إن مشكلتك ليست سنَواتك التي ضاعت، ولكن سنواتك القادمة التي ستضيع حتمًا إذا وجهت الدنيا بنفس العقلية.♥️
سلام عليكم شلونكم حبدي اروي قصه من الخيالي ان شالله راح تعجبكم.. اذا حبيتوها دعمني بلايك..
حبدي ويا بطلتنه الحلوه ونكلها القلم الج✍
حياتي شكرا المهم اني اسمي لين ومعنى اسمي
معنى عذب يليق معه،
معنى اسم لين:
اسم لين اسم علم مؤنث عربي، واللين هو ضد الخشونة، وايضاً هو كل شيء في النخلة ماعدا العجوة، وأيضاً لين هو جمع لينة، أي النخلة الصغيرة.
اسم لين في القرآن:
"مَا قَطَعْتُم مِّن لِّينَةٍ أَوْ تَرَكْتُمُوهَا قَائِمَةً عَلَى أُصُولِهَا فَبِإِذْنِ اللَّهِ وَلِيُخْزِيَ الْفَاسِقِينَ". سورة الحشر (الآية 5)
اني من عائله ميسورة الحال متكونه من امي (نجوا)وابي (جود)واخي الكبير (سيف)واخي الصغير (علي) واختي تؤمي (ليا)..جدا أحبها تعرفون التؤم يكون متشابه بكلشي بس انا وليا مختلفين بصفات لكن متفاهمات هي عقلانيه تاخذ الامور بتفكير لكن انا عاطفيه اخذ الامور بعاطفه احب اساعد لكل وحنونه نسيت ماكتلكم شكلي اني جميله بشرتي بيضه عيوني لونها بنيه ع صفار كبار شعري قصير وكيرلي لونه ع بني بخصل ذهبيه وطولي 156 جسمي ضعيف لكن معالمي الأنثوية بارزه اني من مواليد 1996 اختي تشبهني لكن شعرها طويل جدا اني واختي بصف السادس هلسنه بس اني ادبي واختي علمي واخي سيف متخرج ويشتغل ويا ابويه بتجاره وامي معلمه تاخذ اخي الصغير وياها بدوام وترجعه كلش حنونه ومتعاطفه لكن ماتقبل بلغلط وانا واختي دائما اذا تعرضنا شي نكوللها وهيه تفكر ويانه وتحله كلش نحبها وابويه يحبنه لكن غير متواجد بلبيت قليل بسبب لسفر وع حساب عمله الله يحفظه
في احد الايام حتعرفون اقاربنه بلبارتات لجايه ..
نجوا:ماما لين كعدي راح عليج لوكت تاخرتي ع مدرستج اختج ليا كعدت وانتي دومج متعبتني بهلكعده يلا حبيبتي لولو كعدي
لين: فتحت عيوني ع وجه امي لبشوش وهيه تحجي عليه مدري ترزلني ممركزه يي ماما كعدت كعدت كمت وامي اسمعها تكول واخيرا كعدت ست لولو دب النائم ضحكت ع كلام ماما واني متوجهاا لحمام غرفتي وغسلت وجهي واني اباوع ع وجهي بلمرايه وافكر اكول هم يوم اكبر وهلملامح لحلوه تروح غسلت وجهي وفرشت اسناني وطلعت غيرت ملابسي لبست زي لمدرسه ونزلت شفت اهلي ملتمين كلت صباح العافيه عليكم فردولي ابويه بحنيه
جود:ياهلا بشمعتنه الحلوه ياهلا بلعافيه كله
لين:بتسمت وجيت حضنته كتله باباتي انت شمعتنه بوجودك منورتنه
نجوا:يمه يمه شيكدر ع لسانج لمعسول
لين:يمه يمه لتغار ع زوجها ضحكت وياهم وتريكت وطلعنه اخواني جدا هادئين بس اني لخابصتهم بسوالفي وخبالي
ليا:حبيبتي لين شوكت تعقلين وتبطلين تصرفات لطفال هاي
لين:والله خيه بكيفي اني مخبله ووعقلي عقل طفله احسن ماكون اكبر من عمري خلينه نتونس بهلحياة باوعتلي ليا وكملت تراجع كتبها يوصلنا ابن عمي احمد اسمه علي وهوه يرجعنه عنده خط بنات وهوه مبطل مايحب لدراسه جنت اني ويا هواي انسوالف ليا تنزعج كلش من اسوالف ويا علي وضل ترزل بس ماهتم
وصلنه للمدرسه ولتقيت بصديقاتي هذني الروح ديار وميار اموت بيهن انضل نسوالف هواي كل وحده شخصيه بس كلنه نحبالمرح وسوالف وطلعات اختي ليا قليلة لكلام مرات وحدها كاعده لو ويا صديقتها جنان لو وياي بس اضل ساكته اجت ليا يمنه اني والبنات
ليا: اقرو زين هلسنه حته ننجح ونروح كليه لنحبها
