الشيخه

البارت السابع

#الشيخه

بقلمي
♥
♥غلا الروح ♥

البارت السابع ......

-شني سلاحي! !! ليششش اخوي صاير شي وياك كلي !!

سلطان ....لا ماصاير شي هسه تطيني لو اروح!

-ايي بس خلي عكلك براسك ولا تسوي شي تندم علي ...هسه فايت اجيبه الك!

سلطان....فات جاب السلاح اخذته من ايده ...واخذت سيارته ...بيك ام .....خليت سلاح بيها شكرت منه ...وشخطت سياره بكل غضب وطلعت ....لازم انهي هاي السالفة! !! جوهره مااتصير لغيري لو مو شيخ يصير! !

..........................................

ذياب ....عدة شهرين ع زواجي من هدية ...ونفس الحالة .....برود عندي منهن ...
صرت اخلص كل وقتي بره البيت وارجع تعبان ....
ونفسيتي تعبانه حيل .....مثل المعلول الماله علاج ولا عرفو علته
وصلت بيه بحلامي اشوفها
وشوف عيونها
وافز ادورها مثل الطفل ....لمضيع امه
هيج عشكتها وسره حبها بدمي

بقيت احسب يوم يوم تصير عندي وبحضني....وشبع شوف من عيونها الوكعني بشباكهن
وحيرني بزماني

مراات الايام .....وانيي وابو سعيد بس لنعرف بقصة الخطبة جواهر
محد يعرف بالبيت..... ومقرر بس ارجع من العمره افاتح عمتي وروح املج (اعقد)
ع جواهر وجيبها اللبيت
بعد مااتحمل بعدها عني

هدية ....ابو اسد هذا ثاني كلاص جاي اجيبه ويبرد! !

ذياب....انتبهت ع نفسي شارد بذهني وبالي مو يم احد ابتسمت ....

هدية ....ضحكني وياك صارلك ساعتين مخلي ايدك ع خدك ورايح بغير عالم شني! ! عاشك ولاجني موجوده يمك

ذياب....عقدت حاجبي وخرزتها. ..ضبي لسانج واعرفي شتحجين! !

هدية ....كل مااحجي تلطمني ع حلكي! وجنك مجبور علي! !

ذياب....استغفر الله !! كومي من وجهي لا اقسم برب العباد اخلي دمج بطولج! !!

ابتهال....اسمع صوتهم  يتعاركون وصوت الشيخ عالي 
وبعمري مااعليت صوتي علي ....ومايهون عليه زعله....
وهاي الحيه هدية شايفه روحها علينه
واكفه واحجي ويا روحي ....
الشيخه....ابتهال ناوشيني مي ودواي !! اتنهدت

استغفر الله هاي ناويه تموت ابني ....يوميه طلابه وحجي..يمه ذياب حضك هذا دومك معلعل

ابتهال....ناوشتها علاجها ومي ....وشويه واجه ذياب ...وجه احمر من الغضب ويسب وينعل بهدية
وهيه كل مره سوي سالفة وتاكل كتله معدله تمشي سبوع وترجع تنعوج! !
شكد مانصحها واريد اعدلها ...مااترضه تسمعني وتتعارك وياي وطلعني موزينه وياها وتبجي وتشكى. واطلع انيي الصوج

والشيخ مل منها هالكد مااتشكي وتغار

الشيخه ....خيركم يمه ليشش صوتك عالي! !