي ماكدر انطق واجاوبه اي شي يكولوه اكول اي الى ان بيوم وقبل 3سنوات....
