إتزان ٢

2

2..
|| وَ سَلَامْاً عَلْىَ مَنّ رَاقْ لَهُ الرَّحِيلْ ||

______

كلهم مشيوا معادا مروان قاعد لسة معانا

احمد" ها يا مروان عملت ايه فى الشغل"

مروان قام و زقنى و قعد هو جمب احمد

"متزوقش طه"
مروان" طه!! سيبك يا احمد ولا حاجة يا معلم حاجة نيلا والله الواحد كره انه نائب مدير دى عليه شغل اكتر من المدير"

"منا بصراحة مش فهماك اية علاقتك بـ الاستيراد و التصدير؟؟"

مروان" اسكتى متتكلميش انتى"

احمد قعد يضحك عليا مستفز هو الزفت التانى!!

احمد " هو مع الوقت هتنجح و تفتح شركتك بنفسك"

مروان " ياارب"

"مش ناوى تتجوز عشان تلمك بدل م انت قاعد زى العوانس كدة"

احمد" اه صح مش ناوى تتجوز"

مروان " طبلها طبلها يا اخويا .. مش عابز اتجوز ياست انتى هو غصب و كمان اصلا انا الف من تتمنانى بس انا اللى مش راضى"

"اه قولى كدة بقى! م تتجوز سارة مثلا!"

احمد " هبلة انتى ولا شكلك كدة!"
"الله وانا قلت ايه غلط ياعم! يعنى هى من زمان و بتبصله حتى النهاردة كانت مضايقة انك طول القاعدة مع روان و مكلمتهاش"

مروان" لا يابنتى و كمان ايش عرفك انتى دخلتى جواها ..و كمان سارة ايه اللى اتجوزها لا"

"اول حاجة متستهونش بقدرات دكتور نفساني .. تانى حاجة مالها سارة!"

احمد" لا يا جودى و بطلى هبل بقلك ايه يا مروان فكك منها صحبتك بتخرف"

بصتلهم هما الاتنين .. و حسيت براحة نفسية و انا ببصلهم

يمكن عدة عليا انا و احمد كتير و مفيش حد يستحمل اللى حصل مبينا بس مع ذلك عشان كان حبنا بجد استريحت دلوقتى

دايما بفكر كان ايه اللى هيحصل لو كنت قتلت احساس و كملت مع مازن الفرح كان هيبقى حالى عامل ازاى دلوقتي!

مشوفتوش من ساعة الفرح بس سمعت مرة سارة كانت بتكلمة عادى ف هو اكيد كويس

واكيد لقى اللى بتحبه بجد و اللى هتقدره

"طب هسيبكم انا بقى عشان عندى شغل بكرة .. احمد اصحيك بدرى عندك تدريب؟"

احمد" لا حسين هيعدى عليا من هنا "

"طيب تمام"

__________________________

صحيت الصبح برتب لبسى بهدوء عشان احمد ميصحاش

حطيت حاجتى فى الشنطة و رحت قفلت الستارة عشان احمد يعرف ينام و خرجت من الاوضة

.
.
دخلت العيادة و لقيت اول واحدة اللى بتحب يبقى معادها بدرى عشان زى م بتقول مش عايزة اعرف اهلى انى بتعالج

دخلت المكتب و قعدت و هى دخلت ورايا

"يا صباح الخير"

عهد " صباح النور"

قمت عند البار عشان اعمل قهوة عشان اعرف اركز فى الشغل بقيت من اوائل الدكاترة النفسيين فى مصر دى حاجة محسسانى بالفخر بس فى نفس الوقت فى تعب و ارهاق عليا

"تشربى حاجة؟"

اكتر حاجة بحب استعملها ان احسي المريض انه مش بيتعالج فعلا زى مـ بيقوله بس كأنه بيدردش مع صاحبه دى احدى اسباب انى حتى المشاريب فى المكتب بتاعى

عهد " لا شكرا .. هو انا .. انا رجعت كلمته"

"عمرو؟"
لفتلها و هى كانت باصة فى الارض رحت قعدت قدامها و هى بصتلى عينها ابتدت تتجمع فيها الدموع

عهد " عارفة المشكلة ايه؟؟ انى انا إللى رجعت كلمته حتى هو معتذرش على انه سابنى ليلة خطوبتنا انا سامحته بينى و بين نفسى و رحت اتكلمت"

"عهد انتى بتاخدى الدوا اللى بقلك عليه؟"

عهد" انا مش مكتئبة!! انا بس بتكلم معاكى عشان ملقتش حد اتكلم معاه و حاسة انى وحيدة"

"اهو احساس الوحدة ده اكتئاب انتى حوليكى ناس كتير اوى بيحبوكى بس انتى رافضة فكرة انك محبوبة ف ده سبب يكئب .. و لو عايزة فعلا تبقى كويسة يا عهد و الضعف اللى انتى فيه ده هيروح لو انتى تقبلتى انك فعلا مكتئبة"

عهد" قلتلك ١٠٠ مرة انا مش مكتئبة"

"ممكن تفهمينى محاولة انتحارك من شهر كان لية؟ عهد انت بتجيلى بقالك 4 شهور و مفيش اى تقدم فى نفسيتك بس بتسوء"

عهد" انا عايزة امشى عندى محاضرة دلوقتى"

بصتلها زى كل جلسة لما بتتزنق فى الكلام بتهرب

____________

دخل مريض اول مرة يجيلى شب كدة و دخل قعد فى الكرسى اللى قدامى و ابتسم بخفة

"حلوة الابتسامة دى واعتبرها تفاؤل"

ماسكة القلم و عمالة اخطط فى الكراسة اللى قدامى

.."انا حسن ٢٧ سنة .. مهندس معمارى"

بصتله و ابتسمت
"حلو .. اتكلم!؟"

حسن" انا كنت مدمن و اتعالجت بس طبعا فترة العلاج صعبة"

"طيب يا حسن انا اللى اعرفه ان معالجات الادمان بيبقى عندكم فى المصحة دكتور نفسانى بيتابع حالتك؟"

حسن" انا منا مكنتش فى مصحة"

"امال اتعلجت ازاى! كنت مدمن اية؟'

حسن شبك ايده فى بعض و ابتسم ابتسامة ممزوجة بحزن

حسن" كنت مدمن واحدة اسمها امينة و ماتت قعدت بعدها 6 شهور بحاول اتخطى موتها و اهو بدأت اتقبل واقع انها مش موجودة"

"الله يرحمها"

حسن" يا دكتورة انا--"

"جودى .. قولى جودى"

حسن" تمام"

________________

فوت/كومنت!🌸🙆