فُصِلّيِهً آلّمٌعذٍبهً

بآرتٍ سآدس عشر

دكيت الباب محد فتح
دخلت لكيته مدد عالجرباية ونايم خطية دعاء مالكيتها
كعدته
لمار:عمر .. عمر سويتلك غدة كوم اتغدة يلا لاتظل بلا غدة
عمر:اممم كعدت ...كعدت
وانفتح الباب
دعاء:هاي شدسوين هنا مو غرفة عرسان شون تدخلين 😠😠
لمار:مو.. مو ..جبت لعمر غدة 🙂
دعاء:اني مرته ..واني اسويله فاهمة؟😠😠
لمار:واني هم مرته 😊😊
عمر كاعد عالجرباية وصافن علينا
دعاء:لا انتي مو مرته انتي هنا فصليه يعني خدامة وزجي مالج دخل بيه اني اسويله وجرتني من شعري
لمار:اخخخخ شعري
دعاء:اخذي صينيتج واطلعي برررة بسرعة 😠😠
عمر:دعاااااااء 😡😠😡😠 عوفيها
واجة وخرها كوة عني
لمار شمرت الصينية عالطبلة وطلعت ركض وظليت ابجي بغرفتي
البنات بغرفتهن فمايدرن بية وغرفتهن جوة
لمار كعدت بالكاع وحاطة راسي بين ايدية وابجي
انفتح الباب بس ماشلت راسي
عمر:حبيبي لاتبجين مالج دخل بيها 🙁🙁
وحط ايده على شعري ويمسد عليه (يعني يحرك ايده عليه)
لمار:وخر عني كله بسببك انت انطيتها مجال تجاوز علية وتضربني
عمر:اني شنو؟ مو كتلج نعقد محكمة ونزوج ويصير زواجنا رسمي انتي الي رفضتي
لمار:😭😭😭😭طلكني
عمر:😲😲😲
عمر:مستحيل
لمار:😭😭😭
عمر:حبيبي لاتخاطري لاتبجين اني حاجيتها وبعد ماتتقربلج
لمار:روح اتغدة وعوفني 😢😢
عمر:اعوفج بس لاتبجين ماشي؟
لمار:اي
وباسني براسي وكام ...ماادري منين اجته هالطيبة والحنان وياي
التؤم ورة شوية اجني
داليا:يا لمار ليش تبجين
دانيا:عمر كاللنا نصعد يمج
لمار:ذيج المجلحة جرتني من شعري 😔
داليا:يا كلبة شون تتجرء ..شكد حقيرة
دانيا:خل يجون اهلي ونراويها قيمتها
لمار:لاعوفنها ماتستاهل تفكرن بيها
داليا:ليش بالله ضربتج الحية
لمار:اجة عمر من الدوام وسويتله غدة وفتت للغرفة وهية ماموجودة فكعدته  وانطيته الغدة اجت هية كامت تصيح هاي غرفتنا ومايصير تدخليلها وانتي فصليه ومدري شنو واني مرته واني اسويله غدة وكعدت تحجي علية
التؤم:😲😲😲
داليا:خلوني اكتلها  😡
دانيا:اي داليا كومي
وكامن ثنينهن واني بالكوة كعدتهن
دانيا:عمر شسوة ؟
لمار:صاح عليها ورزلها وبعد ماادري لان نزلت انوب اجاني وحاجاني ...ووو
داليا:ووو؟
لمار:وجعووو باسني براسي وكام
التؤم:اوووووه 😊😊😊
لمار:ماتنجبن مو احسن؟
داليا:اخخخ ظليت بس اني ..😔😔
لمار وعدها عمر .. ودانيا وعدها وائل يموت عليها يراسلها كل يوم ومن يشوفها يوزعلها ابتسامات واني وحدي بقيت ...اهئ اهئ 😢😢 حسو بية ياكفار قريش
لمار ودانيا:😂😂😂😂😂
....ونزلن ورة شوية اجاني عمر
عمر:لمورة خو مابعدج زعلانة؟🙁
لمار:لا 🙂
عمر:ايي همزين شوفي انوب بعد بس يومين تخلص ايام العرس فنروح اني ودعاء شهر عسل اسبوعين بدبي فمااريد تنقهرين  ماشي؟🙂
لمار:😔😔😔😔
عمر:صدكيني اني هم مااريد بس شسوي مو بيدي لازم 🙁🙁
لمار:الله وياك
.....ومرن يومين واجة اليوم الي يرحون بيه ودعاء طول هاي الثلاث ايام تحرك بكلبنا بس مااهتميت الها
.....
