خبايا الروح

مشهد

نرجع للقصص الواقعيه....وسلسلة ادم وحواء
والفصل الثالث من هاي السلسه
#خبايا-الروح..واكيد القصه ابطالها يتابعوكم
....مشهد.....

رجعت من الكليه....فرحانه كولش....
خطيبي....وحبيبي....عمر كاعد يمي
يسوق السياره.....وهو كامش ايدي...
ويسوق بأيد وحده......
وينظرلي..نظرات حب
نظراته...الي خلتني أتعلق بيه....وأحبه
تلمس ايدي....وهو يداعبهن باطراف اصابعه.
لحظة خجل..جريت ايدي....الي خلاها على صدره..
وفوكها ايده...يقبلها...ويرجع يخليها على صدره
ظحك واسنانه البيض...الي من بين شاربه الخفيف الأسود ظهرت...
-لا أزل شنو تستحين....
كم يوم وصيرين زوجتي....وام بيتي..اريد ايدج تتحسس قلبي ....الي يخفق بشده...لان انتي قربي
صارلنا شهر مخطوبين
واني سنين أراقبج.....كل هذا....وتخجلين..ام لسان
-ميخالف عمر...الخاطري...

-أخ يابه...عمي الخاطرج كلشي يهون
نزلت...من السياره...سلمت عليه..
جاي ابتعد....

فتح عمر الباب وندار بشكل سريع...بيده علاكه

-تفضلي  شغلات تحبيهم...غمزلي
ودعته والفرحه بعيوني..وصار بوجهي...من جاي ادخل البيتنا....
عمو أبو ياسر....صديق بابا....وكفت أسلم
-هلوو شونك عمو شنو هل غيبه...
صار كومه مجاينه...

-اي عمو حقكم...هو من تقاعدنا...واحد مشاف لاخ
جاي أكمل....
خجلت....
لأن انطلقت بسلام....وضحك بصوت عالي
وطلع شاب واكف يمه...عمو ابو ياسر ضحك عليه
نظرات الشاب وهو يبتسم بجديه من ورى المناظر
لابس لبس عسكري...مجرد شفت طوله وجسمه
رتبته... ضابط.....
مافرزنت وجه...
لان جنت غركانه...بعالم...عمر حبي
دخلت اصيح البابا.........على صديقه
بين ماااريد اغير ملابسي...

بديت اسمع من بعيد....صوت أبنيه..
بقيت التفت....ماكو اي شخص....
تغديت واني...اسولف البابا....وماما عن يومي
جاي اكوم....حسيت بمغص...دوخه....طحت
مااعرف شنو الي جرى....خلال هل فتره

...................
مرت اتلث أيام.....صحيت على روحي
جنت كاعده على سريري
وراسي بين رجلي.....حلكي يابس
الكل كاعد داير ميدوري.....صافن
ماما بابا....أخوي....يزن .....أخوي الزغير شهد
عمو ابو قتيبه زوجته...بنتهم غدير وقتيبه
الكل ينظرلي.....بشفقه......
جان ودي اخبرهم اني جوعانه
الجوع يكرص بطني....
بس الأكل يمي...مقزز شكله
ماما دتحجي.....
بس مدا يجيني صوتها....
اسمع وشه....اصوات بعيده.....
الكل يحجي.....واني مويمهم ...ويمهم...
تقربت غدير....حسيت بخوف
منو انتم وشنو تردو........
........