#يتيمة_الاب_بوجود_ابي

#البارت1

#يتيمة_الاب_بوجود_ابي

بقلم #Noor_H

الاسم غريب مو
تفهمونه من القصه

الابطال تتعرفون عليهم خلال القصه
بس البطله مالتنه اسمهه حلا

حلا:بنيه عادي شكلهه ,طفوليه عمرهه 20 سنه
عايشه وي ابوهه وامهه واخوات وحده اكبر منهه و2 اصغر منهه واخ واحد اصغر منهه
حالتهم الماديه عاديه عايشين ومناقصهم شي
تدرس جامعه مرحله 2
عايشه حياتهه مرتاحه بضل ابوهه
شخصيتهه محبوبه كل الي بالدوام يحبوهه عدا كم بنت يغارن لان شاطره

#بارت1

عايشه حياتهه طبيعيه ماعليهه ب احد تروح بدربهه وترجع بدربهه محافضه ع سمعتهه وصاينه ثقه اهلهه
ماالهه بسوالف الحب والعلاقات
عاشت حياتهه طبيعيه الى ان اجه اليوم المشؤوم بالنسبه الهه

حلا:سلام
امهه:هلايمه بشري شلونج بالامتحان
حلا :ماادري حليت وطلعت 😁
اخر امتحان ماالي خلكه
امهه :يايمه جا واذا اخر امتحان
حلا :ههههه لايمه مجاوبه
معطله لاتكلمني 😊✌
امهه :ههههه الحمدلله
تاكلين
حلا :لا مو جوعانه اروح اناااااام هلكانه
امهه :براحتج يمه

حلا :اليوم كملت اخر امتحان الي والحمدلله خلص ع خير
كملت اول يومين بعد اخر امتحان اكل ونوم ونت 😍😍😍 ياالله هم وانزاح

بعد مرور يومين
حلا: جنت نايمه العصر وسمعت صوت بابا يتعارك
نزلت ركض
ماما ماما شكو
امهه:ماادري يمه رياجيل بره مانطلع
حلا :الله يستر

بعد ربع ساعه
ام حلا :خيرك يارجال شكو
ابو حلا :ماكو شي لاتخافون
حلا مو عندج امتحانات ليش ماتدرسين
حلا :ها لا خلصنه قبل يومين
ابوهه :ها خوش
يله طالع مع السلامه
حلا :يمه شبي ابوي هيج يحجي
امهه :والله ماادري ييمه الله يستر

حلا :ضليت افكر بالي صار وخايفه لايكون ابوي متورط بشي ع الرغم انو هو مسالم بس مااعرف هيج اجه ع بالي
بالليل جاي نتعشه واجه ابوي سلمنه عليه وكعد يتعشه ويانه
اخو حلا :بويه شصاير اليوم شنو هالهوسه
ام حلا :اي والله مكلتلنه شكو
ابو حلا :ماكو شي بس كريم رجع يريد الامانه وجاي يهدد
ام حلا :يا امانه
ابو حلا :الامانه الي انطاهه النه قبل مايسافر قبل 19 سنه
ام حلا 😳😳😳😳😳 وشصار
ابو حلا :ماصار شي بقه يهدد
حلا :خير يابه يا امانه
ابوهه :بنتي هاي قديمه السالفه متتذكريهه جنتو اصغار انتي واختج يمكن سنه عمرج او اقل
حلا:اي جا انطي الامان وخلصهه
ابو حلا:ان شاء الله

مرت الايام عادي بس ابوي احسه متوتر يصفن هوااي وامي مهمومه من اسألهم يكولون ماكو شي
وره اسبوع طلعت النتائج وطلعت من الاوائل اهلي كلش فرحو لان اخواتي كلهن هم ناجحات
بس جان شاغل بالي ابوي ليش هيج متوتر وشنو الامانه الي يطالبون بيهه
يجوز مبلغ جبير وابوي ماعنده؟!!!
يا الله خلصنه من هالمشكله

وره يومين
ابو حلا: ماترحون ل خالتكم
ام حلا:اي والله عدنه نيه شوكت تودينه
ابو حلا:باجر العصر
ام حلا:شبيك
ابو حلا:مابيه بس عندي موعد باجر وكلت اوديكم من ارجع اجيبكم
ام حلا:وي كريم
ابو حلا: 😔😔 ايي
ام حلا: الله يستر

ثاني يوم اخذهم ع بيت خالتهم وراح لحتى يشوف كريم
حلا:رحنا ع بيت خالتي واتونسه وي البنات بس بالي يم ابوي ويم الامانه وشنو سالفه كريم
19 سنه مو شويه

قاطع تفكيري صوت امي
ام حلا:شبيج يمه
حلا:مابيه ☺

مر اليوم عادي متونسين بالليل اجه ابوي وهو ناااار
وصلنه للبيت ودخل لغرفته وامي راحت وراه
اني خفت مااعرف شأسوي اخوي محتار ميعرف الموضوع
رحت ع غرفتي نمت وبالي يم الامانه وكريم

كعدت الصبح ع صوت امي
ام حلا :يمه حلا اكعدي
حلا ؛بعد وكت عفيه اريد انام
ام حلا :يمه عندي موضوع وياج
حلا :من كالت موضوع وياج ذكرت ابوي كمت رأسا
ابوي بي شي!!!!!!!

ام حلا:لايمه مابي شي اكعدي اتريكي ونحجي
حلا:خوفتني بس مالحيت كمت غسلت واتريكت
ورحت لامي ع غرفتهه

ها يمه خير
ام حلا: خير بنتي
يمه اكو شي لازم تعرفي
بس اتأكدي انو اني وابوج نحبج كلش وماتهونين علينه بس هالشي غصبا عنه
حلا :😳😳😳 يمه خير شكو شصاير؟!!

شتتوقعون شنو الي راح تحجي ام حلا ل بنتهه؟!
واله علاقه ب الامانه وكريم لو مصيبه جديده نزلت عليهم؟!

توقعاتكم حبايب 😍😘😘