دعاء:يلا بنات تشاوو اني رايحة اتونسو عود 😎😎
البنات:😒😒😒
انوب ظليت فوك اني اسمع عمر بالباب يحاجي البنات ويسألهن علية 
...
عمر:دانيا وين لمار
دانيا:بغرفتها
عمر:ليش ماتريد تودعني؟🙁
داليا: لا😡
عمر:ماشي سلمولي عليهن
ام عمر:دير بالك على نفسك يايمة
ابو عمر:انتبه بابا وخابرنا من توصل وظل اتصل بينا ماشي؟
عمر:ان شاء الله مع السلامة
الكل:مع السلامة
....وراح اجت ام عمر يمي
لكتني ابجي
شسوي ام عمر:يايمة ليش تبجين؟
لمار:مااريده يروح 😢😢
ام عمر:يمة انتي جبتيها لنفسج 😔
لمار:يعني شبيدي ياخالة😭
ام عمر:بيدج هواي من يجي بدلي وتمكيجي وعدلي نفسج واربطيه بطفل حتى مايعوفج
لمار:😶😶😶
ام عمر:ههه على شنو استحيتي؟اني مثل امج وداانصحج فهسة ارتاحي ماطول هاي المجلحة مو هنا
لمار:ايي
وعافتني وراحت صدوك احسها مثل امي مااعرف ليش
صار الليل واحس البيت فارغ بدون عمر وميتة قهر اريد اشوفه اشتاقيت لمعاركته وياي
داليا اجتني جفت عالغرفة وفتحت الباب وتركض
لمار:يمةةةة 😨😨😨شبيج ولج
داليا:ااااسفة (تلهث) عمر عالتلفون يريد يحاجيج
لمار:😃😃😃
لمار:😶😶ا ا الو
داليا:احم احم اني رايحة اخذو راحتكم
لمار:😶😶😶
عمر:الوات شونج حبيبي
لمار:اا😱😱 تمام وانت
عمر:بخير ماطولج بخير
لمار(بكلبها):خرب هذا يزحفلي 😱
عمر:الو
لمار:و و وياك وياك ااا شونها دعاء
عمر:قصدج المجلحة 😂😂
لمار:هية يمك شون تحجي هيج كدامها
عمر:هههه لا مو يمي لكت صديقتها بالفندق ونزلت يمها وعافتني وحدي
لمار:امم اهااا
عمر:اااي عيني مااشتاقيتيلي؟😎
لمار:😶😶...اا لا ..لا لان كنت اشتغل من الصبح فما لحكت اي اي لان مالحكت ☺☺
عمر:ها متأكدة؟
لمار:ايي
عمر:بس سبحان الله مو هذا الكالتلياه دانيا
لمار:هاااا؟ 😱😱
عمر:ههه وجعاا اي دانيا كالت اول ماؤحت ظليتي تفرفحين علية وتريديني ارجع
لمار:خررررررب ليش هيج يادانيا اني اعلمج(بكلبها)
لمار: ل ل لا جذب تجذب عليك ولابجيت اصلا شعندي ابجي شنو طفلة ؟ 😶😶
عمر:مااظري هية هيج كالت وامي هم كالت واكدت حجيها
لمار:مو مو عليك بجيت ...اا بجيت على اهلي صارلي سنة ماشايفتهم
عمر:مو مشكلة من ارجع اخذج ماشي؟
لمار :ايي شكرا الك
عمر:يلا الباب يندك اجت الجلحة تصبحين على خير اكلمج باجر ماشي مو تغلسين؟ 😄
لمار:ههه لا وانت من اهل الخير ااه اشتاقيتلك كولش وسديت التلفون رئسآ 😶😶
عمر:ههههههه😂😂
فتحت الباب
دعاء:شبيك توزع ابتسامات😡
عمر:😒😒هففف ماكو شي طبي
دعاء:اكيد كنت تحجي وية هاي الفصليه
عمر:دعاء هذا اخر انذار الج بعد اذا تكولين عليها فصلية اموتج فاهمة 😠
دعاء:دافع دافع هو كدرتك عالفقيرة 😢
عمر:استغفر الله بس انطمري وخلصيني منج 😧
وعفتها ونمت