لين وديار وميار :ان شالله كلنالها لا تخافين هلسنه كلنه كليه ونفرح وترتاح من قهر لمدرسه ضلينه نضحك ودك جرص ودخلنه لصف ودرس وره درس طلعت من لمدرسه مسطور راسي دايخه ممنتبها فنصدم بواحد لابس قاط وانيق جاي مستعجل اني وكعت بلكاع باوعت عليه وبعد مادريت غير اني بلبيت كعدت بليل ونزلت كتلهم هلوو امي وليا اجني عليه يركضن
نجوا:ها ماما كعدتي شنو يوجعج متأذيه من شي كوليلي طمنيني اسويلج اكل جوعانه
لين : هوب هوب ماما هاي شبيج ليش هيج خايفه هياتني كبالج مابيه شي
ليا:حياتي خوفتنه عليج حقها ماما تخاف وتنرعب جبناج متخربطه وراسج مفشوخ حمدالله ع السلامة
نجوا: ها بنتي شتحسين دايخه حته تاكلين وشربين لدوه
لين: لا حياتي ماماتي لا تخافين مابيه شي بس صداع هوه شصار ماذكر غير اني طالعه من لمدرسه راسي مسطور
ليا:يا ولج انركعتي بالولد جاي ع اخته ياخذها وانتي وكعتي ع حافت لباب وبعد ماكعدتي خطيه انخبص خبص بيج ماقبل يعوفج الا يطمئن اخذناج لطبيب وعالجو راسج بس ماكعدتي هذا الولد راح لدكتور كله ماكعدت ليش
لدكتور:مريضتكم متعرضه لضغط وسببلها بفقدان الوعي خلي ترتاح وهيه تكعد
الولد :تشكر من لدكتور واجه عليه كلي اني جدا اسف بس هيه لي اجت بطريقي ماجنت منتبه عليها حمدالله على السلامتها ليا:لا خويه لا تعتذر وشكرا ع وكفتك هاي خابرت ع اهلي اخذ راحتك الولد ماراح الا اجمي اهلي وسلم عليهم وراح عاد خلص لمغذي وشالج سيف واني بدلتلج وهسه يلا كعدتي ابشرج
لين:كله هذا صاير واني ماكعدت عزا شكد فشله من الولد ولج كولي شنو لبشاره لا افشخج مثل ما اني مفشوخه
ليا:لا والله ماكلج اذا هيج تحايلي يلا اكلج
لين:حبابه اختي لورده لطيفه لحنونه لفستقه أو
ليا:صدك لو كالت امي ماينكدر للسانج لمعسول المهم ابويه اخذلج اجازه يومين ترتاحين بيها
لين:ياي هييييي احلى بشاره شكرا اختي لورده مح مح بوسات بلهوه ادزلها
ليا : هههه يمه منج...
لين:رحت اكلت جوعانه واجه ابويه واخويه
جود:بابا شلونج شلون صرتي حمدالله ع السلاممتج شمعتي ياوردتي سيف :حمدالله ع السلامة لولو
لين:الحمدالله سيف وبابا مابيه شي هياتني كبالكم حبيبي باباتي وسيوفي مدام اني مريضه دللوني
جود:يا ولج فصعونه ليش انتي مو مدلله كوليلي شنو تردين بلا لف ودوران
لين:فديت باباتي ليفهمني اريد حلويات اريد ثلاجه صغيره للحلويات .
جود:تدلل الورده حبيبت أبوها غالي وطلب رخيص
ومشت الايام وصرت زينه وبابا جابلي لطلبتهن وزياده الله يحفظه الي
رجعت اداوم ولبنات ماعافني يخاف عليه حبيباتي وشدينه حيلنه لان قربت المتحانات واجت الامتحانات ومتحنه وكلش متوترين وخايفين ننتظر للنتائج اجني البنات لبيتنه ديار وميار وجنان كاعدين ع نار سيف دا يطلعهن عالنت جان يباوع علينه ويكول ليش ماقاريات زين وسفه عليكم اني هبطت جان يضحك ويكول مبروك ناجحات ونفس المعدل ٧٦ جان تضحك ونكول يا حته بهاي متشابهين يمه فديتنه
ليا:واحنه سيف مو حموت من الخوف
جنان :كاعده تكرط بظافرها من التوتر
سيف:كال ليا ناجحه معدل ٩٥ وجنان معدلج٨٨
لين:اني ولبنات كمنه نهلهل ونركص جان احلى يوم بعمرنه
لين:الحمدالله خلصنه واخيرا وخلصت سالفة السادس بح بنات يضحكن ويكولن اي والله
ليا :يلا بنات ضلن تعشن بس بشرط انتن لسونه
ليا وميار وديار وجنان يضحكن يكولن شلون عزيمه وخطار وكذا خو نروح لبيوتنه انسوي
لين:وره لعشه راحن لبنات وضلينه اني وليا نضحك سهرانه لصبح وافلام ونحشش ونسوالف اسرارنه هاي اول مره ليا تضحك من كلبها فرحت كلش كعدنهلصبح نتراكض ع بابا ونبشره خطيه هوه ماما فرحولنه وباركولنه
جود:ليوم يومكم .شنو تردون طلبو..
تابع...
