بيوم وقبل3سنوات صديقه اختي تراسلها على برنامج الفايبر وسألتها اذا عندها اخوات مو س وحجتلها اختي عني بس اكيد مذكرت شي وطلبت صديقه اختي من اختي صوره الي دازتلهة صوره قديمه الي المهم صديقه اختي واخواتها الي هنة اخوات زوجي حاليا 6 بنات وعجبتهم ثاني يوم هنة يمنه يخطبني واني فكرت بلموضوع وكالولي عمره45واني كان عمري18سنه استحيفت شبابي بس قررت اوافق واخلص من اهلي واهلي هم وافقو وتزوجت ورغم كل الأذيه الشفتهة بحياتي والدمار بديت بدمار ازيد وازيد مثل الطلع من حفره و وكع ابير ياويلي لو تدرون شصار بيه وشطلعو بلتالي وللعلم لحد هلحضه اني متزوجه
من الخطوبه شدن ويايه خطوبتنه طولت شهر بس جانن خواته مسيطرات كلش عليه وعلى الكل ابيتهم هو لاشخصيه لاكلمه لاشكل وعادي كلت عسى ولعل بعد الزواج يتغير اهم شي يخلصني هو سبيل النجاه من هلدمار هيج جنت مفكره من اول ليله بلفندق اذا اني لا اكل لاشرب اضل اسابيع ما اكل رغم اني مربربه جسمي مليان بس طبعا مليانه مو من اكل من مرض عندي اختلال هرمونات المهم عفوا على الألفاظ بس دم ماضال بيه لذالك غشاء البكاره علامته قليله كانت المهم هو سكت بس من وجهة مبين ممقتنع كلش زين شنو البيدي اخاف احلفله ملامسني بشر خاف يكلي انتي لو متأكده من نفسج متحلفين خليت حزني بداخلي وسكتت كنت جثه هامده متجرده من المشاعر وتحججت بلخوف من اول ليله وثاني يوم الصبح اجه اخوه اخذنه ...
اول ماطبيت البيت بدون مباركات ولامقدمات اخذني للغرفه وسدن الباب كل هاذا وصمت لبيه كاتلهن كتل كالن ليش العلامه هيج ومن هلسوالف كتلهن اني بكلشي ما احجي وساكته بس مال تتهموني بشرفي ماسمحلكم كتلهة بكلشي تدخلي بس لاتوصلين يم شرفي بصياح وعياط عافتني وطلعت ضليت ابجي عدت الايام حيل صعبه وهوايه اذني من غيرتهن جنت اصغر واحلى وحده بلبيت رغم اني شكلي عادي ومليانه بس هنة كلهن مو حلوات حتى زوجه حمايه
مرت الايام والشغل كله عليه بلبيت عادي تدرون اني متعوده
هو يجي مثل الحيوان ياخذ رغبته بلا مقدمات كبل ياخذ ليريده وينام مصروف مينطيني واصلا كل شي نملكه بيد اخوته احنه ولاشي النه كل النملكه اخشاب غرفه مبينه مستعمله ومصبوغه ماتسوى100الف وهو يكول جبته ب3ملايين وادري كله جذب المهم عركات بشكل يومي ويايه رغم اني ابد ماحجي وشيحجون ويتعاركون اسكت ومرت الايام واشوف بعيني ولد طابه طالعه ويكولون اصدقاء العائله او ولد عم ابونه او ولد خال امنه واني بعيوني اشوف الفلوس اوراق ينطوهم وجانو يتمنون مني غلطه وحده ديسووني مثلهم لدرجه يدزن عليه زوج اختهم يتحرش بيه واني اشتغل واعوف شغلي اطب لغرفتي تجي الجبيره تشبعني رزايل وغلط المهم اني ذكيه بسرعه عرفتهم حجيت الاهلي كتلهم زلم تدخل البيت وماكو احد من الولد والباب تنقفل عليهم ومن هلسوالف لان الدنيا علمتني المكر عرفت شلون اجيبهة الهم بطريقه حلوة عرفو اني اعيش ابيت دعاره مستتر يعني بلوجه مرايا وبلگفه سلايه يكرهوني لدرجه متتخيلوها مخلن مسون بيه حرك خركني سحر جنت ما امن بي لحد ماوصلت الموت بسببه يشهد الله كال الشيخ الي رقاني لوباقيه على حالهة تموت بضرف اسبوع المهم مليت منهم مره من العركات عفتهم طبيت غرفتي ردت احرك نفسي خابرت امي كتلهة ماكلج بس جملتين تجون تاخذوني لو احرك نفسي ومحد اجه واني انتضر وغركانه بهمومي اجه هو رجع من بره كال لمي اغراضج نروح لاهلج فرحت بداخلي رغم الدموع مغركتني اول مره بحياتي افرح بطبتي لاهلي بقاني يومين خابرته كتله شلون كال دوري بيت بمنطقتكم ناجره كيفت لان حطلع بيت وحدي اخلص المهم لكيت شقه قريبه على بيت خالتي اجرناها واهلي ساعدوني بغراض البيت وبعت ذهبي ههه علاساس اسمه ذهب طكاطيك المهم كعدنه استقرينه وكلشي بلبيت من اهلي ومن ذهبي النوب فكرت نفسي ارتاحيت هه هو احاجي 4مرات يله يجاوبني حتى تمر ايام مسواك ماكو بلبيت انام بدون اكل رغم هو عنده راتب بس ينطي لاهله يكول مديون واني مسامعه منه كلمه حلوة لاحاسه بي حتى مينام يمي العنده بلموبايل مكفياته وهو حبير مابي حيل لاكثر من وحده المهم اني حالي حال الممتزوجه ،، اتمنى احس باي شي وياه حتى ماخونه حتى مايميل گلبي لاحد بس ماكو لاحياه لمن تنادي ...
