#الوتر الحساس🌸🍃
في الصبح ..
في دار نوم سارة ..
ندى( ام سارة) تنوض في سارة: سوسو بنتي حبيبتي نوضي حي عليك بتفوتك التانوية نوضي الساعة 7:30 نووووضي .
سارة: نعم باهي نضت خلاص.
ناضت وصلت وبدلت دبشها ونزلت بتفطر..
لقت خوها وأختها وامها وبوها يفطرو..
سارة: صباح الخير.
خالد : صباح النور خيرك تأخرتي اليوم .
سارة: راحت عليا نومه.
ندى : هيا افطري.
سارة : لا لا ماعنديش نية .
علي: شكلها سمنت وتبي ادير ريجيم .
سارة:هاهاهاها دمك خفيف .😒
خالد: خلاص انت وياها .
في حوش عمتهم نورة ....
طبعا نورهان تقرا مع سارة وريما في نفس التانوية...
نورهان : صباح الخير مامي.
نورة (ام نورهان ):صباح النور.
نورهان: تعرفي كان شفتي ريما شن لابسه أمس يع شكلها واخدتها من الكناسة.
نورة: اوف من صبح ربي اسكتي يفرخه عيب عليك .
بشير: خيرك يا أمي.
نورة: اختك هذي تشيط الريق .
بشير : خيرها؟؟
نورة : تقرم في خلق ربي من الصبح .
بشير: إنتي ماتسكتيش يافرخة .
نورهان: اسكت يادراه الكبد مدخلكش فيا.
بشير: احترمي نفسك رايح لسانك طاول .
جت نورهان بترد لكن أمها قرصتها..
نورة: اسكتي يافرخة إنتي وياه.
نورهان ناضت عدت التانوية ...
أما في حوش خالتها مروة...
مروة تنوض في البنات : ريما ، فاطمة هيا نوضو وقت عليكم هدا كله من سهر أمس في الليل.
ريما: خلاص نضنا باهي.
ناضو ريما وفاطمة وخشو للحمام وصلو وفطرو وعدو التانوية ..
وفي التانوية....
سارة جت قبل ريما..
سارة: غريبة ريما طولت مش من عوايدها .
فاتن: توة تجي.
ريما : صباح الورد بنات.
سارة وفاتن : صباح الخير.
سارة : وينك طولتي.
ريما : بابا يلي جابنا وتبيلك علشان ينوض.
وفي اللحظة هدي خشت نورهان..
وكانت لابسة كعب وفجأة وبدون سابق إنذار طاحت..😂
البنات كلهن يضحكن عليها وهيا ناضت تأفف..
نورهان: والله نوريكم.
ريما: يلي بديريه ديريه لكن امشي المستشفي شكلها رجلك انكسرت.😁
البنات: ههههههههه😂😂
ورن الجرس ...
وبدا الطابور ...
تم الطابور وكل واحد خش لفصله..
ريما : من عندنا توا .
سارة : أبلة الفيزياء والله الابلة هدي تضحك.
الابلة : هيا بنات وبطلي هدرزه انت وياها.
وخشو الفصل...
سارة : حي شوفو شن لابسه.
ريهام (بنت تقرا معاهم ):نهار احرف شن هذا.
الابلة:خيره كأنه شكلي مش عاجبك .
ريهام :تبي الحق يا أبلة .
الابلة:شنو.😒
ريهام: والله لبستك شينة يا أبلة .
سارة فنصت فيها والبنات قعدوا يضحكوا..
الابلة : بري للإدارة بسرعة.
سارة : خلاص ياابلة سامحيها معاش تعاودها.
الابلة:لا بري بسرعة.
طلعت ريهام وهيا تضحك عدت للإدارة في حاجة متعرفهاش الأبله ان المدرسة لخالة أمها .
المديرة:ميسون: خير ياريهام شن فيه.
ريهام : لاشي قلت للأبلة ان لبستها شينة طلعتني (ميزة ريهام انها متحبش تكذب ).
المديرة:خلاص توه أنا أندخلك للحصة لكن اخر مرة معاش تعاوديها عيب ياريهام .
ريهام : حاضر.
ودخلت ريهام للفصل والابلة برقت ان المديرة جت هيا وريهام ...
الابلة :بس هيا غلطت .
المديرة: امسحيها في وجهي عارفه بنت بنت اختي مجرمة شويه.
وهنا الصدمة للأبلة ..
المديرة : خلاص معادش تعاوديها ياريهام وتاسفي من الابلة.
ريهام : آسفة يا أبلة .
الابلة : خشي لمكانك.
وتم اليوم الدراسي ...
وخشت سارة الحوش ....
سارة : لا بابا.......😱😱
إن شاء الله تعجبكم ..
بالله متبخلوش بالتصويت
نتلاقو البارت الجاي...
سلام❤️🚶🏻
