Forever

Tenth

Аав ээж хоёрыг гуйсаар байгаад нэмэлт давтлага авахаар багш хөлсөлж чадлаа. Гэхдээ тэр багшдаа хоёр хүн гэж хэлсэн л дээ. Энэ талаар аав ээж хоёр мэдээгүй.

Эра-г яаж ийгээд хичээлийг нь хийлгэж цуг их сургуульд сурмаар байна шдээ энэ чинь бас.

Манай аав, Эра-ийн аав хоёр их сайн найзууд болох шиг болсон. Амралтын өдөр бүр л загасанд явлаа гэсээр цуг алга болчихно.

Эра-ийн зан ааш улам л хэцүү болоод байх шиг байгаа юм. Надад онц зүйл мэдэгдэхгүй байгаа ч доод ангийн охидоос янз бүрийн л яриа сонсогдох юм.

***

Эра өнөөдөр хичээлдээ ирсэнгүй. Өдөржин түүний хоосон суудал руу ширтсээр өнгөрөөв.

Өнөөдөр уг нь давтлагаа эхлэх ёстой юмсан.

Хичээл ч тарж би сэргэх санаатай ундааны машин руу явж байтал Сүёон-той таарлаа. Тэр ч бас ундааны машины урд ундаа авах гэж бололтой мөнгөө тоолоод зогсож байснаа над руу хараад "Сайн уу" хэмээн мэндлэв.

- Сайн

- Эра өнөөдөр хичээлдээ ирээгүй л биздээ.

Би түүн рүү гайхан хартал тэрээр амандаа "мэдсэн юмаа" гэх нь тэр.

- Чи ер нь Эра-ийн талаар яаж тийм сайн мэдээд байдаг юм? Ямар санаатай надад энэ бүхнийг хэлээд байгаа юм?

- Тайвшир залуу минь! Ямар ч санаа байхгүй ээ. Зүгээр л сайн найзын чинь найз охины хувиар чиний найз охиныг буруу замаар орчих вий гэж л санаа тавьсан төдий.

Сүёон миний хажуугаар ундаагаа барьсаар өнгөрөх гэж байхад нь гарнаас нь татаж зогсоогоод:

- Миний найзын найз охин? .....

- Үүүпс .... ам алдчихаж.

Тэр миний гарыг тавиулаад явах гэж байхад нь дахин түүний гарнаас зуурч аваад:

- Хэн нь юм? Хэлээч!

Тэгтэл бидний ардаас "Энд юу болоод байгаа юм" гэх хоолой гарав.

- Чанёол~аа миний найз охины гараас тавь. Чи түүнийг өвтгөөд байна.

Сүёон руу хартал тэр байдгаараа хөмсгөө зангидчихсан зогсож байхаар нь зуурсан гараа тавьтал тэр гараа барьсаар илэх аж.